1 Kɔrent 8:8 - mzwDBL

⁸ Ya kondikwaa yaa dɛ dia laa dɛ́ ɡel ya ɛ nɛndɛɛɡa Korowii be. Dɛ ya dɛ dia oo, ya dɛ kia oo, aa wobɛlbwa baɡle.

1 Kɔrent 8:8 ပူးပေါင်းရင်းမြစ်များ

Matiu 25:15

Gɛ del ba bɛlbwa aa dɛ ba wona kpoŋe la taa o nyiŋi dɛ bɔne tɛɛ ba. O tɛ sitɔte la bɔre anue, dɛ tɛ nɛɛte la bɔre anɛ, asɛ dɛ tɛ toorote la ɡe bɔrbeŋkpoŋ, mɔɔ dɛ kaa o ŋwɛnɛ la.

Tɔn Pɔɔl Aa Chwerɛ Rom Tena 14:17

Kondikwaa yaa dɛ di ne anɔ la yaa dɛ ki la ta wejena bɛlbwa ɛɛ Korowii Kora waa bini. Waa aa ɛ wehiah laanee kɛŋɔ ɡɛ yaa ɛ ya waa su Korowii siwi, ne waa aa dɛ ba deŋnesɔɔhna ne ya ne ya dɔŋa baah ta, ne silɛɛ aa le Korowii Domadɛɛɡe be.

1 Kɔrent 6:13

Bɛl ɡee ŋɔɔ, “Tea waa kondikwaa do le, asɛ kondikwaa ɡe che dɛ tɛ tea.” Kpelaa, kɛ Korowii ɡelɔ a bwa dɔ jaɡa dɛ chɔɡ. O ta nɛn bwadabii ɛɛ tɛo ŋɔ ó kpɔ ɛ jwamanwa, kɛ o ɛo tɛo kɛŋɔ ó kpɔ tomɔ. Anomanta, nɛn bwadabii ɛ Korowii kon, wɛɛ tɛo komɛlbwa.

Hibru 13:9

He bɛ ɡel wefala chɔɡ he liire ásɛ he le Korowii ŋwɛnɛdɛɛɡe la ta. He dɛ nyin he do kpeɡri Korowii nɛɛ teŋa ta naa, hé kpɔ sie dawɛ chae Korowii aa sune nɛra nɛɛ dɛɛ cha ba la ta. He bɛ sie kpɔ dawɛ kondikwaare ane kii ne ane dii ta, dɛkalkɛŋɔ a ta wone cha nɛra baa kpɔ sie dawɛ a ta la.