1 Koranar 10:10 - mzwDBL

¹⁰ O kpɔ suuɡaswɛm a tɔɡre aa ɡwaa kilore kaɡboŋa anaarɛ, ne konsɔɔhsoma aa wara pirim, dɛ bwedɛɛɡa a yoɡ aa kpeɡa tɛ Kooro Solomɔn. Seeba kooro waa ɛ haah konsɔɔhsoma waa kpɔa ka tɛ Kooro Solomɔn kan aa doa la, nomɛlbwa ta a dɔŋa ne balɛ ɡɛ bwa.

1 Koranar 10:10 ပူးပေါင်းရင်းမြစ်များ

Mumpar 43:11

Ba mɛɛ ɡe ŋɔ, “Dɛ ɡɛɛ tenaa, hé kpɔ ya harɛ nɔ ta kwaa kɛŋɔ, noo tama ne tooh tama ne konsɔɔhsoma, ne korobo ne daa nɔna aa dɔ pɛla do he pure bini ka tɛ nomoa la.

1 Koranar 10:2

Seeba kooro la kpɔ nɛra baa dɛ tomɔ dɛ warɛ ja o nɛ, ne nyoɡmare aa cheɡɛ konsɔɔhsoma ne suuɡaswɛm kohona, ne bwedɛɛɡa a yoɡ aa kpeɡa kohona, dɛ la Kooro Solomɔn be. Waa laŋa o ne o ka cheme la, o bɔɔ Kooro Solomɔn waa aa lɔ o nyu bini bwa.

1 Koranar 9:14

Dɛ Kooro Hiram tɛ Kooro Solomɔn suuɡaswɛm tenten a tɔɡre aa ɛ kilore kaɡboŋa anaarɛ fifraanuatoro.

Yela 68:29

He Dea waa lɔ Jerusalam nomanta, koranar ɛɛ kpɔ koŋkɛɛlaa ba tɛɛ.

Yela 72:10

Taases harɛ koranar, ne nɛra baa soɡe mpo nyoa bojaŋa ɛɛ kpɔ ba harɛre kwaa ba tɛo. Seeba ne Seba koranar ɡee kpɔ koŋkɛɛlaa ba tɛo.

Yela 72:15

N Naa Korowii tɛ kooro mkpajaŋ! Gel nɛra le Seeba harɛ ta dɛ́ kpɔ suuɡaswɛm ba tɛo. Gel nɛra sweero andɛɛɡa saŋ bɛlbwa, dɛ́ soŋe dɛɛ tɛo tɔpere bɛlbwa ɡe.

Kaala 30:34

Korowii berɔ ŋɔ Mosis be ŋɔ, “Kpɔ konsɔɔhsoma aa ɛ daawiile ane baa dɛ yera rɛsem ne onicha ne ɡalbanum, dɛ fraŋkensɛns tenten á bwa ɛ kɛrɛdɛ,

Sɛɡla 20:15

Dɛ he jemɛ waa haa dɛ bol aa, he dɔ kon ɡwaa suuɡaswɛm ne suuɡapoŋ.

Wejereme 2:8

N lɛ suuɡapoŋa ne suuɡaswɛm kohona, ne kwaa a yoɡ aa kpeɡa dɛ le harɛre koranar baa lɔ n lɔɡa be. N dɔ haahna ne baala ɡe, ba ɡo yela dɛɛ lɛ n sie, asɛ n nyin haahna ɡe kohona.

Matiu 2:11

Ba jo dem bela, dɛ ka na bie la ne o nya Mɛɛre. Ba kaa ɡuŋi bie la, dɛ duuru dɛ pur ba bone, dɛ kpɔ suuɡaswɛm ne daawiile ane a sɔɔh aa soma baa yera fraŋkensɛns ne korobo tɛ bie la.

Wepila 21:11

Dɛ Korowii jirima ɡelɔ o bwa ɛɛ nyɛɡle kɛŋɔ bwedɛɛɡe baa dɛ yerɔ jasepa o do wer kohona dɛ do ɡereŋ la.