1 Koranar 10:3 - mzwDBL

³ Kooro Solomɔn chaŋe waa waa bɔɔro bwa kɛrɛdɛ ken tɛo, wobɛlbwa toole dɛ do kpeɡri waa wola wone baɡle a bini.

1 Koranar 10:3 ပူးပေါင်းရင်းမြစ်များ

2 Samoɛl 14:17

N berɔ lii ja kɛŋɔ, hɛɛ ɡeloo n dɔ bosɔɔhna, dɛkalkɛŋɔ he do kɛŋɔ Korowii torome, he jemɛ wechɔɡa ne wedɛɛɡa. Korowii haa dɛ tomɔ la ja he nɛ.”

2 Samoɛl 14:20

He bonɔɔ Joab ɛ ɡɛ dɛ́ fee berɛ waa nɔ sie. N dɔɔ, he dɔ wejema kɛŋɔ Korowii torome, dɛ jemɛ wobɛlbwa aa dɛ chiɡ harɛ nɔ ta bobɛlbwa.”

1 Koranar 10:1

Seeba kooro waa ɛ haah baa no Kooro Solomɔn sɔn lee waa lea kohona. Anomanta, o la Kooro Solomɔn be Jerusalam, dɛ kpɔ wobobeela a bini aa kpeɡa dɛ́ ba daahno na.

1 Koranar 10:2

Seeba kooro la kpɔ nɛra baa dɛ tomɔ dɛ warɛ ja o nɛ, ne nyoɡmare aa cheɡɛ konsɔɔhsoma ne suuɡaswɛm kohona, ne bwedɛɛɡa a yoɡ aa kpeɡa kohona, dɛ la Kooro Solomɔn be. Waa laŋa o ne o ka cheme la, o bɔɔ Kooro Solomɔn waa aa lɔ o nyu bini bwa.

1 Koranar 10:4

Seeba kooro la aa na wejema Kooro Solomɔn aa dɔa ne koodem waa doa,

1 Koranar 3:12

mɛɛ ɛ ɡɛ haa soŋa laanee tɛɛ. Mɛɛ tɛɛ wejema ne waa mun noe, he kpɔ dɛɛ nyiŋi nɛra nɛ, nomɛlbwa aa wola won do kɛŋɔ hen, a dɔŋa ɡe aa wola chiɡ bwa.

2 Webena 9:2

Kooro Solomɔn chaŋe waa waa bɔɔro bwa kɛrɛdɛ ken tɛo, wobɛlbwa toole dɛ do kpeɡri waa wola wone baɡle a bini.

Sɛɡla 13:20

Kpɔ he te pɛl wejereme ásɛ dɛ jemɛ wa, kɛ nɛn o ne ɡɛne aa pɛa la, o dɛ na wahala.

Aesaya 42:16

Mɛɛ tɔ nyoŋa siee, dɛ́ kpɔ ba kpɔ ŋwɛnɛre baa wola a ta jemɛ ta. Mɛɛ ɡeloo biro baa lɔ o ta la berɛ bochaah dɛ́ tɛɛ ba, dɛ́ kwaa ŋwɛnɛre aa wola were a chɔ harɛ. Waa nɔɔ mɛɛ ba ɛɛ tɛɛ ba, maa ban ta.

Matiu 13:11

Anee Yeesu chaŋ ba ŋɔ, “He te dɔ Korowii Kora ne a wejema a fa aa sɔah bwa dɛ jemɛ. Kɛ ba te ta dɔe.

Amanesoma Jɔn Aa Chwera Tɔn 7:17

Dɛ nomɛlbwa sɛoh kɛ wɛɛ ɛ Korowii tetoowaa te naa, wɛɛ won jemɛ kɛŋɔ kasinteŋ waa aa le Korowii bee mɛɛ bol la. N ɡbaɡba webaɡla laa.

1 Kɔrent 1:30

Korowiirii ɡela he ne Yeesu Kristo pɛ, ásɛ ya che o nɛɛ dɛ dɔ Korowii wejema. O nɛɛ a che Korowii na yaa kɛ nɛndɛɛɡa dɛ berɛ kpɔ yaa ɛ o kwa. Onee kpɔ seo dɛ yawɛ yaa le ya wenaale ta.

Kolosi 2:3

Korowii wejema aa wola jaɡa dɔe la bwa lɔ Yeesu Kristo be. O nɛɛ ya che dɛ dɔ ɡɛ wejema nɔ.