1 Koranar 10:18 - mzwDBL

¹⁸ Kooro Solomɔn berɔ ɡel ba kwaa kookara waa kana. Ba kpɔ bala nyen ɛ o pera, asɛ o kabora ɛ suuɡaswɛm tenten ba ɛ dawɛ o ta.

1 Koranar 10:18 ပူးပေါင်းရင်းမြစ်များ

Yela 45:8

He laala sɔɔh tɔ konsɔɔhsoma bwa soo siwi, ba kpɔ bala nyena kwaa he kooderemi, yelɡoola kpɔ janjela lɔ yela, dɛɛ lɛ he sie.

1 Koranar 10:22

Dɛ kooro dɔ stiimaere baa kpɔa dɛɛ di bona mpo ta a ja Kooro Hiram kwaa baa kpɔa dɛɛ ɛ toma la ta. Bene atoro bɛlbwa a dɛ ba suuɡaswɛm ne suuɡapoŋa ne bala nyena, dɛ ɡbɛɛne bwa soo siwi ne.

Wepila 20:11

N berɔ na kookara damanta ompoŋ bɛl. Nɛn waa soɡe o ta la, nyundua ne harɛ nao dɛ nyoɡre, ba ta on nae kpa.

Wepila 18:12

Nɛn toole dɛ́ yawɛ ba suuɡaswɛm, suuɡapoŋa, ne bwedɛɛɡa a yoɡ aa kpeɡa, ne yapondɛɛɡa bwa soo siwi, ne dasɔɔhsoma a yoɡ aa kpeɡa bwa soo siwi, ne kwaa baa kpɔ bala nyena ɛa, ne kwaa baa kpɔ dadɛɛɡa a yoɡ aa kpeɡa sɛah, ne anɔ la baa kpɔ ayaawa ne bune loɡa, ne anɔ la baa kpɔ bwedɛɛɡa ane soo siwi ɛa la,

Hibru 1:8

O bol o Bie la waa ja, dɛ ŋɔ, “Korowii, he kora ɛɛ cheo saŋ bɛlbwa dɛɛ la. Kasinteŋii hɛɛ ba kpoŋa dɛɛ di kora he nɛra nɛ.

Hibru 1:3

He na o jirima waa dɔa aa, dɛ he na jirima Korowii aa dɔa. Gɛ Korowii aa doa o ɡe den do kati. O wobol dɔ kpeɡri. A kpeɡrii lawɛ komɛlbwa kpoŋe. Korowii Bie la aa laa ya wechɔɡa kpɔ ya nɛɛ tonɛ la, o kaa so nomombɔr nyundua Nemenɛ Korowii diɡ ta,

Emɔs 6:4

Mpare baa ɛa dɛ kpɔ bala nyena mɛɛ a taa hɛɛ chɔ, dɛɛ yale he kanedɛɛɡa ta. Hé kpoo pebiiri aa wera, ne nabali aa do bwara dɛɛ chwe.

Ɛsekeɛl 27:6

Dajenaa ba kpɔ le Basan harɛ ba ɛ he ŋwandaa, dɛ kpɔ dakpeɡa ane ɡe le Saepros, ne bala nyena, dɛ ba kwaa he bini, he do wer.

Yela 122:5

Belaa Kooro Devid luɡe koranar fa so, dɛ bol nɛra waa dɛɛ pa bole.

Yela 110:1

N Naa Korowii ŋɔ n Dɔɔ be ŋɔ, so nomombɔr n diɡ ta, ka tel kɛŋɔ maa ba he dɔma ne harɛ he tiɡri ba nɛ.

Yela 45:6

He kora Korowii aa lea cheɡe, ɛɛ cheo saŋ bɛlbwa dɛɛ la, kasinteŋii hɛɛ ba kpɔe, dɛ́ nyiŋi he nɛra nɛ.

1 Koranar 22:39

Kooro Ahab bwara waa ne o kora ne koodem waa doa dɛ kpɔ bala nyen kwaa o bini ne bwɛjena waa ma danjwɛɛ bara bwa, ba chwera do Israel Koranar Waa Tɔne bini.

1 Koranar 10:19

Ba ɛ bɔre anumɛl, bela waa che teeh kaa so kookara la ta. Ba ɛ kara la habɔɔ ɡuleɡule ken. Dɛ ɛ bela waa kpɔ nɔɔra dɛɛ dawɛ kara la ta, baŋne anɛ. Dɛ berɛ ɛ kwaane aa le nyujentena anɛ a che kara la jwɛh.