1 Kɔrent 9:16 - mzwDBL

¹⁶ Maa won koh Amanesoma nɔ bola waa dɛɛ baɡle n te, dɛkalkɛŋɔ Korowiirii dɛɛ do mɛ asɛ mɛɛ bol. Dɛ n ta bolaa, mɛɛ dɔ waa.

1 Kɔrent 9:16 ပူးပေါင်းရင်းမြစ်များ

Aesaya 6:5

Anee n ŋɔ, “Akwe! N na wa. Wechɔɡa ɡboo n nyoa wobol bwa, asɛ n so nɛra wechɔɡa aa lɔ ba nyoo baah ta, dɛ berɛ na Koojen, Nemenɛ Korowii nɔ.”

Jeremia 1:17

Ir, dɛ́ kpɔ he te, Jeremia, dɛ́ ka bol wobɛlbwa maa doe ŋɔ hé bol ba be. Dɛɛ berɛ ba ɔma taraken, he ɛ ɡɛ naa, henee mɛɛ ba ɡela he berɛ ɔm ba kohona ba sie.

Jeremia 20:7

N Naa Korowii, he neɡ mɛ, asɛ n teŋɛ he nɛ. He pɔ n nɛ, dɛkalkɛ he kpeɡri ɡwaa mɛ. Nɛra dɛ muɡli n baah, tɔpebir bwaa baa mam mɛ.

Jeremia 20:9

Kɛ dɛ n ŋɔ maa Korowii sɔnee yerɛ, kɛɛ dɛ́ bol waa o sɔn ta kpa aa, o waa la yon do n bambile bini, dɛɛ fuh n hoɡa bini kɛŋɔ nii ken. N yon takapɔ ŋɔ n lawɛ n te, kɛ dɛ n horɔ.

Emɔs 3:8

Nyujente kɔraa, umee wola ɔmɔɔ? Nemenɛ Korowii bol wa aa, umee wola la ka bol o waa aa dɛ ba bala laɔ?

Emɔs 7:15

Kɛ Korowii ɡelɔ n ɡel peera teɡa, dɛ ŋɔ n be ŋɔ ń ba bol o waa la baɡle o nɛra Israel tena.

Matiu 25:16

A ta biɡre bɛlbwa onɔ la waa dɔ bɔre anue la den kpɔ o kwaa ka ɛ toma dɛ berɛ dɔ a dɔŋa ja a ta.

Amanesoma Luk Aa Chwera Tɔn 9:62

Anee Yeesu ŋɔ o ɡe be ŋɔ, “Nomɛlbwa waa pa mun dɛɛ ba para dɛ ka kpɔ par, o nyu bini berɛ dɛɛ ɛo anɛnɛ la aa won parɛ a maɡre. Gɛɛ a do kɛŋɔ nomɛlbwa waa kpɔ o te kɛŋɔ wɛɛ ja Korowii Kora la taa la bɛ berɛ dɔ liire anɛ kpa.”

We-ɛɛla 4:20

Waa ya ɡbaɡba aa naa dɛ no la, yaa won ɡel a bola bwa!”

We-ɛɛla 9:15

Anee Yeesu ŋɔ o be ŋɔ “Kaa! Menee leo dɛɛ nyin n tomɔ, ásɛ nɛra baa wola Juu tena ɛɛ ne ba koranar ne Israel tena bwa ba che o nɛɛ dɛ́ jem mɛ.

We-ɛɛla 9:6

Kɛ ir dɛ́ kaa bwɛjen Damaskɔs bini. Belaa hɛɛ ba ɡɛ aa chɛ kɛ he ɛ jema.”

Tɔn Pɔɔl Aa Chwerɛ Rom Tena 1:14

A chɛ kɛ ń bol Yeesu Amanesoma la nɛra bwa be, nɛra baa kaa sie ne banɔ la baa ka mun, nɛra ba sie aa pila ne banɔ la ba sie aa wola pile bwa be.

Tɔn Pɔɔl Aa Chwerɛ Rom Tena 15:17

N ne Yeesu Kristo aa pɛa nomanta, n won n te maŋkurae toma maa ɛa dɛɛ tɛ Korowii nɔ ta.

Tɔn Pɔɔl Aa Chwerɛ Rom Tena 4:2

O we-ɛɛla taa a che o waa su Korowii siwi aa, ate o fe dɔ waa dɛ kpɔ ta nyoa. Kɛ dɛ he nyiŋi Korowii Tɔn bini na naa, waa won ta nyoa Korowii sie.

1 Kɔrent 4:15

Dɛ he dɔ nɛra ba warɛ pirim, dɛ won cha heyaa Yeesu Kristo ŋwɛnɛ ta naa, n ɡboo ta he mɛɛ. Menee tɔ sie bol Amanesoma la he be. A taa n che ɛ he mɛɛ Yeesu Kristo waa ta.

1 Kɔrent 9:12

He dɛ tɛ bane ɡɛ. Dɛ ɡɛ nɛra la dɔ ɡɛ ŋwɛnɛ aa, amɔ dɛ ya te ta pɔeh yaa? Kɛ ya te aa ɡɛ kpeɡri la baɡle he nɛ, dɛ dɔ bambile wobɛlbwa ta dɛ bɛ Yeesu Kristo Amanesoma la ŋwɛnɛ tɔ.

1 Kɔrent 9:14

Gɛ tentenee ya Dɔɔ ɛ tɛ nɛra baa dɛ bol Amanesoma la dɛ ŋɔ báa di a ta.

2 Kɔrent 2:12

Maa baa tel Troas ŋɔ ń bol Yeesu Kristo Amanesoma la, n nao kɛŋɔ ya Dɔɔ pili ŋwɛnɛ tɛ mɛ kɛ ń ɛ toma bela.

Kolosi 4:17

Hé ŋɔ Akipus be ŋɔ ó do sie dɛ́ ɛ toma ya Dɔɔ Yeesu aa kpɔa tɛo la bwa kɛrɛdɛ ken.

1 Samoɛl 12:23

Korowii ɛɛ la ane bojaŋ kɛŋɔ n ɛo wechɔɡa dɛ́ vɛh kɛ mɛɛ soŋo tɛ heya. Mɛɛ baɡle heyaa waa aa wera ne anɔ la aa toɡraa.