1 Kɔrent 7:30 - mzwDBL

³⁰ he banɔ la haa dɛ wi ɛ kɛŋɔ he waa aa sume ken, he banɔ la ɡe haa dɛ mamɛ ɛ kɛŋɔ he sie ta lɛɛ ken, he banɔ la ɡe aa dɛ yawɛ la ɛ kɛŋɔ kwaa haa yawa la ta he kwaa ɛɛ ken.

1 Kɔrent 7:30 ပူးပေါင်းရင်းမြစ်များ

Yela 30:5

O baah diu waa, aa biɡri dɛ o sɔɔhnɔ, kɛ o nyina waa dɛ nyin nɛn lole saŋ bɛlbwa. Yaa won dɛɛ wi jwaana, kɛ tɔɔ ne pera dɛ silɛɛ ɡboo.

Wejereme 3:4

Wii tɔpere lole, mama ɡe dɔ o tɔpere, suna dii tɔpere lole, silɛɛ ne hɛɡra ɡe dɔ a tɔpera,

Aesaya 25:8

Wɛɛ le seo nee waa wola lee do kpa bwa. Nemenɛ Korowii ɛɛ fee nomɛlbwa siniiree, dɛ́ laa sihiih o nɛra aa dia kpɔ harɛ nɔ bwa ta. Korowiirii bola.

Aesaya 30:19

Saayɔn tena, nɛra haa soɡe Jerusalam, haa wi kpa. Korowii dɛ na he sum. He wio noo waa, buɡ la ta, wɛɛ no he bee.

Ɛsekeɛl 7:12

Tɔpere la telo, o pu heyaa tonɛ. Kon-yoɡra ne yarawa sie aa lɛ, n bandia la dɛ ba nɛnlaa la bwa nɛ.

Amanesoma Luk Aa Chwera Tɔn 16:25

Anee Abraham ŋɔ, ‘N bie, lii kɛŋɔ ɡɛ saŋ he fa aa lɔ harɛ ta la, he di yɛɛ kɛrɛdɛ, asɛ Lasorɔs na wahala. Taraken nɔ o dɛ di yɛɛ, asɛ he ɡee na wahala.

Amanesoma Luk Aa Chwera Tɔn 6:21

He banɔ la lɔr aa dɛ kpo heyaa taraken la na som, dɛkalkɛ hɛɛ ba vaɡɔɔ. He banɔ la haa dɛ wi taraken la na som, dɛkalkɛ hɛɛ ba mamɔɔ.

Amanesoma Luk Aa Chwera Tɔn 6:25

He banɔ nɔ haa vaɡra taraken nɔ, hé bwɛɛlɛ! Lɔr ɛɛ ba kpo heyaa taeh. He banɔ nɔ haa dɛ mamɛ taraken nɔ, hé bwɛɛlɛ! Hɛɛ ba wiu.

Amanesoma Jɔn Aa Chwera Tɔn 16:22

Gɛɛ a do he ɡe be. Taraken te, he tea bini chɔɡɔ, kɛ maa berɛ ba na heyaa la taa he sie ɛɛ ba lɛɛ kohona. Gɛ silɛɛ la, nomɛlbwa aa won lɛ he be.

1 Kɔrent 7:29

Maa ŋɔ ɡɛ nɔ, yabala, yaa harɛ nɔ taa biɡri bɛlbwa. Anomanta, le fini dɛɛ kaa, a chɛ kɛŋɔ he banɔ la haa dɔ haahna la ɛ kɛŋɔ he ta haahna dɔe ken,

1 Kɔrent 7:31

Asɛ he banɔ la ɡe haa dɛ ɛ wobɛlbwa harɛ nɔ ta la bɛ ɛ a ɡwaa kohona, dɛkalkɛŋɔ harɛ nɔ ne o waa dɔ jaɡa. Waa biɡri bɛlbwa.

Wepila 18:7

Gɛ o fa aa kpɔ o te ɛ nɛnjen dɛɛ di o nyu ɡa la, hé ɡel o na hɔhɔrɔwa dɛ́ di suna ɡe kɛrɛdɛ. O dɛ lii o nyu bini ŋɔ onee haŋkooro, o jaa ta sewɛ, o tea bini aa chɔɡ bwa.

Wepila 7:17

Dɛkalkɛŋɔ Pebie la waa lɔ kookara la baah ta la dɛ ba Peteɡre ɛɛ, dɛɛ nyiŋi ba nɛ, wɛɛ teɡ baa kaa nee aa dɛ tɛ mkpa aa wola jaɡa dɔe ta. Asɛ Korowii fee ba sinii bwa ta.”