1 Jɔn 2:29 - mzwDBL

²⁹ He nao kɛŋɔ Korowii waa toɡrɔ, anomanta, nomɛlbwa waa dɛ ɛ wedɛɛɡa aa su Korowii siwi la ɛ Korowii bie.

1 Jɔn 2:29 ပူးပေါင်းရင်းမြစ်များ

Jeremia 13:23

Itiopia te ɛɛ won charɛ bwadabi aa? Kɛɛ noniete ŋɔ waa nyin kɛ o bwara lɛɡre aa? Gɛɛ he nɛra wechɔɡa aa jooɡe heyaa nɔ aa wola won ɡel hɛɛ ɛ wedɛɛɡa.

Sekaria 9:9

Saayɔn tena, hé hɛɡre kohona, Jerusalam tena, hé moo ɡa. Hé nyiŋi na! He kooro dɛ ba he be, o waa toɡrɔ dɛ won nɛra lɛɛ, o pwɛre, o soɡe keeɡo bie ta, keeɡo bale taa o so.

Amanesoma Jɔn Aa Chwera Tɔn 1:13

Ŋwɛnɛ nɛwɛnyini aa cheɡɛ o ta dɛɛ lolɛ bii la, kɛɛ nɛwɛnyini pɛla, kɛɛ nɛwɛnyini tetoora ta laa ba lol ba ba ɛ Korowii bii. Korowii kpeɡri taa a che ba berɛ o bii.

Amanesoma Jɔn Aa Chwera Tɔn 7:18

Dɛ nɛn kpɔ o kpeɡri dɛɛ baɡle wa aa, o nyin sɔn dɛɛ tɛ o ɡbaɡba. Nɛn waa nyin sɔn dɛɛ tɛ nɛn waa tomɔ la te la, o waa dɔ kasinteŋ, waa nɛra neɡre.

We-ɛɛla 10:35

Kɛ harɛ bɛlbwa ta la, nomɛlbwa waa dɛ ɔmɛ Korowii dɛ jemɔ la, Korowii sie dɛ lɛ o nɛ.

We-ɛɛla 22:14

Asɛ o ŋɔ, ‘Korowii ya naawa fa aa dɛ tomɔ la, onee lee tɛ o te ŋɔ hé jemɛ waa waa dɛ nyin, dɛ́ won no o Bidɛɛɡe la ɡbaɡba wobol, dɛ́ nao ɡe.

We-ɛɛla 3:14

Wechɔɡa bɛlbwa toole o nɛ, wedɛɛɡa ɡboo o ɛ. Kɛ he ŋɔ haa on nyin, dɛ ŋɔ nɛn waa dɛ kpo nɛra laanee hɛɛ nyin kɛŋɔ Paelet foo ta dɛ́ ɡelo.

2 Kɔrent 5:21

Dɛ wechɔɡa bɛlbwa toole Yeesu Kristo nɛ, kɛ ya kɛrɛdɛ nomanta, Korowii ɡelɔ o lɛ ya wechɔɡa che, ásɛ dɛ ya ne o pɛo waa, ya waa won su Korowii siwi ó lɛ yaa kɛ nɛndɛɛɡaa yan.

Hibru 7:2

Belaa Abraham bɔne kwaa waa dɔa laa la ta bwa bini bɔre fi dɛ kpɔ bɔrbeŋkpoŋ tɛo. Mɛlkesɛdɛk sɔn la munii “Waa aa Toɡra Kooro.” Salɛm ɡe munii “bambisɔɔhna.” Anomanta, dɛ “Bambisɔɔhna Kooroo” on.

Hibru 7:26

Maɡraa a den maɡre kɛŋɔ yaa dɔ Sɔfonomoa waa do kɛ Yeesu dɛɛ cha yaa. Doŋa bɛlbwa toole o nɛ, o tea too, o ne wechɔɡ-ɛɛra ta pɛɛ. Korowii tɛo nomonome dɛ keeru kaa o be nyundujaɡla.

Jems 1:18

O ɡbaɡba tetooraa ya dɔ o waa aa ɛ kasinteŋ la dɛɛ no, dɛ che a ta ɛ o bii, ásɛ dɛ su o siwi kwaa waa taa la bwa bini.

1 Pita 1:23

dɛkalkɛ ba berɔ kwaa lolɛ heyaa nɛnfala. Nɛn waa dɛ sewɛ la dwee laa heyaa kpa, Korowii waa wola sewɛ bwa la dweee heya. Korowii Waa aa dɛ tɛ mkpa dɛ do le saŋ bɛlbwa la taa a che ba kwaa lolɛ heya.

1 Pita 1:3

Hé ɡel ya kpɛɛ Ya Dɔɔ Yeesu Kristo Mɛɛ Korowii. Waa dɛ sune ya nɛɛ kohona nomanta, o cheɡɛ ira waa ir Yeesu Kristo seo ta la ta dɛ ɡel ya ɛ nɛnfala. Anɔ ɡelɔ ya dɔ hwɛɡa aa wola jaɡa dɔe bwa.

1 Pita 3:18

Yeesu Kristo ɡbaɡba sewɔ tɛ heyaa dɛ bɔ wechɔɡa kem. Kerabeŋkpoŋii o sewɛ, waa wola berɛ sewɛ kpa. O ta wechɔɡa ɛɛ bwa, kɛ o sewɔ tɛ wechɔɡ-ɛɛra. Gɛ waa ɛ ya ne Korowii pɛ waa o ɛ ɡɛ. Baa kpoo la, o bwadabii sewa, kɛ o lileo te dɔ mkpafale.

2 Pita 1:4

Waa ɛ ɡɛ nɔ, o cha yaa ŋwɛnɛdɛɛɡa kohona ta, aa wola dɔŋ dɔe. O baɡɛ yaa nyoa a wa. Hɛ́ɛ che a taa dɛ́ le pɛlchɔɡa aa lɔ harɛ nɔ ta dɛɛ chɔɡ nɛra la nyoa, ásɛ dɛ do ɡɛ Korowii aa doa la.

1 Jɔn 2:1

N bidɛɛɡa, n chwerɛ waa nɔ dɛɛ tɛ heya, ásɛ he bɛ wechɔɡa dɛɛ ɛ. Kɛ dɛ nomɛlbwa ɡarɔ ɛ wechɔɡa aa, ya dɔ nomɛl o do ya Mɛɛ waa lɔ nyundua la be, dɛ́ soŋe ya wechɔɡa dɛɛ tɛ yaa. Onee Yeesu Kristo la. O Waa Toɡrɔ.

1 Jɔn 3:5

He jemɔ kɛŋɔ Yeesu Kristo ba harɛ nɔ ta, ásɛ dɛ ba laa wechɔɡa kpɔ, dɛ́ tɔ a ŋwɛnɛ. O te, dɛ wechɔɡa toole o nɛ.

1 Jɔn 3:7

N bidɛɛɡa, he bɛ ɡel nomɛlbwa neɡre heya. Nomɛlbwa waa dɛ ɛ wedɛɛɡa aa su Korowii siwi la ɛ nɛndɛɛɡe ɡɛ Yeesu Kristo aa ɛ nɛndɛɛɡe la.

1 Jɔn 4:7

Yabala, hé ɡel ya nyin dɔŋa, dɛkalkɛ nɛnnyin le Korowii be. Nomɛlbwa waa dɛ nyin nɛn la, o ɛ Korowii bie dɛ jemɔ.

1 Jɔn 5:1

Nomɛlbwa waa yaradaa kɛŋɔ Yeesu ɛ Kristo la Korowii aa baɡɛ nyoa ŋɔ wɛɛ tomɔɔ la, naate ɛ Korowii bie, dɛkalkɛ dɛ he dɛ nyin nomɛl waa aa, dɛ he dɛ nyin o bie ɡe wa.

1 Jɔn 5:18

Ya jemɔ kɛ nomɛlbwa waa ɛ Korowii bie la aa teŋɛ dɛɛ ɛ wechɔɡa, dɛkalkɛ Korowii Bie la dɛ nyiŋi naate nɛɛ ásɛ Bɔnsam bɛ won ɛo wobɛlbwa.

1 Jɔn 5:4

dɛkalkɛ nomɛlbwa waa ɛ Korowii bie la won harɛ nɔ ta liire ne o komɛlbwa nɛɛ pɔe. Ya cheɡɛ yarada yaa dɛ yarada Yeesu la ta dɛ pɔ a nɛ.

3 Jɔn 1:11

N dandɛɛɡe, bɛ nɛra baa dɛ ɛ wechɔɡa la nɛɛ teŋɛ. Kɛ dɛɛ teŋɛ nɛra baa dɛ ɛ wedɛɛɡa la nɛ. Banɔ la baa dɛ ɛ wedɛɛɡa la ɛ Korowii bilola. Nomɛlbwa ɡe waa dɛ ɛ wechɔɡa la aa Korowii jemɛ.