No men maa ɛ he bonɔɔ wesoŋa, ne he nɛra Israel tena wesoŋa, ɡɛ saŋ báa kpɔ sie chaɡɛ Dea nɔ ta dɛɛ soŋe. Che nyundua bela haa lole dɛ́ no, ásɛ dɛ kpɔ ya wechɔɡa kɛ yaa.
Cheɡ deŋne dɛ́ no men maa ɛ he bonɔɔ wesoŋa maa kpɔa dɛɛ bil he sie chɔɔ ne jwaana, he bonɔɔna baa ɛ Israel tena nɔ wa. N dɛ bol n wechɔɡa ne ya Israel tena bwa kwa, dɛ anɔ la n naawa aa ɛa dɛ jo he nɛɛ bwa.
N teŋɔ dɛɛ nyin nɛra kaɡboŋa dɛ kpɔ ba wechɔɡa dɛɛ kɛ ba, dɛ kpɔ nɛra vɛɛh baa vɛɛh mɛ ne ba wechɔɡa bwa dɛɛ kɛ ba. Kɛ maa nɛra baa dɛ ɛ wechɔɡaa ɡel pɛɛ maa wola ba deŋnee tɛr. Mɛɛ koh wechɔɡa nɛra aa ɛa waa, dɛ́ tɛr ba bii ne ba naanar ne ba ɡe naanar baa ka ba la deŋnee.”
Hé cheme, dɛ́ bol he waa kɔɔto, ásɛ nɛra baa kpɔ waa daɡ ba la le jina dɛ́ kpɔ liire. Umee bol waa aa chiɡa taraken nɔ bil wubwa nɔ? Umee le saŋ la bwa dɛ bola ɔ? Men Korowii maa ɛ he Lɛɛ la laa aa? Dɔɔ bɛlbwa toole.
He ɡbabir lɛ he wechɔɡa do, he ɛ men Korowii haa dɛ tom mɛ la deŋnekpeɡ, he kpɔ he te tɛ voɡare dajena lɔɡre bwa, he ta n waa ta teŋɛ.’ Men Korowiirii bola.
Baa voɡaa tomɛ, dɛɛ ɛ waa maa kia dɛ kah doŋa, kɛɛ dɛ ɛ wechɔɡa bɛlbwa kpa, dɛkalkɛ mɛɛ lɛɛ baa le wechɔɡa bwa aa ɡela ba le habɔɔ la taa, dɛ́ laa doŋa bɛlbwa kpɔ ba nɛ. Mɛɛ kpɔ baa ɛ n nɛra, n ɡe ɛ Korowii baa dɛɛ tom mɛ.
Saayɔn tena, hé hɛɡre kohona, Jerusalam tena, hé moo ɡa. Hé nyiŋi na! He kooro dɛ ba he be, o waa toɡrɔ dɛ won nɛra lɛɛ, o pwɛre, o soɡe keeɡo bie ta, keeɡo bale taa o so.
Taraken waa ɡela Yeesu Kristo koh ya wechɔɡa waa dɛ sewɛ nɔ, o baɡlɔ kɛŋɔ o waa toɡrɔ. Nomɛlbwa waa dɛ yarada Yeesu dɛ kpɔ o te tɛo la, Korowii ɡelɔ o ɛ nɛndɛɛɡe o wa ɛɛ su o siwi.
He bini bane fa kpoŋe ɡɛ da nɔ. Kɛ taraken Korowii koh ya Dɔɔ Yeesu Kristo ne Korowii Domadɛɛɡe la toma la waa dɛ sɔ he wechɔɡa bwa ta, dɛ ɡel he ɛ nɛndɛɛɡa he waa su o siwi.
Anomanta, hé jemɛ kɛŋɔ Korowii haa dɛ tomɔ nɔ, Dɔɔ bɛlbwa toole o habɔɔ. O waa dɔ kasinteŋ dɛɛ teŋɛ o fɔo waa fɔwa, dɛ kpɔ o nyina aa wola jaɡa dɔe baɡle banɔ la baa dɛ nyin o wa, dɛɛ teŋɛ o Mmarare ta la naanar bele kaɡboŋ baa ba lol ba la.
Abraham yaradae waa dɛ yarada Korowii la taa a che o won lolɛ dɛ o hwɛɛhrɔ, asɛ o haah Saara ɡe ɛ hambara. Dɛ o jemɔ kɛŋɔ nyoa Korowii aa baɡɔ la, wɛɛ ɛo.
Korowii ta nɛn waa wola waa ɛ aŋwɛnɛ ta ɛɛ, á ba ɛ kɛŋɔ wɛɛ soh he tondɛɛɡa haa dɛ ɛ, ne ɡɛ haa dɛ nyinu dɛ koh a waa cha o nɛra dɛ ta ɛɛ cha ba la waa.
Korowii waa aa chaahna la, dɛ ya dɛ ɛ ya waa bwa a chaah kɛ on aa, dɛ ya ne yabala pɛo dɛ ɛ beŋkpoŋ. Dɛ Korowii Bie Yeesu chal la laa ya wechɔɡa bɛlbwa dɛɛ kpɔ ya nɛ.