1 Jɔn 2:25 - mzwDBL

²⁵ Dɛ ya ne Yeesu ne o Mɛɛ wono pɛ aa, a taa yaa ba cheɡa, dɛ́ dɔ Korowii mkpa aa wola jaɡa dɔe Yeesu aa baɡɛ yaa nyoa la.

1 Jɔn 2:25 ပူးပေါင်းရင်းမြစ်များ

Daneɛl 12:2

Nɛra ɡalɡa baa serewa ɛɛ berɔ ir, ásɛ bane kaa mkpa aa wola jaɡa dɔe bwa ta, bane ɡe kaa weweele aa wola jaɡa dɔe bwa ne sihiih ta.

Amanesoma Luk Aa Chwera Tɔn 18:30

wɛɛ dɔ banee dɛ́ ɡwaa ɡɛ harɛ ta bonɔ. A bwa habɔɔ la, wɛɛ dɔ Korowii mkpa aa wola jaɡa dɔe nyundua laanee ja.”

Amanesoma Jɔn Aa Chwera Tɔn 10:28

asɛ mɛɛ tɛa mkpa aa wola jaɡa dɔe bwa. Aa sewɛ bwa ɡe. Nomɛlbwa ɡe aa won toa le n nɔn ta.

Amanesoma Jɔn Aa Chwera Tɔn 12:50

N jemɔ kɛŋɔ o waa la dɛ́ tɛ mkpa aa wola jaɡa dɔe, anomanta, anɔ la waa bol n be laanee n ɡee bol.”

Amanesoma Jɔn Aa Chwera Tɔn 3:15

Dɛ ba baa ɡɔɔ mɛ ɡɛ naa, nomɛlbwa waa yarada n waa la, wɛɛ dɔ Korowii mkpa aa wola jaɡa dɔe bwa laanee.

Amanesoma Jɔn Aa Chwera Tɔn 5:39

He swɛɛ siwi dɛɛ kure Korowii Tɔn la, ásɛ dɛɛ lii kɛŋɔ hɛɛ dɔ mkpa aa wola jaɡa dɔe le a ta. Asɛ ɡɛ tɔn nɔ bini waa ɡe ɛɛ di danseɛ dɛɛ tɛ mɛ.

Amanesoma Jɔn Aa Chwera Tɔn 6:27

He bɛ kondikwaa aa won chɔɡa nɔ ta dɛɛ koh. Hɛ́ɛ koh kondikwaa aa wola chɔɡ dɛɛ tɛ mkpa aa wola jaɡa dɔe la ta. Gɛ kondikwaa nɔɔ Men Nɛn Bie la ɛɛ ba heyaa tɛɛ, dɛkalkɛ menee Korowii tɛ kpeɡri kɛŋɔ kooro aa tomɛ o bie faahna ne la.”

Amanesoma Jɔn Aa Chwera Tɔn 6:40

Dɛkalkɛ ɡɛ n Mɛɛ la aa dɛ nyin laanee kɛŋɔ, nomɛlbwa waa na men maa ɛ o Bie la dɛ yarada mɛ dɛ kpɔ o te tɛ mɛ la, wɛɛ dɔ mkpa aa wola jaɡa dɔe, ásɛ n iru seo ta, tɔpera bwa jaɡa wee.”

Amanesoma Jɔn Aa Chwera Tɔn 6:47

Kasinteŋ, n dɛ ŋɔ he be, nomɛlbwa waa yarada mɛ la dɔ mkpa aa wola jaɡa dɔe.

Amanesoma Jɔn Aa Chwera Tɔn 6:54

Nomɛlbwa waa di n bo-ol ásɛ dɛ nyɔ n chal ɡe la dɔ mkpa aa wola jaɡa dɔe, ásɛ tɔpera bwa jaɡa wee la, ń iru seo ta.

Amanesoma Jɔn Aa Chwera Tɔn 6:68

Asɛ Seemɔn Pita ŋɔ, “N Dɔɔ, dɛ ya le he be naa, ume bee yaa ba kaala ɔ? He wobol taa mkpa aa wola jaɡa dɔe do.

Tɔn Pɔɔl Aa Chwerɛ Rom Tena 2:7

Nɛra baa dɛ nyin jirima Korowii be, dɛɛ nyin kɛ Korowii kpɛɛ ba, dɛɛ nyin mkpa aa wola jaɡa dɔe, dɛ koh a waa dɛ lawɛ bambile dɛɛ ɛ wedɛɛɡa saŋ bɛlbwa la, Korowii ɛɛ tɛɛ baa mkpa aa wola jaɡa dɔe bwa.

Tɔn Pɔɔl Aa Chwerɛ Rom Tena 5:21

Gɛ wechɔɡa aa cheɡɛ seo nɛɛ dɛɛ di kpeɡri la, ɡɛɛ Korowii suna waa dɛ sune nɛwɛnyina nɛɛ la ɡe che ɡɛ Korowii aa ɛ yaa nɛndɛɛɡa ya waa su o siwi la ta dɛɛ di kpeɡri, asɛ ya won dɔ Korowii mkpa aa wola jaɡa dɔe bwa la, dɛkalkɛŋɔ ya Dɔɔ Yeesu Kristo ɡelɔ nɛra ɛ nɛndɛɛɡa ba waa su Korowii siwi.

Tɔn Pɔɔl Aa Chwerɛ Rom Tena 6:23

Wechɔɡa dɔ a kembɔr. A kembɔree seo. Asɛ kon Korowii ɡe aa dɛ tɛ laanee mkpa aa wola jaɡa dɔe bwa. Ya Dɔɔ Yeesu Kristo nɛɛ o che dɛɛ tɛ a ɡɛ mkpa nɔ.

Galaasia 6:8

Dɛ nɛn teŋɛ o nɛwɛnyini mar wechɔɡa aa suu pɛla kwaa nɛɛ dɛ du wechɔɡa aa, sewee wɛɛ ba koma. Dɛ nɛn teŋɛ Korowii Domadɛɛɡe la tetoowaa ta dɛ du wedɛɛɡa aa, wɛɛ komɛ mkpa aa wola jaɡa dɔe bwa laanee Domadɛɛɡe la be.

1 Timoti 1:16

Kɛ Korowii sune n nɛ, asɛ Yeesu Kristo dɔ bambile tɛ mɛ n wechɔɡa damanta nɔ bwa ta, ásɛ nɛra baa ba no Korowii waa dɛ yaradao la jemɛ ɡɛ Yeesu aa dɔ bambile kohona, dɛ́ won yaradao dɛ́ dɔ o mkpa aa wola jaɡa dɔe la.

1 Timoti 6:12

Yarada haa dɛ yarada Korowii nɔ, yodɛɛɡee hɛɛ yo ɡɛ la. Anomanta, yo kɛrɛdɛ dɛ́ dɔ mkpa aa wola jaɡa dɔe la. A ɡɛ mkpa nɔɔ Korowii lee ŋɔ he ba dɔ ɡɛ saŋ haa cheɡɛ kiŋkiŋ dɛ bol ɡɛ haa yarada Yeesu Kristo baɡle nɛnlaa la.

1 Timoti 6:19

Dɛ ba dɛ ɛ ɡɛ naa, an dɛɛ ba kerekere kondɔɔh aa wola chɔɡ bwa nyina cheɡ ba nyundua. A taa baa ba wona dɔ mkpa tenten la.

Taetos 1:2

Korowii mkpa aa wola jaɡa dɔe la hwɛɡaa n dɔ. Korowii waa wola nyosone teŋe laanee baɡɛ ɡɛ mkpa nɔ nyoa bil mɔɔ dɛ ta komɛlbwa.

Taetos 3:7

asɛ Korowii suna la ɡel ya ɛ nɛndɛɛɡa ya waa su o siwi, ásɛ ya won dɔ hwɛɡa kɛ o mkpa aa wola jaɡa dɔe bwa la ɛɛ ɛ ya konee.

1 Jɔn 1:2

O fa lɔ Korowii be dɛ berɛ ba ɛ nɛn, asɛ ya nao. Anomanta, ya dɛ bol o waa he be kɛŋɔ Yeesu Kristo waa ɛ saŋ bɛlbwa mkpa dɛ faa do o Mɛɛ be la, o ba ya be ya jemɔ.

1 Jɔn 5:20

Ya jemɔ kɛŋɔ Korowii Bie la balɔ, dɛ ba tɛ yaa liire yá kpɔ jemɛ Korowii tenten la. Korowii tenten la lawɛ yaa pɛl o nɛ, dɛkalkɛŋɔ o kpɔ ya te pɛl o Bie Yeesu Kristo la nɛ. O ɛ Korowii tenten, dɛ dɔ mkpa aa wola jaɡa dɔe bwa.

Tɔn Jud Aa Chwera 1:21

Korowii dɛ nyin heya, anomanta, hɛ́ɛ pɛlo, dɛ́ɛ kpa ya Dɔɔ Yeesu Kristo waa dɛ sune nɛra nɛɛ la, ásɛ o tɛ heyaa mkpa aa wola jaɡa dɔe.