1 Jɔn 5:14 - mzwDBL

¹⁴ Ya dɔ hwɛɡa Korowii be kɛŋɔ wobɛlbwa yaa soŋo la, dɛ a ɛ o tetoowa aa, wɛɛ no ya bee.

1 Jɔn 5:14 ပူးပေါင်းရင်းမြစ်များ

1 Koranar 3:12

mɛɛ ɛ ɡɛ haa soŋa laanee tɛɛ. Mɛɛ tɛɛ wejema ne waa mun noe, he kpɔ dɛɛ nyiŋi nɛra nɛ, nomɛlbwa aa wola won do kɛŋɔ hen, a dɔŋa ɡe aa wola chiɡ bwa.

Job Tɔn 34:28

Ba ɡelɔ nyaara wi dɛɛ no Korowii, asɛ wɛɛ no yera baa dɛ yerɔ ŋɔ ó cha ba.

Yela 145:19

Nɛra baa dɛ ɔmɛ la, he dɛ tɛɛ ba ba konnyina, dɛ no ba wii dɛɛ lɛɛ ba.

Yela 31:22

N ɔmɔ dɛ lii kɛŋɔ, he doŋ mɛ le he sie. Kɛ maa wia noe ŋɔ he cha mɛ la, he sune n nɛ, dɛ cha mɛ.

Yela 34:17

Nɛra ba wa aa toɡra wio no Korowii aa, o dɛ no, dɛ lɛɛ ba dɛɛ le ba wahala bwa ta.

Yela 69:33

Korowii dɛ no nɛŋɡwɛɡra wii, waa nɛra baa laɡ ba do dea waa soh.

Sɛɡla 10:24

Waa nɛnchɔɡe aa dɛ ɔmɛ la, a dɛ ba o nɛ, kɛ nɛn o wa aa toɡra te, dɛ́ dɔ kon waa dɛ nyin.

Sɛɡla 15:29

Korowii ne wechɔɡ-ɛɛ baah jaŋne, o dɛ no nɛn o wa aa toɡra wesoŋa.

Jeremia 33:3

Yer mɛ, ásɛ n chaŋe, ásɛ dɛ baɡle wejena ne waa aa sɔah haa wola an jemɛ.

Matiu 21:22

Dɛ he kpɔ yarada dɛɛ soŋe Korowii aa, komɛlbwa haa soŋo la, hɛɛ dɔɔ.”

Amanesoma Jɔn Aa Chwera Tɔn 11:42

N te jemɔ kɛ tɔpere bwaa hɛɛ no n wa. Nɛra baa ja n nɛɛ bonɔ nɔ waa mɛɛ bol ɡɛ, ásɛ ba won jemɛ kɛŋɔ henee tom mɛ la.”

Amanesoma Jɔn Aa Chwera Tɔn 14:13

Ásɛ komɛlbwa haa che n sɔn ta dɛ́ soŋe la, mɛɛ ɛo. Anɔ taa aa ba cheɡa ń lɛ jirima tɛ n Mɛɛ Korowii.

Amanesoma Jɔn Aa Chwera Tɔn 15:7

Hé kpɔ he te pɛl mɛ asɛ n webaɡla ɡe do he liire bini naa, he dɛ soŋe komɛlbwa haa dɛ nyin aa, hɛɛ dɔɔ.

Amanesoma Jɔn Aa Chwera Tɔn 16:24

He ta n sɔn kpɔe dɛ soŋe komɛlbwa bwa. Kɛ taraken te, hé kpɔ n sɔn soŋe, hɛɛ dɔɔ ásɛ he sie lɛ kohona.

Amanesoma Jɔn Aa Chwera Tɔn 9:31

Ya jemɔ kɛŋɔ Korowii deŋna toole wechɔɡ-ɛɛra be. O deŋna lɔ banɔ la baa dɛ duuru dɛɛ ɛ waa waa dɛ nyin la be.

Ɛfesos 3:12

Yaa dɛ yarada Yeesu ya ne o pɛ nɔ, yaa wonoo ba Korowii be yaa wola ɔmɛ.

Hibru 10:35

Anomanta, he bɛ ɡel he bambile chɔɡ he yaradae haa dɛ yarada Korowii Bie la. A dɔ kembɔr kohona.

Hibru 3:14

Gɛ ya yarada aa doa le mumpar la, dɛ ya wono che ɡɛ kiŋkiŋ ka tel wobɛlbwa jaɡa aa, dɛ ya ne Yeesu Kristo pɛo wobɛlbwa ta.

Hibru 3:6

Kɛ Yeesu Kristo te kasinteŋ waa dɔa la, Korowii Bie on, asɛ o ɛ Korowii nɛra bwa nomoa. Ya yarada yaa dɔa Yeesu Kristo nɛɛ, ne hwɛɡa yaa dɔa ya sie lɛ a ta la, ya lawɛ a bini kpoŋe kiŋkiŋ naa, Yeesu Kristo nɛraa yan.

Jems 4:3

He dɛ soŋo, kɛ haa dɔ, dɛkalkɛŋɔ liire haa cheɡɛ a ta dɛɛ soŋo la aa were. He ɡboɡbo konnyina ne kwaa haa dɛ pɛlɛ a nɛɛ waa hɛɛ soŋo.

Jems 5:16

Anomanta, a wer kɛŋɔ he bol he wechɔɡa dɛɛ baɡle he bala he ne baa teŋɛ Yeesu nɛɛ la, ásɛ ba ɡe won soŋe Korowii dɛɛ tɛ heya, ásɛ o tɛ heyaa bokpeɡa, dɛkalkɛŋɔ nɛndɛɛɡe dɛ soŋe Korowii aa, o dɛ no dɛ ɛ dɛɛ tɛo.

1 Jɔn 2:28

N bidɛɛɡa, hé ɡel he ne Yeesu Kristo pɛ, ásɛ o baa forɛ le awola aa, ya bɛ ɔmɛ, ásɛ sihiih bɛ yaa kpo o sie awola waa ba la.