1 Jɔn 2:27 - mzwDBL

²⁷ Yeesu Kristo aa dɔa tɛ heyaa Korowii Domadɛɛɡe o do he bini nɔ, haa nomɛlbwa nyin o baɡle heyaa waa kpa. O Doma la dɛ baɡle heyaa wobɛlbwa. O ɛ kasinteŋ te, waa nyosone teŋe. Hé no anɔ la waa dɛ baɡle heyaa la, ásɛ dɛ kpɔ he te pɛ Yeesu Kristo nɛ.

1 Jɔn 2:27 ပူးပေါင်းရင်းမြစ်များ

Sɛɡla 28:5

Nɛnchɔɡaa wola waa aa ɛ kasinteŋ mun no, kɛ nɛra baa dɛ tomɛ Korowii te dɛ́ no a mun kɛrɛdɛ.

Lewi Dea Tena 7:35

Gɛ bɔra nɔɔ ɛ Arɔn ne o bibaala dibɔra dɛ le saraha kwaa baa fuah tɛ Korowii, awola baa den fuɡe noo do ba nyuune ta dɛ́ do ba sɔfore ta.

Nɛra Kura 7:43

Saraha kwaa waa kpɔa ba laanee, suuɡapoŋ tafolabɔtɔ o tɔɡre aa ɛ suuɡapoŋa lafa fifraatoro, ne suuɡapoŋ loɡ beŋkpoŋ baa ɛ nee dɛɛ do o bini dɛ ɛ dɛɛ merɛ o tɔɡre aa ɛ suuɡapoŋa fifraanuanɛ, ɡɛ baa maɡa bil Korowii Dea la, bɛlbwa del mea baa nama a kper kɛrɛdɛ noo koo a ta a ɛ mea saraha,

Matiu 13:11

Anee Yeesu chaŋ ba ŋɔ, “He te dɔ Korowii Kora ne a wejema a fa aa sɔah bwa dɛ jemɛ. Kɛ ba te ta dɔe.

Amanesoma Jɔn Aa Chwera Tɔn 14:16

Mɛɛ soŋe n Mɛɛ Korowiirii ó berɛ tɛ heyaa Habɔchekpaa ja wɛ́ɛ cha heya, dɛ́ soŋe dɛɛ tɛ heya, ásɛ he ne o so saŋ bɛlbwa.

Amanesoma Jɔn Aa Chwera Tɔn 14:17

Korowii Domadɛɛɡe laanee. Wɛɛ ɡeloo he jemɛ Korowii kasinteŋ waa la. Nɛra baa dɔ harɛ nɔ ta ɡbo liire aa won yarada o Domadɛɛɡe wa, dɛkalkɛ baa won nao ásɛ dɛ jemɔ. Kɛ he te jemɔ, dɛkalkɛ o ne heyaa lole, asɛ o so he nɛ.

Amanesoma Jɔn Aa Chwera Tɔn 14:26

Korowii Domadɛɛɡe waa ɛ Habɔchekpaa la, onee n Mɛɛ ɛɛ ba toma ó che n sɔn ta ba dɛ ba baɡle heyaa wobɛlbwa, dɛɛ lii heyaa anɔ la bwa n fa aa bol he be la.

Amanesoma Jɔn Aa Chwera Tɔn 16:13

Kɛ dɛ Korowii Domadɛɛɡe waa dɛ chaɡle Korowii kasinteŋ waa la balaa, wɛɛ pili wobɛlbwa binii tɛ heyaa hé no a mun. O ɡbabir nyu bini waa laa wɛɛ ba bola baɡle heya. Anɔ la waa noa le Korowii be laanee wɛɛ ba bola, dɛ́ chaɡle heyaa waa a taa lɔ sie dɛɛ ba bala.

Amanesoma Jɔn Aa Chwera Tɔn 4:14

Kɛ nomɛlbwa waa nyɔ nee maa dɛ tɛo la te, nyɔɡre aa on kpo bwa. Nee maa tɛo la ɛɛ ɛo kɛŋɔ bule aa lɔ naate bini dɛɛ bule nee aa dɛ tɛ mkpa aa wola jaɡa dɔe bwa.”

Amanesoma Jɔn Aa Chwera Tɔn 6:45

Ba chwerɔ do Korowii keamere tɔne bini ŋɔ, ‘Korowiirii dɛɛ ba nomɛlbwa waa baɡla.’ Anomanta, nomɛlbwa Korowii aa dɛ baɡlo o waa la asɛ wɛɛ hweli la, wɛɛ ba n bee.

1 Kɔrent 2:12

Ya te, liire yaa dɔa ta harɛ nɔ ta liire ɛɛ. Korowiirii kpɔa tɛ yaa. O kpɔ o Domadɛɛɡe tɛ yaa o do ya nɛ. Anee ɡela ya jemɛ kwaa waa tɛ yaa la.

1 Kɔrent 2:13

Yaa dɛ bol waa nɔ, yaa nɛwɛnyini wejema ta cheɡɛ dɛɛ bola. Korowii Domadɛɛɡe laanee dɛɛ baɡle yaa waa yaa bol. Anɔ la waa bol la, anee ya ɡe kpɔ dɛɛ baɡle o wa.

2 Kɔrent 1:21

Korowiirii ɡela ya ne he bwa won lawɛ Yeesu Kristo nɛɛ teŋa la kpoŋe kɛrɛdɛ, dɛ le yaa tɛ o toma,

Ɛfesos 4:21

He no o wa, ba baɡle heyaa kasinteŋ ŋwɛnɛ la, asɛ he jemɛ ɡɛ baa dɛ teŋɛ Yeesu nɛ.

Kolosi 2:6

Haa dɔa kpɔ he te tɛ Yeesu Kristo kɛ he Dɔɔ nɔ, hé ne o pɛ wobɛlbwa ta.

1 Tesalonika 2:13

Ya dɛ jam Korowii tɔpere bɛlbwa, dɛkalkɛŋɔ yaa bol Korowii Waa la he be la, he noa kɛŋɔ Korowii Wa. He ta an noɛ kɛŋɔ nɛn wa. Gɛɛ a do kpela. A ɡɛ waa nɔɔ dɛɛ ɛ toma he nɛra haa yaradaa nɔ bini la.

1 Tesalonika 4:9

Too. Ane ɡee la. A ta hiaih kɛ ya berɛ baɡle heyaa dɔŋa nyina waa kpa, dɛkalkɛŋɔ Korowii baɡle heyaa ŋɔ hé nyin dɔŋa.

1 Timoti 2:7

Anɔ waa Korowii lee mɛ ŋɔ ń lɔ a dawuro baɡle nɛra, dɛ́ berɛ ɛ Yeesu torome ɡe la. Kasinteŋii mɛɛ bol la, maa nyosone teŋe. Onee ɡela mɛɛ baɡle nɛra baa wola Juu tena ɛɛ la, ásɛ ba yarada Yeesu dɛ́ jemɛ kasinteŋ la.

1 Pita 1:23

dɛkalkɛ ba berɔ kwaa lolɛ heyaa nɛnfala. Nɛn waa dɛ sewɛ la dwee laa heyaa kpa, Korowii waa wola sewɛ bwa la dweee heya. Korowii Waa aa dɛ tɛ mkpa dɛ do le saŋ bɛlbwa la taa a che ba kwaa lolɛ heya.

1 Jɔn 2:28

N bidɛɛɡa, hé ɡel he ne Yeesu Kristo pɛ, ásɛ o baa forɛ le awola aa, ya bɛ ɔmɛ, ásɛ sihiih bɛ yaa kpo o sie awola waa ba la.

1 Jɔn 3:24

Nomɛlbwa waa dɛ no Korowii waa la, o kpɔ o te dɛɛ pɛl Korowii, asɛ o ɡe lawɔ dɛɛ pɛl o nɛ. Korowii Domadɛɛɡe la waa kpɔa tɛ yaa la ɡelɔ ya jemɛ kɛŋɔ ya bwa ɛ beŋkpoŋ.

2 Jɔn 1:2

dɛkalkɛŋɔ kasinteŋ la lɔ ya bwa bambile bini. Wɛɛ do lee saŋ bɛlbwa dɛɛ la.