1 Koranar 1:34 - mzwDBL

³⁴ Hé tel Gehɔn bela aa, hé ɡel sɔfo Sadɔk ne Korowii keame Netan fuɡe noo do Solomɔn nyu ta, dɛ́ cheɡo Israel harɛ bwa kooro. Hé ɡel nomɛl hoh bɛla ásɛ hɛɛ moo ŋɔ, ‘Korowii tɛ Kooro Solomɔn mkpajaŋ!’

1 Koranar 1:34 ပူးပေါင်းရင်းမြစ်များ

2 Samoɛl 15:10

Absalɔm sɔɔh tomɛ toroma Israel tena deene la be ba ka ŋɔ, “Dɛ he baa no bɛle sii yaa, he ŋɔ, ‘Absalɔm di kora Hɛbrɔn.’ ”

2 Samoɛl 2:4

Belaa Juda baala ba Hɛbrɔn bela, dɛ ba fuɡe noo do Devid nyu ta, dɛ cheɡo Juda harɛ ta kooro. Devid aa baa no kɛ Jabes Gelead baalaa huɡe Kooro Sɔɔl la,

2 Samoɛl 5:3

Anomanta, Israel nomonome la bwa ba Kooro Devid be Hɛbrɔn, o ne ba fɔwɛ fɔo Korowii sie bela, asɛ ba fuɡe noo do Devid nyu ta dɛ cheɡo kora ta Israel harɛ.

1 Koranar 1:25

Fini o iro dɛ la ka kpoo nae ne nabiiri aa jea, dɛ peera aa wara. O ta nɔn yerɛ he bibaala bwa, ne Joab waa chɔ he laa tena nyoa dɛ sɔfo Abiata. Maa dɛ bol nɔ, taraken ba ne o pɛo dɛɛ di kondikonjena, dɛ nyɔ sen dɛɛ lɛ ba sie, dɛɛ do lɔŋɔre ŋɔ, ‘Kórowii tɛ Kooro Adonija mkpajaŋ!’

1 Koranar 1:35

Ásɛ he ne o berɛ ba, ó ba so n kookara ta dɛ́ chiɡ n naa ta dɛɛ di kora. N leo ŋɔ ó di kora Israel ne Juda bwa ta.”

1 Koranar 1:39

Asɛ sɔfo Sadɔk kpɔ nyeɡle bɛl noo aa lɔ o bini le Korowii Dea Cheremibɔr, dɛ ba fuɡe do Solomɔn nyu ta. Ba hoh bɛla la, asɛ nɛra baa teŋɛ o nɛɛ bwa ɛɛ moo kohona ŋɔ, “Korowii tɛ Kooro Solomɔn mkpajaŋ!”

1 Koranar 19:16

Berɛ la Israel harɛ ta, dɛ́ kpɔ ane fuɡe do Nimsi bibaa Jehu ɡe nyu ta, dɛ́ cheɡo Israel harɛ ta kooro, ásɛ dɛ fuɡe ane do Safat bibaa Elaesa waa le Ebel Mehola la ɡe nyu ta, ásɛ o ɛ keame chiɡ he naa ta.

2 Koranar 11:12

Name sɔfo Jehoiada ka lawɛ Joas le buse, dɛ kpɔ kooɡbɛrɛ piu, dɛ kpɔ fɔo baa fɔwa dɛ che o ta dɛɛ di kora harɛ la ta do o nɔn ta. Dɛ fuɡe noo do o nyu ta dɛ cheɡo kora ta, asɛ ba lɔ kpaŋa dɛ moo ŋɔ, “Kórowii tɛ kooro mkpajaŋ!”

2 Koranar 11:14

O baa na kɛŋɔ kooro la cheɡɛ Korowii Dea la sie pila bɛl jwɛh ɡɛ ba nawee wa aa doa. Asɛ laa sitɔɔla ne bɛlhoohla che kooro jwɛh. Asɛ harɛ la ta nomɛlbwa sie lɛ, baa hoh bɛle. Belaa haŋkooro Atalia laa o batakaare kɛɛ a baɡle kɛ o baah diu kohona, dɛ ŋɔ, “He bwa lee mɛ tɛ! He ɛɛ mɛ dɔm!”

2 Koranar 9:13

Buɡ la ta, ba ir ɛ warane, dɛ wur ba batakaani, dɛ kpɔ pa kwaa baa cheɡɛ a ta teeh dɛ jo dea la, asɛ Jehu valɛ a ta. Dɛ hoh bɛle dɛ moo ŋɔ, “Jehu di kora.”

2 Koranar 9:3

dɛ́ fuɡe noo la do o nyu ta dɛ́ ŋɔ, ‘On Korowiirii fuɡe noo dɛɛ do he nyu ta, dɛɛ cheɡe kora Israel harɛ ta.’ ” Ásɛ he ya ɡbera, dɛ chwa le warane, dɛɛ berɛ cheɡa.

2 Koranar 9:6

Asɛ Jehu ir o ne o jo dea, Korowii keame la ka fuɡe noo la do o nyu ta dɛ ŋɔ, “Korowii Israel tena aa dɛ tomɔ la ŋɔ, ‘Men Korowiirii fuɡe noo do he nyu ta, dɛɛ cheɡe kora ta n nɛra Israel tena nɛ.

2 Webena 23:11

Name sɔfo Jehoiada ka lawɛ Joas le buse dɛ fuɡe noo do o nyu ta, dɛ cheɡo kora ta. Ba kpɔ kooɡbɛrɛ piu, dɛ kpɔ fɔo baa fɔwa dɛ che o ta dɛɛ di kora harɛ la ta do o nɔn ta. Asɛ ba lɔ kpaŋa dɛ moo ŋɔ, “Kórowii tɛ kooro mkpajaŋ!”

Yela 45:7

He dɛ nyin waa aa toɡra, dɛ ki wechɔɡa. A waa Korowii haa dɛ tomɔ lee cheɡ he bala koranar bwa bini, dɛ fuɡe noo do he nyu ta dɛ tɛɛ silɛɛ.

Yela 89:20

N fuɡe noo aa do ɡoroŋ do n bonɔɔ Devid nyu ta, dɛ cheɡo kora ta.

Yela 89:36

wɛɛ dɔ naanaree saŋ bɛlbwa, mɛɛ nyiŋi o harɛ taa ó che kiŋkiŋ saŋ bɛlbwa kɛŋɔ wee aa dɛ chaah saŋ bɛlbwa nɔ.

Aesaya 45:1

Korowii le Saeros ŋɔ ó ɛ kooro, dɛ leo ŋɔ ó pɔ harɛre nɛra nɛ. O leo ŋɔ ó yo harɛre, dɛ́ pɔ ba koranar nɛɛ dɛ lɛ́ ba kpeɡri ba be. Korowiirii dɛ́ ya bwɛjena doonyoone ɡbeni tɛo. O ŋɔ Saeros be ŋɔ,

We-ɛɛla 10:38

He jemɛ ɡɛ Korowii aa kpɔ o Domadɛɛɡe ne o kpeɡri tɛ Yeesu waa le Nasarɛt la wa. Dɛ Korowii teŋɛ Yeesu nɛ, asɛ o valɛ dɛɛ ɛ wedɛɛɡa dɛɛ chah nɛra Bɔnsam aa lɔ ba bil la.

1 Samoɛl 10:1

Belaa Samoɛl kpɔ ɔleve noo loŋbir dɛ fuɡe do Sɔɔl nyu ta, dɛ ɡbaaro pɛl bambile dɛ ŋɔ, “Korowii lee he ɛ o nɛra Israel tena sitɔɔ. Hɛɛ nyiŋi ba nɛɛ, dɛ́ lɛɛ ba le ba dɔma baa bar ba cheme nɔn ta. Anee dɛ́ baɡle kɛŋɔ Korowii lee he ɛ o nɛra Israel sitɔɔ.

1 Samoɛl 10:24

Samoɛl ŋɔ nɛra la bwa be ŋɔ, “Kɛ he bwa na nɛn Korowii aa leo kenɛ? Ya bini bɛlbwa toole dɛ do kɛ on.” Anee nɛra la bwa moo ŋɔ, “Kórowii tɛ kooro mkpajaŋ!”

1 Samoɛl 16:3

Yerɛ Jese ó ba saraha la bɔr. Mɛɛ baɡle ɡɛ haa ɛ. Bɛl la háa fuɡe noo do o nyu ta la, dɛ onee n le kooro.