1 Koranar 1:25 - mzwDBL

²⁵ Fini o iro dɛ la ka kpoo nae ne nabiiri aa jea, dɛ peera aa wara. O ta nɔn yerɛ he bibaala bwa, ne Joab waa chɔ he laa tena nyoa dɛ sɔfo Abiata. Maa dɛ bol nɔ, taraken ba ne o pɛo dɛɛ di kondikonjena, dɛ nyɔ sen dɛɛ lɛ ba sie, dɛɛ do lɔŋɔre ŋɔ, ‘Kórowii tɛ Kooro Adonija mkpajaŋ!’

1 Koranar 1:25 ပူးပေါင်းရင်းမြစ်များ

1 Samoɛl 10:24

Samoɛl ŋɔ nɛra la bwa be ŋɔ, “Kɛ he bwa na nɛn Korowii aa leo kenɛ? Ya bini bɛlbwa toole dɛ do kɛ on.” Anee nɛra la bwa moo ŋɔ, “Kórowii tɛ kooro mkpajaŋ!”

1 Koranar 1:19

O kaa kpoo peera ne nabala ne nabiiri aa jea kohona, dɛ ta nɔn yerɛ he bibaala ne sɔfo Abiata dɛ Joab waa dɛ tɔ laa tena sie. Kɛ o ta he bibaa Solomɔn te yerɛ.

1 Koranar 1:9

Awola bɛl, Adonija laŋɔ dɛ ka kpo peera ne nae dɛ nabiiri aa jea kohona ɛ saraha Sohelɛt Bwe ta, o bɛne Ɛn Roɡel bule ta. O yerɛ o mɛɛ Kooro Devid bibaala baa ɛ o nimanar dɛ Juda baala ba ɡe aa ɛ kooro nomonome bwa.

Amanesoma Luk Aa Chwera Tɔn 19:38

Dɛ ba dɛ ŋɔ, “Korowii swee andɛɛɡa tɛ Kooro waa cheɡɛ o sɔn ta dɛɛ ba nɔ, dɛ́ ɡel nyundua tena bwa bwara sɔɔh ba!”

Matiu 21:9

Nɛra baa tɔ o sie la ne banɔ la baa teŋɛ o nɛɛ la bwa pɛ nyoa dɛɛ tɛo jirima ŋɔ, “Woowo! Devid Naa nɔ! Korowii swee naate waa valɛ o sɔn ta dɛɛ ba nɔ andɛɛɡa. Ya dɛ jam Korowii waa lɔ nyundujaɡla la!”

2 Webena 23:11

Name sɔfo Jehoiada ka lawɛ Joas le buse dɛ fuɡe noo do o nyu ta, dɛ cheɡo kora ta. Ba kpɔ kooɡbɛrɛ piu, dɛ kpɔ fɔo baa fɔwa dɛ che o ta dɛɛ di kora harɛ la ta do o nɔn ta. Asɛ ba lɔ kpaŋa dɛ moo ŋɔ, “Kórowii tɛ kooro mkpajaŋ!”

1 Webena 29:21

Tɔ aa pera la, ba fuh kwaa ɛ saraha tɛ Korowii saraha kon la ta. Nabala kaɡboŋ ne pebala kaɡboŋ ne pebali kaɡboŋ, dɛ kpɔ sen saraha, dɛ sarahare aa wara ja a ta tɛ Israel tena bwa.

1 Webena 29:13

N Naa Korowii yaa dɛ tomɛ, ya dɛ jaame, dɛɛ kpɛɛ he sɔnjen la.

2 Koranar 11:12

Name sɔfo Jehoiada ka lawɛ Joas le buse, dɛ kpɔ kooɡbɛrɛ piu, dɛ kpɔ fɔo baa fɔwa dɛ che o ta dɛɛ di kora harɛ la ta do o nɔn ta. Dɛ fuɡe noo do o nyu ta dɛ cheɡo kora ta, asɛ ba lɔ kpaŋa dɛ moo ŋɔ, “Kórowii tɛ kooro mkpajaŋ!”

1 Koranar 1:34

Hé tel Gehɔn bela aa, hé ɡel sɔfo Sadɔk ne Korowii keame Netan fuɡe noo do Solomɔn nyu ta, dɛ́ cheɡo Israel harɛ bwa kooro. Hé ɡel nomɛl hoh bɛla ásɛ hɛɛ moo ŋɔ, ‘Korowii tɛ Kooro Solomɔn mkpajaŋ!’

2 Samoɛl 16:16

Belaa Husai waa ɛ Aaki te, Kooro Devid dam la, la Absalɔm be dɛ ka ŋɔ, “Korowii tɛ kooro mkpajaŋ! Korowii tɛ kooro mkpajaŋ!”

Matiu 22:4

Anee o berɛ kwaa tomɛ banfala dɛ ŋɔ ba be ŋɔ, ‘Hé ka ŋɔ nɛra maa yer ba la be ŋɔ ba tonɛ kondikwaa la. N kpoo nabala ne nae aa do noorare kohona, anomanta, n tonɛ komɛlbwa kɛ bá ba.’

1 Koranar 1:24

Belaa Netan ŋɔ, “N naa kooro, he bolɔ ŋɔ he habɔɔ Adonijaa dɛ́ di kora kɛɛ?

1 Koranar 1:39

Asɛ sɔfo Sadɔk kpɔ nyeɡle bɛl noo aa lɔ o bini le Korowii Dea Cheremibɔr, dɛ ba fuɡe do Solomɔn nyu ta. Ba hoh bɛla la, asɛ nɛra baa teŋɛ o nɛɛ bwa ɛɛ moo kohona ŋɔ, “Korowii tɛ Kooro Solomɔn mkpajaŋ!”

1 Koranar 2:15

Anee Adonija ŋɔ, “He jemɔ kɛŋɔ kora la fa ɛ n kon, n nɛɛ Israel tena bwa sie dawɛ kɛŋɔ menee dɛ́ ɛ ba kooro. Kɛ waa la sie berɔ, asɛ a ɛ kɛŋɔ n nime di, dɛkalkɛ Korowiirii ɛa ɡɛ.

2 Koranar 9:13

Buɡ la ta, ba ir ɛ warane, dɛ wur ba batakaani, dɛ kpɔ pa kwaa baa cheɡɛ a ta teeh dɛ jo dea la, asɛ Jehu valɛ a ta. Dɛ hoh bɛle dɛ moo ŋɔ, “Jehu di kora.”

2 Koranar 11:14

O baa na kɛŋɔ kooro la cheɡɛ Korowii Dea la sie pila bɛl jwɛh ɡɛ ba nawee wa aa doa. Asɛ laa sitɔɔla ne bɛlhoohla che kooro jwɛh. Asɛ harɛ la ta nomɛlbwa sie lɛ, baa hoh bɛle. Belaa haŋkooro Atalia laa o batakaare kɛɛ a baɡle kɛ o baah diu kohona, dɛ ŋɔ, “He bwa lee mɛ tɛ! He ɛɛ mɛ dɔm!”