1 Jɔn 5:19 - mzwDBL

¹⁹ Ya jemɔ kɛŋɔ ya bwa ɛ Korowii bii, asɛ nɛra baa dɔ harɛ nɔ ta ɡbo liire, ne kwaa aa lɔ harɛ nɔ ta bwa ɡe do Bɔnsam lɔɡa.

1 Jɔn 5:19 ပူးပေါင်းရင်းမြစ်များ

Amanesoma Luk Aa Chwera Tɔn 4:6

dɛ ŋɔ o be ŋɔ, “Dɛ he kpɔ duure tɛ mɛ naa, mɛɛ kpɔ a kpeɡri ne a kondɔɔh bwaa tɛɛ, dɛkalkɛŋɔ a bwa sekwaraa lɔ n nɔn ta. Nɛn maa dɛ nyin laanee n kpɔ dɛɛ tɛ.

Amanesoma Jɔn Aa Chwera Tɔn 12:31

Tɔpere Korowii aa bol harɛ nɔ ta nɛra bwa waa dɛ́ pa bole la telo, asɛ name ɡee mɛɛ ba ń doŋi Bɔnsam waa ɛ harɛ nɔ ta kooro la ta.

Amanesoma Jɔn Aa Chwera Tɔn 14:30

N ne haa won bol waa kohona kpa, dɛkalkɛ harɛ nɔ ta kooro dɛ ba. O ta kpeɡri bɛlbwa dɔe n nɛ,

Amanesoma Jɔn Aa Chwera Tɔn 16:11

Wɛɛ di ba kasinteŋii Korowii bole pae la ta, dɛkalkɛŋɔ Korowii bol harɛ nɔ ta kpeɡnɛn la waa dɛ pao bolchɔɡe.

Amanesoma Jɔn Aa Chwera Tɔn 17:15

Maa soŋe ŋɔ hé laa ba kpɔ le harɛ nɔ ta, kɛ n dɛ soŋe ŋɔ hɛ́ɛ kee ba Bɔnsam nɛ.

Tɔn Pɔɔl Aa Chwerɛ Rom Tena 8:16

Korowii Domadɛɛɡee yon ɡel ya jemɛ ya bambile bini kɛŋɔ Korowii biirii yaa.

2 Kɔrent 1:12

Webeŋkpoŋii ɡela ya baŋa pa. Anee kɛŋɔ yaa wonoo ŋɔ bambile bwa ne kɛŋɔ wobɛlbwa yaa ɛa harɛ bonɔ la, tepoŋ ne bambile bwa nee ya ɛa Korowii ŋwɛnɛ ta, a laa kɛ waa yaa ɛa he be la. Korowiirii sune ya nɛɛ dɛ cha yaa ya ɛa. Harɛ bonɔ wejema ne laa ya ɛa.

2 Kɔrent 4:4

Bɔnsam baa dɛ maŋkurao harɛ nɔ ta kɛŋɔ Korowii la, o chɔɡ nɛra baa wola Yeesu yarada la liire. Waa nyin kɛŋɔ Amanesoma nii aa le Yeesu Kristo o wa aa dɔ jirima kohona be la chaah ba. Yeesu do ɡɛ Korowii aa doa.

2 Kɔrent 5:1

Ya harɛ nɔ ta bwadabii nɔ do kɛ pata ya do o ta. Ya jemɔ kɛ dɛ o chɔɡaa, Korowii ɛɛ tɛ yaa defale o ɡbaɡba aa doa waa wola chɔɡ bwa nyunduaa.

Galaasia 1:4

Ya Dɔɔ ɛ N Naa Korowii tetoowa kɛŋɔ, waa koh ya wechɔɡa waa dɛ sewɛ, dɛ lɛ yaa le taraken nɛra baa dɔ liichɔɡa bini nɔ.

Ɛfesos 2:2

He fa dɔ harɛ nɔ ta liire dɛɛ teŋɛ wechɔɡa ta, dɛɛ teŋɛ konchɔɡa bwa yaa wola an na la dɔɔ la nɛ. O tentenee dɛɛ ɛ toma deŋnekpeɡ tena bambili bini.

2 Timoti 1:12

A waa mɛɛ na waa maa dɛ na nɔ la. Sihiih ɡe aa men kpo, dɛkalkɛ n jemɛ naate maa yaradao dɛ kpɔ n te tɛo, asɛ dɛ jemɛ kɛŋɔ wɛɛ wonoo kpoŋe n ne toma waa kpɔa do n nɔn ta la sɔnɔnɔɔ ken dɛ́ ka tel o bala tɔpere.

Taetos 3:3

Ya ɡbabir fa ɡɛnɔ. Ya fa ɛ deŋnekpeɡ tena. Ba fa neɡre yaa, pɛlchɔɡa bwa soo siwi ne bodia kpɔ yaa berɛ yoma. Meesɔɔh ne bɔweela bwa nee ya faa so. Nɛra fa hah yaa, ya ɡe hah dɔŋa.

Jems 4:4

He nɛnchɔɡa nɔ haa wola Korowii ɔmɛ kɛŋɔ hanchɔɡe waa dɛ nyin baala nɔ! Haa jemɛ kɛŋɔ nɛn waa dɛ nyin harɛ nɔ ta kwaa la vɛh Korowii dɛ ɛ o dɔm kɛɛ? Nomɛlbwa waa daŋre harɛ nɔ ta kwaa nyina ne la vɛh Korowii.

1 Jɔn 3:14

Ya jemɔ kɛŋɔ ya le seo nɔn ta dɛ ba dɔ mkpa, dɛkalkɛ ya dɛ nyin dɔŋa. Nomɛlbwa waa wola o dɔŋ nyin la ta lɔ seo nɔn ta.

1 Jɔn 3:24

Nomɛlbwa waa dɛ no Korowii waa la, o kpɔ o te dɛɛ pɛl Korowii, asɛ o ɡe lawɔ dɛɛ pɛl o nɛ. Korowii Domadɛɛɡe la waa kpɔa tɛ yaa la ɡelɔ ya jemɛ kɛŋɔ ya bwa ɛ beŋkpoŋ.

1 Jɔn 5:10

Anomanta, nomɛlbwa waa yarada Korowii Bie la, naate dɔ ɡɛ danseɛ nɔ o ɡbabir bambile bini, dɛ won jemɛ kɛŋɔ a ɛ kpela. Kɛ nomɛlbwa waa wola Korowii yarada la ɡelɔ Korowii waa la ɛ nyosone, dɛkalkɛŋɔ naate aa ɡɛ Korowii aa bol o Bie la waa la yarada.

1 Jɔn 5:13

N chwerɛ waa nɔ baa tɛ he banɔ la haa dɛ yarada Korowii Bie la, ásɛ he jemɛ kɛŋɔ he dɔ Korowii mkpa aa wola jaɡa dɔe la.

1 Jɔn 5:15

Dɛ ya jemɔ kɛŋɔ Korowii dɛ no ya be kwaa yaa dɛ soŋo la te naa, amɔ te dɛ ya jemɔ kɛŋɔ ya dɔɔ dɔ kwaa yaa dɛ soŋe o be la.

1 Jɔn 5:18

Ya jemɔ kɛ nomɛlbwa waa ɛ Korowii bie la aa teŋɛ dɛɛ ɛ wechɔɡa, dɛkalkɛ Korowii Bie la dɛ nyiŋi naate nɛɛ ásɛ Bɔnsam bɛ won ɛo wobɛlbwa.

1 Jɔn 5:20

Ya jemɔ kɛŋɔ Korowii Bie la balɔ, dɛ ba tɛ yaa liire yá kpɔ jemɛ Korowii tenten la. Korowii tenten la lawɛ yaa pɛl o nɛ, dɛkalkɛŋɔ o kpɔ ya te pɛl o Bie Yeesu Kristo la nɛ. O ɛ Korowii tenten, dɛ dɔ mkpa aa wola jaɡa dɔe bwa.

Wepila 12:9

asɛ Korowii kpɔ kontuuɡi damanta waa ɛ harɛkon la yaa jemɛ o waa mumpar bwa, baa yerɔ Baradeɛre Te ne Bɔnsam, wɛɛ neɡre nɛra bwa baa nyoɡre la, ne o bala bwa ta harɛ.

Wepila 20:3

dɛ kpɔɔ ka ta Bɔnsam Bɔluŋ la bini, dɛ laa tɔ, dɛ karɔ kiŋkiŋ o bɛ nɛra baa lɔ harɛ ta neɡre ka tel kɛŋɔ bene kaɡboŋ la aa tela. Dɛ tɔpere la telaa, baa puruu o le tama.