1 Koranar 11:21 - mzwDBL

²¹ Hadad baa no kɛŋɔ Kooro Devid sewɔ, Joab waa ɛ o laa sitɔɔ ɡe sewɛ. Belaa o ŋɔ Ijipt Kooro be ŋɔ, “N naa, n poori tɛ mɛ ŋwɛnɛ ń berɛ kaa n harɛ ta.”

1 Koranar 11:21 ပူးပေါင်းရင်းမြစ်များ

1 Koranar 2:10

Asɛ Kooro Devid chɔ o banɔn ta ba huɡo Jerusalam Kooro Devid Bwɛjen ta o ka pu o naawa.

Matiu 2:20

Nyundua torome la ŋɔ o be ŋɔ, “Ir, dɛ́ kpɔ bie la ne o nya hé kaa Israel harɛ ta ja, dɛkalkɛ naate waa dɛ nyin bie la dɛ́ kpo la sewɔ.”

1 Koranar 2:34

Asɛ Bɛnaya berɛ la Korowii Tɛnte Dea bela, dɛ ka kpo Joab dɛ kpɔɔ le ka huɡe o ɡbaɡba dem pua hɛŋle ɡbo harɛ la ta.

2 Samoɛl 3:21

Ate, Abna ŋɔ Kooro Devid be ŋɔ, “N dɔɔ, ɡel n ir warane dɛ́ la ka bol waa baɡle Israel tena ásɛ ba lɛɛ do, ba ne he fɔwɛ fɔo he di kora harɛ la bwa ta, ɡɛ he fa aa dɛ nyin la, dɛɛ nyiŋi ba nɛ.” Anomanta, Devid tɛ Abna ŋwɛnɛ o kaa deŋnesɔɔhna ne.

1 Samoɛl 9:26

Ba iro bɔr chaahna saŋ, asɛ Samoɛl la Sɔɔl be saldoa bela dɛ ŋɔ, “Ir dɛ́ kpɔ he te, ásɛ n ka doe ŋwɛnɛ.” Asɛ o kpɔ o te ba bwa le kaa.

Josua 2:21

Ate, haah la sɛh dɛ ta ba ŋwɛnɛ ba kaa. Baa kaala tonɛ la, o kpɔ ŋwɛnswɛm la vɔwɛ tokoro la ta.

Kaala 4:19

Mosis taa lɔ Midian harɛ ta la, Korowii ŋɔ o be ŋɔ, “Berɛ kaa Ijipt harɛ ta, dɛkalkɛ nɛra la ba fa aa dɛ nyini dɛ́ kpo la bwa serewɔ.”

Mumpar 45:24

O kaa do o dɔɔranar ŋwɛnɛ asɛ baa dɛ kaa la, o ŋɔ ba be ŋɔ, “Hɛɛ berɛ ka yoi ŋwɛnɛ ta noo!”

1 Koranar 11:20

Tapenes nime lolɛ bibaa asɛ ba pa o sɔn Genubat, asɛ Tapenes kpɔ bie la kaa koodem dɛ ka dɛɛro o ne kooro bii do bela.

1 Koranar 11:22

Anee Ijipt Kooro bɔɔro ŋɔ, “Bɔkwaa hɛɛ nyin n ta hen tɛɛ hɛɛ nyin he berɛ kaa he harɛ ta nɔ?” Hadad chaŋe ŋɔ, “Wobɛlbwa laa, he te tɛ mɛ ŋwɛnɛ ásɛ n berɛ kaa.”