1 Koranar 1:40 - mzwDBL

⁴⁰ Nɛra la bwa teŋɛ o nɛ dɛɛ hoh kalipere dɛɛ hɛɡre kohona, asɛ harɛ bwa ɛɛ jiɡri kohona.

1 Koranar 1:40 ပူးပေါင်းရင်းမြစ်များ

1 Koranar 1:39

Asɛ sɔfo Sadɔk kpɔ nyeɡle bɛl noo aa lɔ o bini le Korowii Dea Cheremibɔr, dɛ ba fuɡe do Solomɔn nyu ta. Ba hoh bɛla la, asɛ nɛra baa teŋɛ o nɛɛ bwa ɛɛ moo kohona ŋɔ, “Korowii tɛ Kooro Solomɔn mkpajaŋ!”

1 Koranar 1:41

Dɛ Adonija ne nɛra waa ta nɔn yer ba baa di kwaa dɛɛ lɛ ba sie la, deno dɛɛ tonɛ dɛ no ɡbɔɡa la. Baa dɛ no bɛla la sii la, Joab bɔɔrɔ ŋɔ, “Gbɔɡa aa dɛ le bwɛjen nɔ ta nɔ munii ɛrɔɔ?”

1 Koranar 1:45

asɛ sɔfo Sadɔk ne Korowii keame Netan ka fuɡe noo do o nyu ta dɛ cheɡo kora Gehɔn bule ta, dɛ berɛ baa kaa asɛ bwɛɛ bwa ɛɛ moo ɡɛ la.

2 Koranar 11:14

O baa na kɛŋɔ kooro la cheɡɛ Korowii Dea la sie pila bɛl jwɛh ɡɛ ba nawee wa aa doa. Asɛ laa sitɔɔla ne bɛlhoohla che kooro jwɛh. Asɛ harɛ la ta nomɛlbwa sie lɛ, baa hoh bɛle. Belaa haŋkooro Atalia laa o batakaare kɛɛ a baɡle kɛ o baah diu kohona, dɛ ŋɔ, “He bwa lee mɛ tɛ! He ɛɛ mɛ dɔm!”

2 Koranar 11:20

Asɛ harɛ la ta nɛra bwa sie lɛ, bwɛjen la sɔɔh, kpoe baa kpo haŋkooro Atalia koodem la wa.

Yela 97:1

Harɛ nɔ ta nɛra, hé ɡel he sie lɛ, dɛkalkɛŋɔ Korowii dɛ di kora. Gel nɛra baa soɡe ekwie harɛre ta la ɡe hɛɡre.

Daneɛl 3:5

dɛ he ba dɛ no bɛle, ne kalipere, ne janjelare, dɛ kwaa bwa soo siwi baa kpɔa dɛɛ lɔ yela sii aa, a chɛ kɛ he ɡuŋi, dɛ́ duu voɡ Kooro Nebukadnesa aa kpɔ suuɡaswɛm ɛo dɛ cheɡo la.

Sekaria 9:9

Saayɔn tena, hé hɛɡre kohona, Jerusalam tena, hé moo ɡa. Hé nyiŋi na! He kooro dɛ ba he be, o waa toɡrɔ dɛ won nɛra lɛɛ, o pwɛre, o soɡe keeɡo bie ta, keeɡo bale taa o so.

Amanesoma Luk Aa Chwera Tɔn 19:37

Baa wili Ɔlevere Bwejen la dɛɛ tel Jerusalam la, Yeesu habɔɔ nɛra la bwa sie lɛo, baa kpɛɛ Korowii kohona kɛŋɔ waa ɛ nyokpowaa ba na la.

1 Samoɛl 11:15

Anomanta, nɛra la bwa la Gelɡal bela, Korowii sie, dɛ ka lɛo do kɛ ba kooro. Ba kpoo kwaa ɛ deŋnesɔɔhna saraha, asɛ Sɔɔl ne Israel tena la bwa di kondikonjena dɛ lɛ ba sie.

1 Samoɛl 4:5

Korowii Ne Nɛwɛnyina Fɔo Daka la aa ba bela baa baŋre ba tɛnte deene la, Israel tena la bwa moolo kohona silɛɛ ne, asɛ harɛ jiɡri.