1 Koranar 1:1 - mzwDBL

¹ A balɔ kɛŋɔ Kooro Devid baa hwɛɛh, dɛ o biɡro ɡe kɛrɛdɛ, dɛ ka kalaŋ ta. Ba kpɔ yale tɔɔ ɡɛ bɛlbwa kwaraa naa, dɛ waa ta dɛ kpoo.

1 Koranar 1:1 ပူးပေါင်းရင်းမြစ်များ

Mumpar 18:11

A ɡɛ saŋ dɛ Abraham ne o haah Saara bwa hwɛɛhrɔ, asɛ Saara ɡarɛ dahara lee.

Mumpar 24:1

Abraham biɡro dɛ hwɛɛh ɡe kɛrɛdɛ. Dɛ Korowii tɛo hɛɛra o wobɛlbwa ta.

2 Samoɛl 24:25

Kooro Devid ma kon waa ɛ saraha o ta tɛ Korowii bela, dɛ kpoo kwaa ɛ sarahare baa fuah, ne deŋnesɔɔhna sarahare tɛo. Asɛ Korowii na Israel tena sum dɛ ɡel weechɔɡa la le harɛ la ta, nɛra aa serewe kpa.

2 Samoɛl 5:4

Kooro Devid aa di bene fifraatoro taa ba cheɡo kora ta, asɛ o di kora bene fifraanaarɛ.

1 Koranar 1:15

Ate, Batsiiba la Kooro Devid waa hwɛɛhra kɛrɛdɛ la be o chɔɔbɔr, dɛ Sunem tolo Abisaɡ la lɔ bela dɛɛ nyiŋu.

1 Koranar 1:2

Anomanta, o bonɔɔna ŋɔ o be ŋɔ, “N naa kooro, ɡel ya ka nyin bechatolo waa wola baa bɛlbwa jemɛ mɔɔ ba tɛɛ, ásɛ wɛɛ nyiŋi he nɛ. Wɛɛ dɛɛ chɔ he habɔɔ dɛ́ ɡel hɛɛ wɔrɔbe.”

1 Webena 23:1

Kooro Devid aa baa hwɛɛh kohona la, o kpɔ o bibaa Solomɔn cheɡ Israel kora ta.

Yela 90:10

Bene yaa di lɔ fifraanuanɛ ɡbo, kɛɛ dɛ bokpeɡa ta lole naa, bene fifraanuatoro. Kɛ a bwa ɡe ta la, hɔhɔrɔwa ne suna dii ɡboo, aa biɡri dɛ a baa kaa, ya serewe.

Wejereme 4:11

Nɛra banɛ pɛo chɔ aa, ba dɛ wɔrɔbe dɔŋa bwara. Kɛ nɛmbeŋkpoŋ ɡbo aa won chɔ o bwara wɔrɔbe.

Amanesoma Luk Aa Chwera Tɔn 1:7

Sekaria moo, ba bwa ba hwɛɛh, kɛ dɛ ba ta bie dɔe, dɛkalkɛŋɔ dɛ Ɛlesabɛt ɛ hambara.

Josua 13:1

Josua baa hwɛɛh kɛrɛdɛ. Asɛ Korowii ŋɔ o be ŋɔ, “Taraken he hwɛɛhrɔ kohona, kɛ a ta ka harɛre warɛ kɛŋɔ Israel tena yo dɛ lɛ.