1 Kɔrent 9:19 - mzwDBL

¹⁹ N fe dɛ di n nyu, nomɛlbwa laa dɔɔ mɛ, kɛ n ɛ n te yom dɛɛ ɛ toma dɛɛ tɛ nomɛlbwa, dɛ́ fee dɔ nɛra kɛrɛdɛ tɛ Korowii.

1 Kɔrent 9:19 ပူးပေါင်းရင်းမြစ်များ

Sɛɡla 11:30

Nɛn o wa aa toɡra we-ɛɛla ɡelɔ nɛra ɛɛ dɔ mkpa, kɛ naɡrenyin te dɛ chɔɡ o bala.

Matiu 18:15

Anee Yeesu berɛ ŋɔ, “Dɛ he dɔŋ ɛɛ wechɔɡa ane aa, la o be he ne o le bokɛre bela nomɛlbwa aa wola toole, dɛ́ ka ɡel o jemɛ wechɔɡa waa kpɔa ɛɛ. Dɛ o na o wechɔɡa dɛ larawe naa, dɛ he berɔ dɔ he chamenate.

Tɔn Pɔɔl Aa Chwerɛ Rom Tena 1:14

A chɛ kɛ ń bol Yeesu Amanesoma la nɛra bwa be, nɛra baa kaa sie ne banɔ la baa ka mun, nɛra ba sie aa pila ne banɔ la ba sie aa wola pile bwa be.

Tɔn Pɔɔl Aa Chwerɛ Rom Tena 11:14

Bɛl lole n bwɛɛ tena na ɡɛ naa, baa meeroo, asɛ a che a ta ba bane lɛ Yeesu waa nɔ.

Tɔn Pɔɔl Aa Chwerɛ Rom Tena 15:2

A chɛ kɛ ya bɛlbwa ɛɛ ɛ waa aa wera dɛɛ tɛ ya dɔŋa, ásɛ a cha ba, ásɛ ba won che kiŋkiŋ.

1 Kɔrent 10:29

A ta wechɔɡa ɛɛ tɛɛ. Naate la waa n ŋɔ he bɛ di la, ásɛ o liire bɛ on aahna-aahna ɛ. Ɛrɛɛ mɛɛ ba nomɛl nyu bini liire waa koeh dɛ́ ɡel waa maa dɛ ɛɔ?

1 Kɔrent 10:33

Gɛɛ mɛɛ ɛ, ásɛ n waa lɛ nomɛlbwa sie. N ɡbo waa laa hiah mɛ. Nomɛlbwa ɡe waa hiah mɛ, ɡɛ maa ɛ dɛ́ won dɔɔ ba tɛ Korowii ó lɛɛ ba.

1 Kɔrent 7:16

Dɛ Korowii ɛɛ che haah haa ɛ asɔre te nɛɛ dɛ́ lɛ he jaa aa, he jemaa? Gɛɛ a do baa haa ɛ asɔre te la, dɛ Korowii ɛɛ che he nɛɛ dɛ́ lɛ he haah naa, he jemaa?

1 Kɔrent 9:1

N ta n te dɔe dɛɛ di n nyu aa? N ta Yeesu torome ɛɛ yaa? N ta ya Dɔɔ Yeesu nae yaa? He teŋa haa dɛ teŋɛ Yeesu nɛɛ nɔ le toma maa ɛa he bini ya Dɔɔ kpeɡri ta la.

2 Kɔrent 12:14

N tooro tenaa nɔ maa kpɔ n te dɛɛ ba he be bala dɛ́ ba chɔɔ heya. Maa heyaa komɛlbwa bɔɔra ba. He waa hiah mɛ, he suuɡa laa hiah mɛ. Bechale ne ba mɛɛ, umee dɛɛ nyiŋi o dɔŋ ɔ?

2 Kɔrent 4:15

He waa Korowii ɛ anɔ bwa. Waraa nɛra Korowii aa na ba sum den na dɛɛ warɛ. Baa kpɔ jam kohonaa tɛ Korowii ásɛ o dɔ jirima.

2 Kɔrent 4:5

Ya ɡbaɡba waa laa yaa baɡle nɛra nɔ. Yeesu Kristo waa yaa baɡle kɛŋɔ onee komɛlbwa Dɔɔ, dɛɛ baɡle kɛŋɔ o nomanta, he bonɔɔnaa yan.

Galaasia 5:1

Ya di ya nyu. Yeesu Kristo foo yaa, anomanta, ya ta nɛndɔɔla ɛɛ kpa. Waa foo heyaa nɔ, hé che kiŋkiŋ. He bɛ ɡel ba kpɔ waa dɛɛ ha heyaa kpa.

Galaasia 5:13

Yabala, Korowiirii le heyaa tɛ o te, dɛ lɛ heyaa asɛ Mmara la bɛ heyaa vɔrɔwe kpa. Kɛ haa dɔ he te nɔ, he bɛ ɡel a do he som kohona, asɛ hɛɛ ɛ wechɔɡa la bwa he bwadabii aa dɛ nyin kɛŋɔ hɛɛ ɛ. Hé kpɔ dɔŋa nyina dɛɛ tomɛ dɔŋa.

1 Timoti 4:16

Dɛɛ nyiŋi he te kɛrɛdɛ he soɡa bini ne he webaɡla bini. Kpoŋe a bini kiŋkiŋ, dɛɛ ɛ ɡɛ haa dɛ baɡle nɛra la. Dɛ he dɛ ɛ ɡɛ naa, hɛɛ lɛ he ɡbaɡba ne nɛra baa dɛ no he be la bwaa.

2 Timoti 2:10

Anomanta, n koh nɛra Korowii aa lee ba la waa dɛ lawɛ bambile wobɛlbwa ta, ásɛ Yeesu Kristo lɛ ba ɡe, dɛ berɛ tɛɛ ba jirima aa wola jaɡa dɔe bwa.

1 Pita 3:1

He haahna ɡe, hé pwɛr he te dɛɛ tɛ he jaranar. Dɛ he dɛ ɛ ɡɛ naa, he banɔ la he jaranar aa wola Korowii waa yaradae la, he we-ɛɛla ɛɛ ɡeloo bá yarada. Haa nyoa kwaraa pili bol wa,