1 Koranar 11:1 - mzwDBL

¹ Ijipt Kooro bihaah Kooro Solomɔn aa moo la habɔɔ, o berɔ nyin Moab ne Amɔn ne Edom ne Sidon dɛ Hiti tena bihaahna.

1 Koranar 11:1 ပူးပေါင်းရင်းမြစ်များ

1 Koranar 11:8

O do voɡa deene tɛ o haahna la bwa, asɛ ba kaa fuh daawiile a sɔɔh aa soma dɛɛ ɛ sarahare a ta.

1 Koranar 14:21

Kooro Solomɔn bibaa Kooro Rɛhoboam di kora Juda harɛ ta, dɛ o di bene fifraanaarɛ dɛ beŋkpoŋ. O di kora bene fi dɛ anuanɛ Jerusalam, bwɛjen Korowii aa lea le Israel deene bwɛɛre bini baa tomɔ bela la. Kooro Rɛhoboam nya sɔne Naama, Amɔn tee.

1 Koranar 14:31

Kooro Rɛhoboam sewɔ asɛ ba huɡo o naawa hoɡa ta Jerusalam waa ɛ Kooro Devid Bwɛjen ta. O nya sɔne Naama, dɛ Amɔn tee. Asɛ o bibaa Abija ba chiɡ o mɛɛ naa ta dɛ di kora.

1 Koranar 16:31

O ta ɡelɛ a jaɡɛ bela dɛ ɡe ɛ Nɛbat bibaa Kooro Jɛroboam wechɔɡa la dɔŋa. O berɔ mo Sidon Kooro Etbaal bihaah Jɛsɛbɛl dɛ pa mun dɛɛ tomɛ voɡ Baal.

1 Koranar 3:1

Kooro Solomɔn ne Ijipt harɛ kooro nyoa pɛo asɛ Kooro Solomɔn mo o bihaah. O kpɔ haah la ba Kooro Devid Bwɛjen Jerusalam mɔɔ dɛ ma koodem ne Korowii Dea dɛ danjwɛɛ bar bwɛɛ la.

Ɛsra 10:44

Dɛ a ɡɛ nɛra nɔ bwa mo haahna baa wola ba harɛ ta nɛra ɛɛ, hale ba bini bane ne ba haahna loɡle. Asɛ ba doŋi haahna la ne ba bii bwa kaa.

Ɛsra 9:1

Baa ɛ anɔ bwa tonɛ la, nomonome la ba men sɔfo Ɛsra be ŋɔ, “Israel tena ne sɔfore, dɛ Lewi dea tena la ta ba te pere le Keenan ne Hiti ne Pɛrɛs, ne Jebus ne Amɔn ne Moab ne Ijipt, dɛ Amɔre tena we-ɛɛla Korowii aa kia aa wola were la ta.

Ɛsra 9:2

Israel baala la kpɔ harɛre aa bar ba cheme la haahna mo, a che a ta ba ne Korowii nɛra ba wa aa do ɡoroŋ la, ne ba we-ɛɛla aa wola were la koo dɔŋa. Nomonome ne sitɔɔla laanee tɔ ba sie ba ɛ ɡɛ waa nɔ.”

Kaala 34:16

Hé nyin ba bihaahna tɛ he bibaala ba mo, asɛ baa tomɛ ba voɡa la aa, ba ken ɛɛ berɛ he bibaala la liiree le n be dɛɛ tomɛ ba voɡa la.

Sɛɡla 2:16

Wejemaa dɛ won lɛɛ le hanjwamane nɔn ta, haah waa kpɔ wobosoma kaa he ne wechɔɡa ta.

Sɛɡla 22:14

Hanjwamane wobol do kɛŋɔ bɔluŋ ken. Nɛn waa dɛ ɛ Korowii bandiwaa la dɛ le o bini.

Sɛɡla 23:33

Hɛɛ na musuwaa, ásɛ he liire ɛ sakaa.

Sɛɡla 31:3

Bɛ he bokpeɡa chɔɡ haahna nɛ, ba ɡelɔ koranar ɛɛ chɔɡ.

Sɛɡla 6:24

Aa won kee le hanchɔɡe nɛ, dɛ́ won ɡel he laa he te kpɔ haah o nyoa wobol aa soma, dɛ ɛ nomɛl haah nɛ.

Sɛɡla 7:5

Aa lawɛɛ le hanjwamane, ne nomɛl haah o nyoa wobol aa soma nɛ.

Lewi Dea Tena 18:18

Dɛ he haah ta soɡe le o ta sewɛ mɔɔ naa, dɛɛ berɛ o nime kɛɛ nahaah moe dɛ́ ja o nɛ dɛ́ lawɔ chɔ, a ba ɡɛ naa, baa toŋroo.

Mmarare 17:17

Kooro la bɛ haahna mo warɛ, a ba ɡɛ naa, waa sie Korowii waa taa do. O bɛ kondɔɔh kɛŋɔ suuɡapoŋa kɛɛ suuɡaswɛm kohona nyin.