1 Koranar 1:3 - mzwDBL

³ Ate, ba ɡaaɡe Israel harɛ ta bwa dɛɛ nyin bechatolo waa wera tolo, asɛ dɛ ka dɔ bɛl bwɛɛ bɛl baa dɛ yerɔ Sunem ta baa yerɔ Abisaɡ, dɛ kpɔɔ ba tɛ Kooro Devid.

1 Koranar 1:3 ပူးပေါင်းရင်းမြစ်များ

1 Koranar 1:2

Anomanta, o bonɔɔna ŋɔ o be ŋɔ, “N naa kooro, ɡel ya ka nyin bechatolo waa wola baa bɛlbwa jemɛ mɔɔ ba tɛɛ, ásɛ wɛɛ nyiŋi he nɛ. Wɛɛ dɛɛ chɔ he habɔɔ dɛ́ ɡel hɛɛ wɔrɔbe.”

1 Koranar 1:4

O wer tolo kɛrɛdɛ, dɛ so kooro be dɛ nyiŋu taeh, kɛ o ne o ta baa ne haah chɔe bwa.

2 Koranar 4:25

Anomanta, ba leɔ dɛɛ kaa Korowii keame Elaesa be Kaamɛl Bwejen ta. Korowii keame la aa nao bojaŋ la, o ŋɔ o bonɔɔ Gehasi be ŋɔ, “Nyiŋi na, haah la waa le Sunem laanee dɛɛ ba la.

2 Koranar 4:8

Awola bɛl, Elaesa la bwɛɛ bɛl baa dɛ yerɔ Sunem ta, dɛ haah bɛl o nɔn bini aa wera lɔ bela. Haah la yerɛ Elaesa la o dem o ne o ka di kwa. Le awola tɔpere dɛɛ kaa la, Elaesa aa kpɔ bwɛɛ la ta baa kaa bwa, ɡɛɛ o la dem bela dɛ ka di kwa.

Ɛsta 2:2

Anomanta, kooro ɡbaɡba bonɔɔna baa lɔ o jwɛɛh la ba liire ne ŋɔ, “N Naa kooro, ɡel bá nyiŋi harɛre la bwa ta, dɛ́ nyin toli baa wera, baa wola baa jemɛ bwa tɛɛ.

Ɛsta 2:4

Ba bini bɛlbwa he sie aa lɛ o nɛɛ la, kpɔɔ ɛ he haah chiɡ Vasti naa ta.” Kooro aa no ɡɛ baa jao la, o sie lɛ a ta, dɛ ɡel ba ɛa ɡɛ.

Josua 19:18

Ba harɛ ta bwɛjenaa Jesreel ne Kɛsolɔt dɛ Sunem,

1 Samoɛl 28:4

Filisti laa tena chemo dɛ ba baŋre ba tɛnte deene bwɛɛ Sunem, asɛ Kooro Sɔɔl ɡe boa Israel laa tena bwa nyoa ba baŋre ba tɛnte deene Gelboa Bwejen ta.