1 Koranar 1:16 - mzwDBL

¹⁶ Belaa Batsiiba ɡuŋi kooro, asɛ kooro bɔɔro ŋɔ, “Bɔkwaa hɛɛ nyin ɔ?”

1 Koranar 1:16 ပူးပေါင်းရင်းမြစ်များ

1 Koranar 1:15

Ate, Batsiiba la Kooro Devid waa hwɛɛhra kɛrɛdɛ la be o chɔɔbɔr, dɛ Sunem tolo Abisaɡ la lɔ bela dɛɛ nyiŋu.

1 Koranar 1:17

O chaŋo ŋɔ, “N naa kooro, he ŋwɛɛ Korowii haa dɛ tomɔ sɔn ta ŋɔ n bie Solomɔnee dɛ́ ba ɛ kooro dɛ́ chiɡ he naa ta.

1 Koranar 1:23

Asɛ ba ka ŋɔ kooro be ŋɔ, “Korowii keame Netan balɔ.” Asɛ o la kooro be dɛ ka ɡuŋu.

1 Koranar 2:20

Batsiiba ŋɔ, “Wejeɡa bɛl nee n ba dɛ́ ba soŋe, bɛ men vɔmɛ.” Anee kooro ŋɔ, “N nya bol, maa hen vɔmɛ.”

Ɛsta 7:2

Baa dɛ nyɔ sen ba kondikonjena nɛɛtena dii ta la, kooro bɔɔ o haah Ɛsta ja ŋɔ, “Ɛsta, bɔkwaa hɛɛ nyin ɔ? Hale harɛ maa dɛ di kora o ta nɔ peraa hɛɛ nyin kwaraa naa, mɛɛ tɛɛ.”

Matiu 20:21

Anee Yeesu pɛɛ haah la ŋɔ, “Bɔkwaa hɛɛ nyin kɛ ń ɛ tɛɛ nɔ?” Belaa haah la chaŋo ŋɔ, “Baɡ mɛ nyoa kɛ dɛ he baa di kora aa, hɛɛ ɡeloo n bii banɛ nɔ bɛl so he diɡ ta, bɛl ɡe so he ɡal ta.”

Matiu 20:32

Anee Yeesu jaɡɛ che, dɛ yer ba dɛ pɛɛ ba ŋɔ, “Bɔkwaa hɛɛ nyin kɛ ń ɛ tɛ heya ɔ?”

1 Samoɛl 20:41

Bie la aa kaala la, Devid iro le Esal bwetal o fa aa kaa sɔh o ta la ta, dɛ ba ɡuŋi Jonatan sie, dɛ kpɔ sie pi harɛ kera atoro. Asɛ ba ɡbaa dɔŋa pɛl ba te, dɛ bwa ɛɛ wi, kɛ Devid wii laanee ɡwaala.

1 Samoɛl 24:8

Belaa Devid ɡe le bwebɔɔ la bini dɛ yerɛ Kooro Sɔɔl ŋɔ, “N naa kooro.” Kooro Sɔɔl aa kea nyiŋu la, Devid ɡure nyu su, dɛ kpɔ sie pi harɛ.

1 Samoɛl 25:23

Abiɡel aa na Devid la, o ɛ warane dɛ tu o keeɡo ta, dɛ ka ɡuŋu dɛ kpɔ sie pi harɛ,