1 Kɔrent 7:32 - mzwDBL

³² N dɛ nyin kɛŋɔ harɛ nɔ ta waa bɛ heyaa ha kohona. Baa waa wola haah dɔe la, o siwi dɛ swɛɛ Korowii toma ta, wɛɛ nyin kɛŋɔ Korowii sie lɛ o nɛ.

1 Kɔrent 7:32 ပူးပေါင်းရင်းမြစ်များ

Yela 55:22

Kpɔ he waa bwa dawɛ Korowii nɛ, wɛɛ che he habɔɔ, waa ɡel nɛra ba wa aa toɡra chole bwa.

Matiu 13:22

Mea la aa lee sɔɔhne baah la cheɡɔ tɛ nɛra baa no waa nɔ, asɛ harɛ nɔ soɡa liire ne harɛ nɔ kondɔɔh waa beɡre ba sie, ba ta ɡelɛ waa la dɔ tɔnɔ.

Amanesoma Mak Aa Chwera Tɔn 4:19

dɛkalkɛ ba no Korowii Waa la, kɛ dɛ ba soɡa bini ne kondɔɔh waa ne wepuu aa lɔ harɛ nɔ ta beɡre ba sie, baa ɡelɛ Waa la ɛɛ dɔ tɔnɔ.

Amanesoma Jɔn Aa Chwera Tɔn 10:13

Wɛɛ chwao ɡela, dɛkalkɛ o ɡbabir kwaa laa, o waane laa a wa. O kembɔr ɡbo waa wɛɛ ɛ.

1 Kɔrent 7:33

Kɛ baa waa dɔ haah la te sie dɛ beɡre harɛ nɔ ta kwaa ta, ásɛ o haah sie ɛɛ lɛ o nɛ. Webele anɛɛ yon do o baŋa.

Felepae 4:6

He bɛ ɡel wobɛlbwa ha heya, kɛ hé kpɔ wobɛlbwa dɛɛ do Korowii nɔn ta dɛɛ soŋo waa aa hiah heya, dɛ́ɛ jaamo kɛ waa dɛ no he wesoŋa.

1 Timoti 5:5

Luhaah waa nyaa o ta nɛn dɔe ó nyiŋi o nɛɛ la te, Korowii nɛɛ o sie dawɛ wɛɛ soŋo chɔɔ ne jwaana bwa ó chao.