1 Koranar 1:39 - mzwDBL

³⁹ Asɛ sɔfo Sadɔk kpɔ nyeɡle bɛl noo aa lɔ o bini le Korowii Dea Cheremibɔr, dɛ ba fuɡe do Solomɔn nyu ta. Ba hoh bɛla la, asɛ nɛra baa teŋɛ o nɛɛ bwa ɛɛ moo kohona ŋɔ, “Korowii tɛ Kooro Solomɔn mkpajaŋ!”

1 Koranar 1:39 ပူးပေါင်းရင်းမြစ်များ

Yela 89:20

N fuɡe noo aa do ɡoroŋ do n bonɔɔ Devid nyu ta, dɛ cheɡo kora ta.

1 Webena 29:22

Ba di saraha kwaa la, dɛ nyɔ sen lɛ ba sie kohona Korowii sie awola. Belaa ba lɛ Solomɔn waa ɛ Kooro Devid bibaa do nɛɛtena kɛŋɔ kooro, dɛ fuɡe noo do o nyu ta Korowii sie, dɛ cheɡo kora ta, dɛ fuɡe noo do Sadɔk nyu ta o ɡe ɛ sɔfo.

1 Koranar 1:34

Hé tel Gehɔn bela aa, hé ɡel sɔfo Sadɔk ne Korowii keame Netan fuɡe noo do Solomɔn nyu ta, dɛ́ cheɡo Israel harɛ bwa kooro. Hé ɡel nomɛl hoh bɛla ásɛ hɛɛ moo ŋɔ, ‘Korowii tɛ Kooro Solomɔn mkpajaŋ!’

1 Samoɛl 10:24

Samoɛl ŋɔ nɛra la bwa be ŋɔ, “Kɛ he bwa na nɛn Korowii aa leo kenɛ? Ya bini bɛlbwa toole dɛ do kɛ on.” Anee nɛra la bwa moo ŋɔ, “Kórowii tɛ kooro mkpajaŋ!”

2 Webena 23:13

O baa na kɛŋɔ kooro la cheɡɛ Korowii Dea la sie pila bɛl jwɛh ɡɛ ba nawee wa aa doa. Asɛ laa sitɔɔla ne bɛlhoohla che kooro jwɛh. Asɛ harɛ la ta nomɛlbwa sie lɛ, baa hoh bɛle, dɛɛ lɔ kwaa bwa soo siwi baa kpɔa dɛɛ hɛlɛ, asɛ yelɡoola ɡo yela tɔ ba sie. Belaa haŋkooro Atalia laa o batakaare kɛɛ, a baɡle kɛ o baah diu kohona, dɛ ŋɔ, “He bwa lee mɛ tɛ! He ɛɛ mɛ dɔm!”

2 Webena 23:11

Name sɔfo Jehoiada ka lawɛ Joas le buse dɛ fuɡe noo do o nyu ta, dɛ cheɡo kora ta. Ba kpɔ kooɡbɛrɛ piu, dɛ kpɔ fɔo baa fɔwa dɛ che o ta dɛɛ di kora harɛ la ta do o nɔn ta. Asɛ ba lɔ kpaŋa dɛ moo ŋɔ, “Kórowii tɛ kooro mkpajaŋ!”

2 Koranar 11:12

Name sɔfo Jehoiada ka lawɛ Joas le buse, dɛ kpɔ kooɡbɛrɛ piu, dɛ kpɔ fɔo baa fɔwa dɛ che o ta dɛɛ di kora harɛ la ta do o nɔn ta. Dɛ fuɡe noo do o nyu ta dɛ cheɡo kora ta, asɛ ba lɔ kpaŋa dɛ moo ŋɔ, “Kórowii tɛ kooro mkpajaŋ!”

1 Koranar 1:25

Fini o iro dɛ la ka kpoo nae ne nabiiri aa jea, dɛ peera aa wara. O ta nɔn yerɛ he bibaala bwa, ne Joab waa chɔ he laa tena nyoa dɛ sɔfo Abiata. Maa dɛ bol nɔ, taraken ba ne o pɛo dɛɛ di kondikonjena, dɛ nyɔ sen dɛɛ lɛ ba sie, dɛɛ do lɔŋɔre ŋɔ, ‘Kórowii tɛ Kooro Adonija mkpajaŋ!’

1 Samoɛl 16:13

Samoɛl kpɔ pebal nyeɡle noo aa lɔ o bini la fuɡe do Devid nyu ta ba siwi ta. Dɛ onee Korowii le. Le awola dɛɛ kaa la, Korowii Doma baa so o nɛɛ kpeɡri nɛ, asɛ Samoɛl berɛ kaa Rama.

1 Koranar 1:40

Nɛra la bwa teŋɛ o nɛ dɛɛ hoh kalipere dɛɛ hɛɡre kohona, asɛ harɛ bwa ɛɛ jiɡri kohona.

2 Koranar 9:1

Awola bɛl, Korowii keame Elaesa yerɛ Korowii keamere bane baa pɛa dɛɛ valɛ la bɛl dɛ ŋɔ o be ŋɔ, “Gbaa he batakaare kaa nyundua dɛ́ vɔwɛ kiriso, dɛ́ kpɔ noo nɔ aa lɔ loŋ nɔ bini nɔ la Ramɔt waa lɔ Gelead harɛ ta.

2 Koranar 9:13

Buɡ la ta, ba ir ɛ warane, dɛ wur ba batakaani, dɛ kpɔ pa kwaa baa cheɡɛ a ta teeh dɛ jo dea la, asɛ Jehu valɛ a ta. Dɛ hoh bɛle dɛ moo ŋɔ, “Jehu di kora.”

2 Koranar 11:14

O baa na kɛŋɔ kooro la cheɡɛ Korowii Dea la sie pila bɛl jwɛh ɡɛ ba nawee wa aa doa. Asɛ laa sitɔɔla ne bɛlhoohla che kooro jwɛh. Asɛ harɛ la ta nomɛlbwa sie lɛ, baa hoh bɛle. Belaa haŋkooro Atalia laa o batakaare kɛɛ a baɡle kɛ o baah diu kohona, dɛ ŋɔ, “He bwa lee mɛ tɛ! He ɛɛ mɛ dɔm!”

Kaala 30:35

dɛ́ koora a sɔɔh do som kɛrɛdɛ, nɛn waa dɔ a ɛɛ wejema aa ɛa. A chɛ kɛŋɔ hé do yar a ta a ɡel á do wer dɛ́ do ɡoroŋ.

1 Koranar 2:15

Anee Adonija ŋɔ, “He jemɔ kɛŋɔ kora la fa ɛ n kon, n nɛɛ Israel tena bwa sie dawɛ kɛŋɔ menee dɛ́ ɛ ba kooro. Kɛ waa la sie berɔ, asɛ a ɛ kɛŋɔ n nime di, dɛkalkɛ Korowiirii ɛa ɡɛ.