1 Koranar 11:2 - mzwDBL

² Ba ɛ nɛra Korowii aa bol ba waa Israel tena be ŋɔ, “He bɛ ban mo ásɛ ba ba berɛ he liire kaa ba voɡare ta.” Kɛ ane a bwa, ɡɛ nɛra laanee Kooro Solomɔn ka mo.

1 Koranar 11:2 ပူးပေါင်းရင်းမြစ်များ

Mumpar 2:24

A waa ɡela baa yon ɡel o nya ne mɛɛ, dɛ́ ka kpɔ haah ba yon pɛ so, dɛ́ ɛ beŋkpoŋ la.

Mumpar 34:3

Dɛ o sie lɛ bitolo la nɛɛ kɛrɛdɛ, asɛ o bambile lawɔ wɛɛ di o deŋna.

1 Koranar 11:9

Korowii baah di Kooro Solomɔn nɛ, dɛkalkɛŋɔ dɛ o bambile le on Korowii Israel tena aa dɛ tomɔ o kpɔ o te baɡlo kera anɛ bwa la nɛ.

2 Webena 19:2

asɛ Hanani bibaa Jehu waa ɛ Korowii keame la ka cheme Kooro Jehosafat dɛ ŋɔ, “A chɛ kɛŋɔ hé cha nyubinikpeɡ tena, ásɛ dɛɛ nyin nɛra baa hah Korowii aa? Gɛ nomanta, Korowii bandia ba he nɛ.

2 Webena 21:6

O teŋɛ waa Israel koranar aa ɛa la ta. Dɛ o mo Kooro Ahab bihaah, anomanta, o ɛ wechɔɡa Kooro Ahab ne o dem tena aa ɛa la, dɛ jo Korowii nɛ.

Ɛsra 9:12

Anomanta, he bɛ he bihaahna kpɔ tɛ ba bibaala bá mo, ɡɛɛ aa wola chɛɛ kɛ he ɡe bibaala mo ba bihaahna. Hé ne ba bɛ nyopɛo fɔo bɛlbwa fɔwɛ, ɡɛ aa ɛ he won so dɛ́ biɡri, dɛ́ dɔ bokpeɡa dɛ́ di harɛ la ta kondɛɛɡa, ásɛ a chɔ le tɛ he bii saŋ bɛlbwa dɛɛ la.’

Yela 139:21

N Naa Korowii, n hah nɛra baa haeh! N kii nɛra ba deŋne aa kpeɡa baa jo he nɛ!

Kaala 23:31

Mɛɛ ɡeloo he jwɛh le Mposwɛm la ta ka le Mɛdetereenea Mpo ta, dɛ́ kpɔ ka le pua hɛŋle ɡbo harɛ ta, dɛ́ kaa Yufretis Moo la ta. Mɛɛ kpɔ nɛra baa soɡe harɛ la ta bela laanee do he nɔn ta, ásɛ he doŋ ba le he sie.

Kaala 34:12

Hé nyiŋi kɛrɛdɛ ásɛ he ne nɛra haa dɛ la ka so ba harɛ ta nɔ bɛ fɔo bɛlbwa fɔwɛ, ásɛ a ba ɛ kɛŋɔ bel bɛl, dɛ́ chɔ tɛ heya.

Kaala 34:16

Hé nyin ba bihaahna tɛ he bibaala ba mo, asɛ baa tomɛ ba voɡa la aa, ba ken ɛɛ berɛ he bibaala la liiree le n be dɛɛ tomɛ ba voɡa la.

Malakae 2:11

Juda tena ta ba nyobaɡa ta teŋɛ, dɛ chɔɡ ba ne men Korowii fɔo la. Ba ɛ waa maa kia Israel harɛ ta bwa, ne bwɛjen Jerusalam. Baala mo nɛŋhɔɔhra baa dɛ tomɛ voɡa bihaahna, dɛ kpɔ doŋa kah Korowii Dea la.

Tɔn Pɔɔl Aa Chwerɛ Rom Tena 1:32

Ba jemɔ kɛŋɔ Korowii ŋɔ nɛra baa dɛ ɛ ken la, ba chɛ kpoe, kɛ dɛ ɡe ta na dɛɛ ɛa, dɛ ɡarɛ dɛɛ kpɛɛ nɛra baa dɛ ɛa la.

Tɔn Pɔɔl Aa Chwerɛ Rom Tena 12:9

Hɛ́ɛ nyin dɔŋa bambile bwa ne. Hé hah wechɔɡa te bɛlbwa, dɛ́ lawɛ wedɛɛɡa te bɛlbwa bini kpoŋe kiŋkiŋ.

1 Kɔrent 15:33

He bɛ ɡel nɛra ɛɛ neɡre heya. Danchɔɡe kpɔe dɛ chɔɡ dadɛɛɡe.

Wepila 2:4

Kɛ he webeŋkpoŋ maa dɔa laanee kɛŋɔ, nyina he fa aa dɛ nyin mɛ loɡla la ta ɡɛ doe kpa.