1 Kɔrent 7:26 - mzwDBL

²⁶ Waa lole dɛ dawɛ ya nɛɛ kɛrɛdɛ, anomanta, n te be te, a wer kɛ ɡɛ haa soɡa la, hé ta so ɡɛ.

1 Kɔrent 7:26 ပူးပေါင်းရင်းမြစ်များ

Matiu 24:19

Ei! Aa do kpeɡrii tɛ tekpoŋra ne haahna baa kpoŋe bechasɔɔhne a ɡɛ saŋ nɔ noo!

Amanesoma Luk Aa Chwera Tɔn 21:23

Ei! Aa do kpeɡrii tɛ tekpoŋra ne haahna baa kpoŋe bechasɔɔhne a ɡɛ saŋ nɔ noo! Dɛkalkɛŋɔ nɛra ɛɛ na wahala harɛ nɔ ta kohonaa, asɛ Korowii baah di ba nɛɛ o tɛr ba deŋne.

1 Kɔrent 7:1

He fa chwerɛ tɔn dɛ ba bɔɔ mɛ ŋɔ, dɛ baa ŋɔ waa haahnee mo aa, a wer aa? Baa ŋɔ waa haahnee mo aa, a wer.

1 Kɔrent 7:27

Dɛ he dɔ haah naa, bɛ ŋɔ hɛɛ vɛoh. Dɛ he ta bɛl dɔe ɡe aa, bɛ ŋɔ hɛɛ nyin bɛlee.

1 Kɔrent 7:28

He mo haah naa, a ta wechɔɡa ɛɛ. Dɛ haah ɡe yalaa, a ta wechɔɡa ɛɛ. Kɛ waa lɔ a ta he soɡa bini, a waa mɛɛ nyin n lɛ heyaa le a ta la.

1 Kɔrent 7:8

Waa maa dɔa dɛ tɛ nɛra baa wola haahna dɔe, ne haahna baa wola jaranar dɔe, ne nɛra ba jaranar aa serewa laanee kɛ, bá fee so ɡɛ n ɡbo aa soɡa nɔ.

2 Tesalonika 2:2

hɛ́ɛ lii a waa kɛrɛdɛ. Maa nyin nomɛlbwa bol wetamaa ane, ásɛ he den ɔmɛ dɛɛ lii kɛŋɔ ya Dɔɔ balɔ kaa. Dɛ ba ŋɔ Korowii Domadɛɛɡe baɡ ba ɡɛ baa bol, kɛɛ dɛ he na tɔn bɛl o neɡre heyaa kɛŋɔ yanee chwerɔ waa, he bɛ no dɛ́ ɡel a ɛ heyaa waane.

1 Pita 4:17

Tɔpere telo kɛŋɔ Korowii bol nɛwɛnyina waa dɛ́ pa bole. Korowii nɛra nɛɛ wɛɛ ba mun pae. Waa dɛ ba ya kwaraa kpɔe pa mun nɔ, dɛ ɛrɛɛ nɛra baa wola Amanesoma la yaradae waa ɛɛ ba doe yɔ?