1 Koranar 10:21 - mzwDBL

²¹ Kooro Solomɔn numoli bwa, suuɡaswɛmee ba kpɔ ɛa. Laala aa lɔ Lɛbanɔn Kɔr Bini Koodem ɡe, suuɡaswɛm tenten nee ba ɛ a bwa. Ba ta suuɡapoŋa kpɔe ɛ komɛlbwa dɛkalkɛŋɔ, Kooro Solomɔn bere saŋ la, dɛ suuɡapoŋa ta komɛlbwa ɛɛ, dɛ baa a ne wobɛlbwa ɛ.

1 Koranar 10:21 ပူးပေါင်းရင်းမြစ်များ

1 Koranar 10:17

O berɔ ɛ kwaa baa kpɔa dɛɛ tɔ ɡbemɡbe laa ta anjeɡre lafraatoro, suuɡaswɛm aa bɔle bɛlbwa ta tɔɡre lɔ kilore atoro. Asɛ o ɡel ba kpɔ kwaa la ka do o koodem dejen bɛl baa dɛ yerɔ Lɛbanɔn Kɔr Bini Koodem bini.

1 Koranar 7:2

Dea bɛl lɔ koodem bela baa yerɔ Lɛbanɔn Kɔr Bini Koodem. O jaŋne lɔ naɡale lafa fifraanue, o paɡri ɡe ɛ naɡale fifraanuanɛ dɛ anue, asɛ o jaŋne dɛ́ kaa nyundua ɡe naɡale fifraanaarɛ dɛ anue. Ba paaɡe peleme dachiɡri a teŋɛ dɔŋa nɛɛ bele anaarɛ dɛ lawɛ peleme dabaŋa aa ɛ doli kpoŋe.

1 Koranar 10:20

Ba ɛ nyujentena fi dɛ anɛ chɔŋre kwaa waa cheɡɛ a ta teeh kaa so kookara la ta. Ba ta ɡɛ kookara nɔ dɔŋ bɛlbwa ɛɛ ken tɛ koojen bɛlbwa harɛ nɔ ta bwa.

1 Koranar 10:22

Dɛ kooro dɔ stiimaere baa kpɔa dɛɛ di bona mpo ta a ja Kooro Hiram kwaa baa kpɔa dɛɛ ɛ toma la ta. Bene atoro bɛlbwa a dɛ ba suuɡaswɛm ne suuɡapoŋa ne bala nyena, dɛ ɡbɛɛne bwa soo siwi ne.

Sekaria 9:3

Taaya tena do dekpeɡa tɛ ba te, dɛ boa suuɡapoŋa nyoa kɛŋɔ teera, ne suuɡaswɛm kɛŋɔ doŋa aa chɔ fɔɡbaahna.

Mmarare 17:17

Kooro la bɛ haahna mo warɛ, a ba ɡɛ naa, waa sie Korowii waa taa do. O bɛ kondɔɔh kɛŋɔ suuɡapoŋa kɛɛ suuɡaswɛm kohona nyin.

Ɛsta 1:7

Kooro la ɡelɔ ba do sen tɛ nɛra suuɡaswɛm numoli bini ba nyɔ. Numoli la koɡrɔ, asɛ sen la warɛ kohona a baɡle kooro bonya waa dɔa tɛ nɛra la.

Job Tɔn 28:1

Job berɔ ŋɔ, “Bela baa dɛ kwi suuɡapoŋa lole, bela baa laa doŋa dɛɛ kpɔ suuɡaswɛm ta ɡe do le.