1 Kɔrent 8:5 - mzwDBL

⁵ Kwaa nɛra aa kpɔa ɛ Korowii dɛɛ yera ba dɔɔranar la warɔ, dɛ do nyundua ne harɛ.

1 Kɔrent 8:5 ပူးပေါင်းရင်းမြစ်များ

Jeremia 11:13

Juda tena voɡare warɔ kɛŋɔ ba bwɛjena ken, asɛ kwaa baa dɛ fuh konsɔɔhsoma a ta dɛɛ tɛ ba sihihvoɡ Baal ɡe warɛ, kɛŋɔ Jerusalam fɔɡbaahna aa wara la.

Jeremia 2:11

Harɛ bɛlbwa nɛra toole dɛ charɛ ba voɡa, a lole kɛŋɔ a waa ta kasinteŋ dɔe, kɛ n nɛra kpɔ n jirima tɛ voɡa aa wola tɔnɔ bɛlbwa dɔe dɛɛ toma.

Jeremia 2:28

Leperaa voɡare he ɡbabir aa ɛa la dɔɔ? Dɛ waane pu heyaa aa, hé yera, dɛ aa won ba lɛ heya aa! Juda tena, he voɡare warɔ kɛŋɔ he bwɛjena.

Daneɛl 5:4

Baa dɛ nyɔ sen la, dɛ ba dɛ kpɛɛ voɡa baa kpɔ suuɡaswɛm, ne suuɡapoŋa, ne bune, ne ayaawa, ne daa dɛ bwea ɛa la.

Matiu 27:17

Asɛ baa ba Paelet be o bɔɔ ba ŋɔ, “Barabas ne Yeesu baa dɛ yerɔ Kristo la, ba bini umee hɛɛ nyin ń fooru ta tɛ heya ɔ?”

Galaasia 4:8

Wubwa la, dɛ haa Korowii jemɛ, anomanta, dɛ koŋkwaa aa wola Korowii ɡbaɡba ɛɛ la ɔma vɔrɔwe heya.

Mmarare 10:17

Korowii haa dɛ tomɔ nɔ ɡwaa voɡa bwa, onee dɔɔranar bwa Dɔɔ, O kan, o waa do ɔma kohona. Waa nɛn siebɔr nyiŋi, haa won yawɔ sen ɡe.

2 Tesalonika 2:4

Wɛɛ ɛ o tenee dɛ́ ɡwaa komɛlbwa nɛra aa dɛ toma dɛɛ yera ba dɔɔranar, hale wɛɛ kpɔ Korowii Dea berɛ sobɔr dɛ́ ŋɔ onee Korowii.