1 Koranar 1:9 - mzwDBL

⁹ Awola bɛl, Adonija laŋɔ dɛ ka kpo peera ne nae dɛ nabiiri aa jea kohona ɛ saraha Sohelɛt Bwe ta, o bɛne Ɛn Roɡel bule ta. O yerɛ o mɛɛ Kooro Devid bibaala baa ɛ o nimanar dɛ Juda baala ba ɡe aa ɛ kooro nomonome bwa.

1 Koranar 1:9 ပူးပေါင်းရင်းမြစ်များ

2 Samoɛl 17:17

Dɛ sɔfo Abiata bibaa Jonatan ne sɔfo Sadɔk bibaa Ahimas lɔ Jerusalam dahare, bule waa chɔ bobɛl baa dɛ yerɔ Ɛn Roɡel ta, dɛkalkɛ dɛ baa nyin kɛ nomɛl na ba báa jo bwɛjen la bini. Dɛ bitolo bɛlee lɔ bela dɛ yon la ba be dɛ kaa bol waa aa dɛ chiɡ, ásɛ ba ɡe berɛ ka bol kooro be.

1 Koranar 1:19

O kaa kpoo peera ne nabala ne nabiiri aa jea kohona, dɛ ta nɔn yerɛ he bibaala ne sɔfo Abiata dɛ Joab waa dɛ tɔ laa tena sie. Kɛ o ta he bibaa Solomɔn te yerɛ.

1 Koranar 1:25

Fini o iro dɛ la ka kpoo nae ne nabiiri aa jea, dɛ peera aa wara. O ta nɔn yerɛ he bibaala bwa, ne Joab waa chɔ he laa tena nyoa dɛ sɔfo Abiata. Maa dɛ bol nɔ, taraken ba ne o pɛo dɛɛ di kondikonjena, dɛ nyɔ sen dɛɛ lɛ ba sie, dɛɛ do lɔŋɔre ŋɔ, ‘Kórowii tɛ Kooro Adonija mkpajaŋ!’

Sɛɡla 15:8

Korowii kii nɛnchɔɡa saraha, o dɛ no nɛra ba wa aa toɡra wesoŋa.

Matiu 22:4

Anee o berɛ kwaa tomɛ banfala dɛ ŋɔ ba be ŋɔ, ‘Hé ka ŋɔ nɛra maa yer ba la be ŋɔ ba tonɛ kondikwaa la. N kpoo nabala ne nae aa do noorare kohona, anomanta, n tonɛ komɛlbwa kɛ bá ba.’

Josua 15:7

Harɛ la jwɛh le bela kaa Akɔ Fɛlembɔjen ta, dɛ kpoŋe kaa bwɛjen Debir, dɛ berɛ ɡole kpɔ weekaŋle nyundua dɛ kaa Gelɡal, o sie aa chaɡɛ bobɛl ŋwɛnɛ aa chɔa dɛ kaa Adumim Bwejen weekaŋle harɛbɔr fɛlembɔjen la baŋ. Dɛ kpoŋe le Ɛn Sɛmɛs nee nyoa dɛ ka tel Ɛn Roɡel nyoa.

Josua 18:16

Harɛ la jwɛh berɔ le bela dɛ kpɔ bwejen bɛl lɔɡa o sie aa chaɡɛ Bɛn Henɔm Fɛlembɔjen ta, o lɔ Refaim Fɛlembɔjen weekaŋle nyunduabɔr. Dɛ kpoŋe kaa Henɔm Fɛlembɔjen ta dɛ kaa Jebus tena bwɛjen Jerusalam harɛbɔr, weekaŋle harɛbɔr dɛ kaa Ɛn Roɡel nee nyoa.