1 Koranar 1:52 - mzwDBL

⁵² Anee Kooro Solomɔn chaŋe ŋɔ, “Dɛ wɛɛ kpɔ o tenee do n lɔɡa aa, wɛɛ dɔ o nyuu. Dɛ ɡɛ laa tenaa, wɛɛ sewɔɔ.”

1 Koranar 1:52 ပူးပေါင်းရင်းမြစ်များ

1 Samoɛl 14:45

Kɛ nɛra la ŋɔ o be ŋɔ, “Jonatan aa cheɡɛ o nɛɛ Israel tena bwa dɔ lɛɛ nɔ chɛ kɛŋɔ ó sewaa? Akai, ya ŋwɛɛ Korowii waa lole saŋ bɛlbwa kɛŋɔ, nomɛlbwa aa won ɛo wobɛlbwa, dɛkalkɛ Korowiirii chao o won ɛ waa waa ɛa fini nɔ.” Gɛɛ a do nɛra la lɛ Jonatan ba ta on kpoe.

2 Samoɛl 14:11

Haah la ŋɔ, “Amɔ soŋe Korowii haa dɛ tomɔ, ásɛ n lole waa chɛ kɛ ó kpo nɛn waa kpo o dɔŋ bɔ kem la, o bɛ wechɔɡa kohona ba ɛ, n binɛɛte la kpoe wa.” Anee kooro chaŋe ŋɔ, “N ŋwɛɛ Korowii waa lole kɛŋɔ, wobɛlbwa aa he bie la ɛɛ ba.”

Sɛɡla 13:6

Nɛn wedɛɛɡa ɛɛ dɛ chao o soɡa bini, asɛ nyubinikpeɡ ɡe ɛɛ chɔɡ wechɔɡ-ɛɛra.

Sɛɡla 21:12

Korowii O Wa Aa Toɡra jemɛ waa aa lɔ nɛnchɔɡe dem. Wɛɛ tɛr o deŋnee.

Job Tɔn 15:22

Ba ta hwɛɡa dɔe kɛŋɔ baa le waa nyoaa, nomɛl lee ba cheɡ dɛ́ kpoo ba,

We-ɛɛla 27:34

N poo heya, hé di kwaa tama, dɛ́ won yo lɛ he nyuune. Haa waa nɔ nyoa kae ba. Wobɛlbwa aa he bɛlbwa ɛɛ ba.”

Amanesoma Luk Aa Chwera Tɔn 21:18

Mɛɛ cha heyaa ásɛ he nyumpon beŋkpoŋ kwara aa harɛɛ le.

Matiu 10:30

He nyumpona kwara, o jemɛ a nyoa.

1 Koranar 1:51

Ate, ba ka ŋɔ Kooro Solomɔn be ŋɔ, “Adonija dɛ ɔmɛ, dɛ ka lawɛ kwaa aa paaɡe saraha kon la ta kɛŋɔ nyeɡlare la kpoŋe dɛɛ soŋe kɛŋɔ, ‘Kooro Solomɔn ŋwɛɛ baɡ mɛ fini kɛŋɔ waa men kpo.’ ”

1 Koranar 1:53

Belaa Kooro Solomɔn tomɛ nɛra ba ka lawɛ Adonija le saraha kon la ta dɛ kpɔɔ ba, asɛ o ba ɡuŋi Kooro Solomɔn sie, asɛ o ŋɔ Adonija be ŋɔ, “Kaa he dem.”