1 Koranar 1:53 - mzwDBL

⁵³ Belaa Kooro Solomɔn tomɛ nɛra ba ka lawɛ Adonija le saraha kon la ta dɛ kpɔɔ ba, asɛ o ba ɡuŋi Kooro Solomɔn sie, asɛ o ŋɔ Adonija be ŋɔ, “Kaa he dem.”

1 Koranar 1:53 ပူးပေါင်းရင်းမြစ်များ

2 Samoɛl 1:2

Tɔpetooro wee ta la, baa bɛl le bela Kooro Sɔɔl aa baŋre o tɛnte deene dɛ so la ba. Dɛ o kɛɛ o laala bwa, dɛ ɛ teera su o nyu ta a baɡle kɛ o loo kuu. O la Devid be, dɛ ka ba harɛ dɛ kpɔ duure tɛo.

2 Samoɛl 14:24

Anee kooro ŋɔ, “A ta chɛ kɛ Absalɔm so koodem bonɔ, maa nyin kɛ n siwi nao, ó kaa o dem ka so.” Anomanta, Absalɔm kaa so o dem, o ta kooro sie laŋɛ.

2 Samoɛl 14:28

Absalɔm soɡe Jerusalam bene anɛ dɛ o siwi ta kooro nɛɛ dawɛ.

2 Samoɛl 14:33

Anomanta, Joab la Kooro Devid be dɛ ka bol waa nɔ baɡlo. Belaa o yerɛ Absalɔm o ba ɡuŋi o sie, asɛ kooro jaamo dɛ ɡbaaro pɛl o te.

1 Koranar 1:16

Belaa Batsiiba ɡuŋi kooro, asɛ kooro bɔɔro ŋɔ, “Bɔkwaa hɛɛ nyin ɔ?”

1 Koranar 1:31

Asɛ Batsiiba ba ɡuŋi Kooro Devid sie dɛ ŋɔ, “Kórowii tɛ Kooro Devid mkpajaŋ!”

1 Koranar 1:52

Anee Kooro Solomɔn chaŋe ŋɔ, “Dɛ wɛɛ kpɔ o tenee do n lɔɡa aa, wɛɛ dɔ o nyuu. Dɛ ɡɛ laa tenaa, wɛɛ sewɔɔ.”

1 Koranar 2:1

Kooro Devid seo aa dɛ tel la, o yerɛ o bibaa Solomɔn dɛ ŋɔ o be ŋɔ,

1 Koranar 2:36

Kooro Solomɔn ɡelɔ ba ka yerɛ Simei ba tɛo, asɛ o ŋɔ o be ŋɔ, “Ma dem Jerusalam bonɔ dɛ so, dɛ bɛ bobɛlbwa kaa.

Sɛɡla 24:21

N bie, dɛɛ ɔmɛ Korowii ne he kooro, he ne nɛra baa dɛ ɛɛ ba deŋnekpeɡ bɛ pɛ dɛ́ ɛ beŋkpoŋ.