1 Jɔn 2:20 - mzwDBL

²⁰ He te dɔ Korowii Domadɛɛɡe la he nɛɛ dɛ le Korowii Biɡoroŋ la be, dɛ jemɛ o kasinteŋ waa la bwa.

1 Jɔn 2:20 ပူးပေါင်းရင်းမြစ်များ

Yela 16:10

tɔe haa dɛ tɔ mɛ ɡbemɡbe, dɛɛ le seo ta la wa. Haa he Bidɛɛɡe waa soeh ba lalabwɛ, haa ɡel ó chɔ bɔɔ bini pɔh.

Yela 23:5

He ɛ kondikonjena cheɡ n sie, n dɔma bwa siwi ta. He fuɡe noo do n nyu ta, dɛ ɡel n numol su dɛɛ ta.

Yela 45:7

He dɛ nyin waa aa toɡra, dɛ ki wechɔɡa. A waa Korowii haa dɛ tomɔ lee cheɡ he bala koranar bwa bini, dɛ fuɡe noo do he nyu ta dɛ tɛɛ silɛɛ.

Yela 71:22

Mɛɛ lɔ janjelaa kpɛɛre, N Naa Korowii maa dɛ tomɛ, mɛɛ kpɛɛree he kasinteŋ haa dɔa la wa. Mɛɛ kpɔ n janjelaa lɔ yela kpɛɛ hen Israel Nɛŋɡoroŋ la.

Yela 92:10

He ɡelɔ n do kpeɡri kɛŋɔ kpɔɡ bini nabal, dɛ swee mɛ andɛɛɡa, dɛ ɡel n dɔ silɛɛ.

Sɛɡla 28:5

Nɛnchɔɡaa wola waa aa ɛ kasinteŋ mun no, kɛ nɛra baa dɛ tomɛ Korowii te dɛ́ no a mun kɛrɛdɛ.

Aesaya 43:3

Menee Korowii haa dɛ tom mɛ, he Israel Nɛŋɡoroŋ maa dɛ lɛ heyaa la. N kpɔ Ijipt tena charɛ he nyu, dɛ kpɔ Itiopia ne Seba tena cheɡ he buɡ ta dɛ lɛ heya.

Aesaya 61:1

Nemenɛ Korowii Doma la ir n nɛ, dɛ lee mɛ ŋɔ ń ba bol Amanesoma baɡle nyaara, dɛ́ larawe nɛra ba bambile aa chɔɡa bwara, dɛ́ ŋɔ nɛra baa laɡ ba yoma, ne nɛra baa do ba dea be ŋɔ ba lɛɛ balɔ.

Jeremia 31:34

Aa berɛ hiah kɛŋɔ nomɛlbwa baɡle o dɔŋ kɛɛ o nime ŋɔ, ‘Jemɛ Korowii kɛ onee he Dɔɔ’ kpa, dɛkalkɛŋɔ ba bechale ne nomonome bwa ɛɛ jem mɛ kɛ ba Dɔɔree men. Mɛɛ sune ba nɛɛ, dɛ́ kpɔ ba waa aa wola toɡrɛ kɛ ba, maa ba wechɔɡa waa lii kpa bwa. Men Korowiirii bola.”

Lewi Dea Tena 7:35

Gɛ bɔra nɔɔ ɛ Arɔn ne o bibaala dibɔra dɛ le saraha kwaa baa fuah tɛ Korowii, awola baa den fuɡe noo do ba nyuune ta dɛ́ do ba sɔfore ta.

Matiu 13:11

Anee Yeesu chaŋ ba ŋɔ, “He te dɔ Korowii Kora ne a wejema a fa aa sɔah bwa dɛ jemɛ. Kɛ ba te ta dɔe.

Amanesoma Mak Aa Chwera Tɔn 1:24

“Yeesu Nasarɛt te, bɔkwaa hɛɛ nyin ya be nɔ? Ya chɔɡaa he ba kɛɛ? N jemɛ he nɛnsoo. Henee Korowii Biɡoroŋ la waa ŋɔa ŋɔ o dɛ ba bala la.”

Amanesoma Luk Aa Chwera Tɔn 4:18

“Korowii Domadɛɛɡe la ir n nɛ, dɛ lee mɛ ŋɔ ń ba bol Amanesoma baɡle nyaara, dɛ́ ŋɔ nɛra baa laɡ ba yoma, ne nɛra baa do ba dea be ŋɔ ba Lɛɛ balɔ, dɛ́ ɡel nyoŋa sibie pili ba won dɛɛ na, dɛ́ lɛ nɛra baa dɛ ɛɛ ba hɔhɔrɔwa la le ba dɔma nɔn ta,

Amanesoma Luk Aa Chwera Tɔn 4:34

“Aa! Yeesu Nasarɛt te, bɔkwaa hɛɛ nyin ya be nɔ? Ya chɔɡaa he ba kɛɛ? N jemɛ he nɛnsoo. Henee Korowii Biɡoroŋ waa ŋɔa ŋɔ o dɛ ba bala la.”

Amanesoma Jɔn Aa Chwera Tɔn 14:26

Korowii Domadɛɛɡe waa ɛ Habɔchekpaa la, onee n Mɛɛ ɛɛ ba toma ó che n sɔn ta ba dɛ ba baɡle heyaa wobɛlbwa, dɛɛ lii heyaa anɔ la bwa n fa aa bol he be la.

Amanesoma Jɔn Aa Chwera Tɔn 16:13

Kɛ dɛ Korowii Domadɛɛɡe waa dɛ chaɡle Korowii kasinteŋ waa la balaa, wɛɛ pili wobɛlbwa binii tɛ heyaa hé no a mun. O ɡbabir nyu bini waa laa wɛɛ ba bola baɡle heya. Anɔ la waa noa le Korowii be laanee wɛɛ ba bola, dɛ́ chaɡle heyaa waa a taa lɔ sie dɛɛ ba bala.

We-ɛɛla 10:38

He jemɛ ɡɛ Korowii aa kpɔ o Domadɛɛɡe ne o kpeɡri tɛ Yeesu waa le Nasarɛt la wa. Dɛ Korowii teŋɛ Yeesu nɛ, asɛ o valɛ dɛɛ ɛ wedɛɛɡa dɛɛ chah nɛra Bɔnsam aa lɔ ba bil la.

We-ɛɛla 3:14

Wechɔɡa bɛlbwa toole o nɛ, wedɛɛɡa ɡboo o ɛ. Kɛ he ŋɔ haa on nyin, dɛ ŋɔ nɛn waa dɛ kpo nɛra laanee hɛɛ nyin kɛŋɔ Paelet foo ta dɛ́ ɡelo.

1 Kɔrent 2:15

Nɛn Korowii Domadɛɛɡe aa lɔ o nɛɛ la jemɛ wobɛlbwa ŋwɛnɛre. Kɛ nɛn waa wola toole o nɛɛ la aa won jemɛ naate waa lɔ o nɛɛ la ŋwɛnɛre.

Hibru 1:9

He dɛ nyin waa aa toɡra dɛ ki wechɔɡa. A waa Korowii haa dɛ tomɔ lee cheɡ he bala koranar bwa bini, dɛ fuɡe noo do he nyu ta dɛ tɛɛ silɛɛ.”

Hibru 8:11

Aa berɛ hiah kɛŋɔ nomɛlbwa baɡle o dɔŋ kɛɛ o nime ŋɔ, ‘A wer kɛŋɔ he jemɛ Korowii’ kpa, dɛkalkɛŋɔ ba bechale ne nomonome bwa ɛɛ jem mɛɛ.

1 Jɔn 2:27

Yeesu Kristo aa dɔa tɛ heyaa Korowii Domadɛɛɡe o do he bini nɔ, haa nomɛlbwa nyin o baɡle heyaa waa kpa. O Doma la dɛ baɡle heyaa wobɛlbwa. O ɛ kasinteŋ te, waa nyosone teŋe. Hé no anɔ la waa dɛ baɡle heyaa la, ásɛ dɛ kpɔ he te pɛ Yeesu Kristo nɛ.

1 Jɔn 4:13

Korowii Domadɛɛɡe la waa kpɔa tɛ yaa la ɡelɔ ya jemɛ kɛŋɔ kpela, yá kpɔ ya te pɛlo, ásɛ o ɡe lawɛ yaa pɛl o nɛ.

Tɔn Jud Aa Chwera 1:5

N jemɔ kɛŋɔ he jemɔ, kɛ n dɛ nyin kɛ n lii heyaa ɡɛ Korowii fa aa lɛ Israel tena le Ijipt tena nɔn ta, asɛ a habɔɔ bane aa wola o waa yaradae, o kpoo ba la.

Wepila 3:7

Tɔn nɔ dɛ kaa nyundua torome waa cheɡa tɛ asɔre tena baa lɔ Feladɛlfea la be. “Kenii men maa do kaih, dɛ ɛ kasinteŋ te, dɛ dɔ Devid safoa, dɛ o pili komɛl nomɛlbwa aa wola won tɔɔ, dɛ o tɔ komɛl ɡe aa, nomɛlbwa aa wola won pilu la ŋɔ,

Wepila 4:8

Bɛlbwa dɔ kena anumɛl, dɛ dɔ sibie a bwara bobɛlbwa ne a kena lɔɡre ɡba. A lɔ o be chɔɔ ne jwaana dɛɛ kpɛɛro aa wola ɡel bwa, dɛɛ ŋɔ, “Korowii Haa Ɛ Kpeɡri Bwa Dɔɔ dɛ do le saŋ la dɛ ba le fini, dɛɛ ba le doe saŋ bɛlbwa la, he do ɡoroŋ noo, he do ɡoroŋ kɛrɛdɛ.”