1 Koranar 1:5 - mzwDBL

⁵ Asɛ Kooro Devid ne o haah bɛl baa dɛ yerɔ Haɡit bibaa Adonija ɛ karamani kɛŋɔ, wɛɛ chiɡ o mɛɛ naa taa dɛ́ di kora. Anomanta, o nyin kwaa aa do kɛ torɔɡo ba vɔwɛ dɛɛ pɛl jaɡre ne jaɡre dɛ baala fifraanue ba tɔ o sie.

1 Koranar 1:5 ပူးပေါင်းရင်းမြစ်များ

2 Samoɛl 15:1

A habɔɔ la, Absalɔm nyin torɔɡo baa vɔwa dɛɛ pɛl jaɡre la bɛl ne jaɡre, dɛ baala fifraanue baa tɔ o sie.

2 Samoɛl 3:4

Bibaa waa teŋa naarɛ sɔne Adonija, o nya sɔne Haɡit. Binue te la ɡe sɔne Sɛfatea, o nya sɔne Abital,

1 Koranar 1:11

Belaa Korowii keame Netan la Batsiiba waa ɛ Solomɔn nya be dɛ ka ŋɔ, “Jamɔ he ta noɛ kɛŋɔ Haɡit bibaa Adonija cheɡ o te kora ta ya naa Kooro Devid aa wola jemaa?

1 Koranar 1:4

O wer tolo kɛrɛdɛ, dɛ so kooro be dɛ nyiŋu taeh, kɛ o ne o ta baa ne haah chɔe bwa.

1 Koranar 2:13

A balɔ kɛ Adonija baa dɛ yerɛ o nya Haɡit la Batsiiba waa ɛ Solomɔn nya be. Waa dɛ tel Batsiiba be la, o bɔɔro ŋɔ, “Deŋnesɔɔhna nee hɛɛ ba naa?” Adonija ŋɔ, “Ɔɔh,”

1 Koranar 2:15

Anee Adonija ŋɔ, “He jemɔ kɛŋɔ kora la fa ɛ n kon, n nɛɛ Israel tena bwa sie dawɛ kɛŋɔ menee dɛ́ ɛ ba kooro. Kɛ waa la sie berɔ, asɛ a ɛ kɛŋɔ n nime di, dɛkalkɛ Korowiirii ɛa ɡɛ.

1 Koranar 2:24

N ŋwɛɛ Korowii waa lole dɛ kpɔ mɛ chiɡ n mɛɛ Devid buɡ ta kiŋkiŋ kɛŋɔ kooro, dɛ tɛ n ne n naanar ɡɛ waa baɡɛ nyoa la, a chɛ kɛ bá kpo Adonija fini ɡbo.”

1 Webena 28:5

Korowii tɛ mɛ bibaala warɛ taeh, o le Solomɔn ba bini ŋɔ ó so Israel kora waa ɛ Korowii kon ta.

1 Webena 29:1

Kooro Devid ŋɔ nɛra baa cheme bela la bwa be ŋɔ, “N bie Solomɔn Korowii aa leo la nɔn ta kao, waa wola wobɛlbwa jemɛ mɔɔ. Toma la kan, dɛkalkɛ Dea waa dɛ ba doe la ɛ Korowii kon, o ta nɛwɛnyini kon ɛɛ.

1 Webena 3:2

toorote ɡe Absalɔm, o nyaa Maaka. Gesur Kooro Talmai bihaahnee, naarɛte ɡee Adonija, o nyaa Haɡit,

Kaala 9:17

Kɛ ane a bwa, he ta dɛ maŋkura he te dɛɛ tɔ n nɛra nɛɛ ŋɔ haa ɡel ba kaa.

Sɛɡla 16:18

Mbarafo dɛ ba chɔɡa ne, asɛ maŋkurae ɡe ɛɛ ba harɛ lɔe ne.

Sɛɡla 18:12

Maŋkurae nɛn aa dɛ maŋkura o te laanee dɛɛ ba o harɛ lɔe ne, pwɛra waa dɛ pwɛr o te ɡe ɛɛ tɛo jirima.

Aesaya 2:7

Suuɡapoŋa ne suuɡaswɛm ɡboo a ɡɛ nɛra la harɛ bwa, ba kondɔɔh a yoɡ aa kpeɡa ta nyoa dɔe. Jaɡre ɡboo ba harɛ bwa, asɛ kwaa aa do kɛ torɔɡore ba kpɔ dɛɛ la laa ɡe ta nyoa dɔe.

Amanesoma Luk Aa Chwera Tɔn 14:11

Nomɛlbwa waa dɛ maŋkura o te la, Korowii ɛɛ ba o ne harɛɛ, asɛ nomɛlbwa waa dɛ pwɛr o te la, Korowii ɛɛ ɛo nɛnjenii.”

Amanesoma Luk Aa Chwera Tɔn 18:14

Anee Yeesu ŋɔ, “N dɛ ŋɔ he be ŋɔ, toɔ lɛɛ la bee Korowii no dɛ kpɔ o wechɔɡa kɛo dɛ doo nɛndɛɛɡa bini, asɛ o kaa o dem. Farisii te la te, o ta o be noɛ. Nomɛlbwa waa dɛ maŋkura o te la, Korowii ɛɛ ba o ne harɛɛ, asɛ nomɛlbwa waa pwɛr o te la, Korowii ɛɛ ɛo nɛnjenii.”

Sitɔɔla 9:2

“Umee hɛɛ nyin kɛ ó ɛ he kooro ɔ? Gedeɔn bibaala fifraanuanɛ la kɛɛ nɛmbeŋkpoŋ ɔ? Hé jemɛ kɛ n ɛ he bini bɛl.”