1 Kɔrent 9:22 - mzwDBL

²² Dɛ n kaa koo nɛra bini, dɛ ba yarada aa kanɛ Yeesu Kristo waa ta naa, n ɡe dɛ ɛ n te kɛŋɔ ba bini bɛl, ásɛ dɛ won dɔɔ ba. Gɛ nomɛlbwa aa doa la, ɡɛɛ mɛɛ ɛ n te, ásɛ dɛ che ŋwɛnɛ bɛl ta, dɛ́ won dɔ bane, ásɛ Korowii lɛɛ ba.

1 Kɔrent 9:22 ပူးပေါင်းရင်းမြစ်များ

Tɔn Pɔɔl Aa Chwerɛ Rom Tena 11:14

Bɛl lole n bwɛɛ tena na ɡɛ naa, baa meeroo, asɛ a che a ta ba bane lɛ Yeesu waa nɔ.

Tɔn Pɔɔl Aa Chwerɛ Rom Tena 14:1

Dɛ Kristo te bɛl lole, o yarada aa wola kanɛ wɛɛ nyin o jo he bini naa, hé lɛo do he bini. He bɛ o we-ɛɛla aa korɛ he kwaa ta la dɛɛ tɔŋle.

Tɔn Pɔɔl Aa Chwerɛ Rom Tena 14:2

Bɛl yarada ɡelɔ o won komɛlbwa dii, asɛ naate o yarada aa wola kanɛ la, o ɡee di papooni ne taŋna ɡbo, waa ol di.

Tɔn Pɔɔl Aa Chwerɛ Rom Tena 15:1

Ya nɛra ya yarada aa kana la, a chɛ kɛ yaa lawɛ bambile banɔ la ba yarada aa wola kanɛ la nɛɛ dɛɛ cha ba. A ta chɛɛ kɛ yaa ɛ ya ɡbo tetoowa.

Tɔn Pɔɔl Aa Chwerɛ Rom Tena 15:2

A chɛ kɛ ya bɛlbwa ɛɛ ɛ waa aa wera dɛɛ tɛ ya dɔŋa, ásɛ a cha ba, ásɛ ba won che kiŋkiŋ.

1 Kɔrent 10:33

Gɛɛ mɛɛ ɛ, ásɛ n waa lɛ nomɛlbwa sie. N ɡbo waa laa hiah mɛ. Nomɛlbwa ɡe waa hiah mɛ, ɡɛ maa ɛ dɛ́ won dɔɔ ba tɛ Korowii ó lɛɛ ba.

1 Kɔrent 7:16

Dɛ Korowii ɛɛ che haah haa ɛ asɔre te nɛɛ dɛ́ lɛ he jaa aa, he jemaa? Gɛɛ a do baa haa ɛ asɔre te la, dɛ Korowii ɛɛ che he nɛɛ dɛ́ lɛ he haah naa, he jemaa?

1 Kɔrent 8:13

Dɛ n nao kɛ kondikwaa maa dɛ di la ɛɛ ɡeloo n dɔŋ ɡe di a kaa o ne wechɔɡa ta naa, amɔ te mɛɛ ɡel a dii, ásɛ n dɔŋ ɡe bɛ di dɛ́ ba kaa wechɔɡa ta.

1 Kɔrent 9:19

N fe dɛ di n nyu, nomɛlbwa laa dɔɔ mɛ, kɛ n ɛ n te yom dɛɛ ɛ toma dɛɛ tɛ nomɛlbwa, dɛ́ fee dɔ nɛra kɛrɛdɛ tɛ Korowii.

1 Kɔrent 9:23

Amanesoma nɔ waa mɛɛ teŋɛ anɔ bwa ta la, ásɛ dɛ won na som maa dɛ bol a waa la ane.

2 Kɔrent 11:29

Asɔre tena la bɛlbwa sɔɔhnaa, dɛ n ɡbabir bwara yɔrɔ. Dɛ Bɔnsam neɡre bɛlbwa kaa wechɔɡa ta naa, dɛ a ɛɛ mɛ bandia.

Galaasia 6:1

Yabala, dɛ he lawɛ he bini bɛl wechɔɡa bɛlbwa ta naa, he banɔ la haa dɔ Korowii Domadɛɛɡe la kɛrɛdɛ la, hé toɡro. Kɛ he bɛ o nɛɛ nyɛɡ te, hé toɡro sipwɛra ne. He ɡbaɡba ɡe la, a chɛ kɛ hɛɛ nyiŋi kɛrɛdɛ, ásɛ Bɔnsam bɛ heyaa ba neɡre do wechɔɡa ta.