1 Koranar 11:13 - mzwDBL

¹³ Kɛ mɛɛ koh n bonɔɔ Kooro Devid ne bwɛjen Jerusalam maa kpɔa ɛ n bwɛɛ la waa, maa kora la bwaa lɛ. Mɛɛ ɡel dea beŋkpoŋ nɛraa tɛ he bie.”

1 Koranar 11:13 ပူးပေါင်းရင်းမြစ်များ

1 Koranar 12:20

Baa noa kɛŋɔ Jɛroboam berɔ le Ijipt harɛ ta ba la, ba tomɛ nɛra ba ka kpɔɔ ba ba baah ta, dɛ ba cheɡo Israel harɛ ta bwa kooro. Juda dea tena ɡboo teŋɛ Kooro Devid luɡe tena nɛ.

1 Koranar 11:32

N bonɔɔ Kooro Devid ne bwɛjen Jerusalam maa lea le Israel deene bwa bini la nomanta, dea beŋkpoŋ nɛraa dɛ́ ɛ o nɛra.

Mmarare 12:11

Korowii haa dɛ tomɔ nɔ ɛɛ baɡle heyaa bobeŋkpoŋ bela he bwa aa ka cheme dɛɛ tomɔ. Belaa chɛ kɛŋɔ hé kpɔ saraha kwaa haa fuh dɛ́ kpɔ dɛɛ jaamo, ne kwaa haa kpoa dɛɛ tɛo, ne he komɛlbwa haa dɔa bɔre fi bini bɔrbeŋkpoŋ, ne he koŋkɛɛla kpɔe tɛo, ne he nyobaɡa kwaa ɡɛ maa ŋɔ he be saŋ bɛlbwa dɛɛ la.

Mmarare 12:5

Korowii haa dɛ tomɔ nɔɔ dɛɛ ba he deene la bwa baɡla harɛ la ta, bela waa dɛ nyin kɛŋɔ he bwa kaa cheme dɛɛ tomɔ.

Aesaya 62:7

Baa ɡel Korowii onɛ bwa ka tel kɛŋɔ, waa bera kwaa vɔrɔwe hen Jerusalam. Wɛɛ ɛɛ bwɛjen nɛra bwa kpɛɛre harɛ nɔ ta.

Aesaya 62:1

Mɛɛ bol waa dɛ do Saayɔn tena ɡbemba. Jerusalam nomanta, maa nyoa tɔ, ka tel kɛŋɔ maa pɔ he nɛra dɔma nɛ. Toɡra baa toɡra la ɛɛ ɡeloo ba dɔ silɛɛ kɛŋɔ, kapɛla aa dɛ hɔ jwaana ken.

Aesaya 14:32

Webesoo yaa ba toroma baa le harɛ la ta ba la chaŋa ɔ? “Korowii kpɔ Saayɔn cheɡ, ásɛ o nɛra baa dɛ na wahala dɔ bɔr so dɛ́ dɔ ba nyu.”

Aesaya 9:7

O kora ɛɛ do kanee dɛɛ ja saŋ bɛlbwa, ásɛ deŋnesɔɔhna aa wola jaɡa dɔe do le saŋ bɛlbwa dɛɛ la. Wɛɛ chiɡ Kooro Devid naa taa, dɛ́ di kora. O kora ɛɛ che kasinteŋ ne waa aa toɡra taa dɛ́ do kpeɡri, dɛ́ le saŋ nɔ ka tel waa bwa jaɡa saŋ. Koranar Bwa Kooro ɛɛ do siee dɛ́ ɛ anɔ bwa.

Yela 132:17

Mɛɛ lawɛ Kooro Devid naanar la bini bɛlee, dɛ́ cheɡo kora ta Saayɔn wɛɛ di kpeɡri, dɛ́ ɡel kooro maa leo cheɡ la jirima ɛɛ chaah, kɛŋɔ nii waa dɛ chaah saŋ bɛlbwa ken.

Yela 132:1

N Naa Korowii, lii Kooro Devid ne wahala waa naa wa.

Yela 89:49

N Naa Korowii, he nyina o fa aa kana la sɛ? Nyoa he fa aa baɡɛ Devid la ɡe sɛ?

2 Koranar 23:27

Korowii ŋɔ, “Mɛɛ le Juda harɛ nɛra ɡe nee, ɡɛ maa le Israel harɛ nɛra ne la. Dɛ́ vɛh bwɛjen Jerusalam tena maa lee ba cheɡ tɛ n te, ne Dea nɔ maa ŋɔa baa tom mɛ o bini nɔ ta.”

2 Koranar 21:4

O ɛ kwaa voɡtoroma aa dɛ ɛ saraha a ta Korowii Dea, bela Korowii aa ŋɔa belaa a chɛ kɛ baa tomɔ la.

2 Koranar 19:34

Mɛɛ tɔ bwɛɛ nɔ ɡbemɡbee dɛ́ lɛo, n jirima ne nyoa maa baɡɛ n bonɔɔ Devid nomanta.’ ”

2 Koranar 13:23

kɛ Korowii dɔ tedoma ba nɛ dɛ na ba sum, fɔo o ne ba naawa Abraham ne Aesek ne Jekɔb aa fɔwa la wa. Ba le fini, waa nyin kɛŋɔ ó chɔɡ ba, kɛɛ dɛ́ doŋ ba le o sie.

1 Koranar 11:39

Kooro Solomɔn wechɔɡa nomanta, mɛɛ ba Kooro Devid naanar ne harɛɛ, kɛ dɛɛ la saŋ bɛlbwa laa.’ ”

Mmarare 9:5

A ta ɛɛ kɛŋɔ he ɛ nɛndɛɛɡa dɛɛ ɛ anɔ la aa wera waa hɛɛ la dɛ́ ka lɛ ba harɛ so. Ba nyubinikpeɡ waa ɡela Korowii ɛɛ ba he sie tɔe dɛ́ doŋ ba le tɛ heya, ásɛ dɛ ɡel waa waa koh a waa baɡɛ he naawa, Abraham ne Aesek dɛ Jekɔb nyoa la won che.

1 Koranar 8:29

Dɛɛ daah Dea nɔ chɔɔ ne jwaana, bonɔɔ he le cheɡ ŋɔ baa tomɛ. Dɛ n kpɔ sie chaɡɛ Dea nɔ ta dɛɛ soŋe naa, no n be.

1 Koranar 11:14

Belaa Korowii ɡel Hadad ɛ Kooro Solomɔn dɔm. Edom tee Hadad nɔ, o le Edom koranar dea.

1 Koranar 12:17

Kɛ, Israel tena baa lɔ Juda harɛ bwɛɛre ta la te, dɛ Kooro Rɛhoboam dɛ́ di kora ba nɛ.

2 Koranar 17:18

Anomanta, Korowii baah di Israel tena nɛɛ taeh, dɛ doŋ ba le o sie. Juda dea tena ɡboo baa ka.

2 Webena 21:7

Dɛ Korowii aa nyin kɛŋɔ o chɔɡ Kooro Devid dem kora, dɛkalkɛ o ne Devid fɔwɛ fɔo o baɡɔ nyoa ŋɔ o naanar ɛɛ di kora saŋ bɛlbwaa dɛɛ la.

1 Koranar 12:19

Le a ɡɛ saŋee Israel tena baa lɔ weekaŋle nyunduabɔr ɛ Kooro Devid dem tena deŋnekpeɡ, dɛ pere ba te le ba nɛɛ dɛ ba le fini.

2 Koranar 8:19

Kɛ ane a bwa, dɛ Korowii koh o bonɔɔ Kooro Devid waa dɛ ŋɔ waa Juda harɛɛ chɔɡ. Dɛ Korowii baɡɛ nyoa ŋɔ Kooro Devid naanar la bini bɛlee dɛ́ di kora Jerusalam saŋ bɛlbwa dɛɛ la.