1 Koranar 10:9 - mzwDBL

⁹ Korowii haa dɛ tomɔ laanee dɔ jam. O sie lɛ he nɛ, dɛ cheɡe kora ta Israel. Korowii nyina aa wola jaɡa dɔe bwa o kpɔ dɛɛ nyin o nɛra Israel tena la nomanta, o cheɡe kora ŋɔ he nyiŋi ba nɛɛ kasinteŋ ne waa aa toɡra ne.”

1 Koranar 10:9 ပူးပေါင်းရင်းမြစ်များ

2 Samoɛl 23:3

Korowii Israel tena aa dɛ tomɔ bol wa, Korowii waa do kɛ Bwetal ba chwa kaa marɔ la ŋɔ n be ŋɔ, ‘Kooro bɛlbwa waa dɛ nyiŋi o nɛra nɛɛ kasinteŋ ne dɛɛ ɔmɛ Korowii la,

2 Samoɛl 5:12

Kooro Devid jemɔ kɛŋɔ, Korowiirii cheɡo kora ta Israel harɛ bwa, dɛ ɡel o dɔ kpeɡri o harɛ do wer kohona, o nɛra Israel tena wa.

2 Samoɛl 8:15

Kooro Devid di kora Israel harɛ bwa, dɛ nyiŋi o nɛra waa aa toɡra ne kasinteŋ ne.

1 Koranar 3:28

Israel tena bwa aa no ɡɛ Kooro Solomɔn aa pa bole la, a ɛɛ ba nyokpoa, ba na kɛŋɔ Korowiirii tɛo wejema o kpɔ pa bole aŋwɛnɛ ta la.

1 Koranar 5:7

Kooro Hiram aa no Kooro Solomɔn kala nɔ la, o sie lɛo kohona o ŋɔ, “Fini, Korowii chɛ kpɛɛra kɛŋɔ waa tɛ Kooro Devid bibaa waa jemɛ waa ŋɔ ó nyiŋi Israel harɛ damanta nɔ ta nɔ.”

1 Webena 17:22

He lɛ he nɛra Israel tena cheɡ saŋ bɛlbwa dɛɛ la, asɛ dɛ ɛ Korowii baa dɛ tomɛ.

2 Webena 2:11

Asɛ bwɛjen Taaya Kooro Hiram chwerɛ tɔn ba tɛ Kooro Solomɔn ŋɔ, “Korowii aa dɛ nyin o nɛra la waa o cheɡe ŋɔ he ɛ ba kooro.”

Yela 18:19

He cha mɛ dɛ le n ne wekpeɡa ta, he lɛɛ mɛ, dɛkalkɛ he sie lɛ n nɛ.

Yela 22:8

Ba ŋɔ, “He kpɔ he te dawɛ Korowii nɛ, ɛrɛɛ waa wola hen lɛɛ yɔ? Dɛ Korowii dɛ nyini naa, ɛrɛɛ waa wola hen chae yɔ?”

Yela 72:2

ásɛ dɛ bol he nɛra waa dɛɛ pa bole aŋwɛnɛ ta, dɛ́ nyiŋi he nɛra baa dɛ fiɡ ba la nɛɛ kasinteŋ ne.

Aesaya 42:1

Korowii ŋɔ, “N bonɔɔ maa leo dɛ tɛo kpeɡrii nɔ, n sie lɛ o nɛɛ taeh. Mɛɛ ɡeloo n Doma ba so o nɛ, ásɛ o baɡle nɛra baa lɔ harɛ ta bwa ɡe ɡɛ n kasinteŋ ŋwɛnɛre aa doa.

Aesaya 62:4

Baa hen ‘Bwɛɛ baa ɡelo’, kɛɛ he harɛ ‘Dimɡbia’ yerɛ kpa. Sɔnfale baa dɛ ba he yera laanee ‘Hɛpseba’ dɛɛ yerɛ he harɛ ɡe ‘Biula’ dɛkalkɛŋɔ Korowii sie lɛ he nɛ, ásɛ o do kɛŋɔ jaa tɛ he harɛ.

Aesaya 9:6

Ba lolɛ bie tɛ yaa, bibaalee. Onee dɛɛ ba harɛ nɔ bwa kooro ɛɛ, baa yerɔ Nyokponɛn, ne Nomondɛɛɡe Waa Won Nɛra Jae, ne Nemenɛ Korowii, ne Saŋ Te Bɛlbwa Mɛɛ, dɛ Deŋnesɔɔhna Kooro.

Aesaya 9:7

O kora ɛɛ do kanee dɛɛ ja saŋ bɛlbwa, ásɛ deŋnesɔɔhna aa wola jaɡa dɔe do le saŋ bɛlbwa dɛɛ la. Wɛɛ chiɡ Kooro Devid naa taa, dɛ́ di kora. O kora ɛɛ che kasinteŋ ne waa aa toɡra taa dɛ́ do kpeɡri, dɛ́ le saŋ nɔ ka tel waa bwa jaɡa saŋ. Koranar Bwa Kooro ɛɛ do siee dɛ́ ɛ anɔ bwa.

Jeremia 31:3

Korowii kpɔ o te baɡle Israel tena saŋ la dɛ ŋɔ, “Nyina aa wola jaɡa dɔe n nyin heya. Nyina kohonaa n ta teŋɛ dɛɛ nyin heya.

Malakae 1:2

Korowii ŋɔ o nɛra Israel tena be ŋɔ, “Men Korowii, saŋ bɛlbwaa mɛɛ nyin heya.” Kɛ he dɛ bɔɔ ŋɔ, “Bɔkwaa chaɡla kɛ he dɛ nyin yaa ɔ?” Asɛ Korowii chaŋe ŋɔ, “Jekɔb dɔɔree Esɔ, kɛ n nyin Jekɔb ne o naanar,

Mmarare 7:8

Nyina waa dɛ nyin heyaa la, ne o baɡa waa baɡɛ he naawa nyoa la waa o che o kpeɡri ta lɛ heyaa le Ijipt kooro nɔn ta ne somanjiri dii waa dɛ do heyaa a ta la ta.