1 Kɔrent 7:11 - mzwDBL

¹¹ Kɛ dɛ o vɛh o jaa aa, o bɛ baa bɛlbwa yalɛ kpa, atane kɛŋɔ o berɛ la o jaa la be, ásɛ ba ka pɛ dɛ́ so ja. Baa ɡe bɛ o haah vɛh.

1 Kɔrent 7:11 ပူးပေါင်းရင်းမြစ်များ

Aesaya 50:1

Korowii ŋɔ, “He dɛ lii kɛŋɔ doŋaa n doŋi n nɛra ta, kɛŋɔ baa aa vɛh o haah la kɛɛ? Dɛ ɡɛɛ yaa, leperaa tɔn maa chwera a baɡle kɛŋɔ n vɛoh la dɔɔ? He dɛ lii kɛŋɔ, baa lawɛ heyaa laa ta kaa bojaŋ harɛre ta la, yoɡaa n yoɡ heyaa kɛ yoma kɛɛ? Hé no, he wechɔɡa waa a ba ɡɛ, a do kɛŋɔ n vɛh heyaa la.

Jeremia 3:1

Korowii ŋɔ, “Dɛ baa vɛh o haah asɛ haah la ka yalɛ banfale aa, baa la aa won ka kpɔɔ ba o dea kpa. Gɛ waa nɔ ɛɛ won kpɔ harɛchɔɡ tenten ba. Gɛ tentenee he teŋɛ voɡare nɛɛ kohona kɛŋɔ hanjwamane aa dɛ teŋɛ baala nɛ. He dɛ nyin he berɛ ba n be naa?

Matiu 5:32

Kɛ taraken te, n ŋɔ baa bɛlbwa o haah naa wola baala nyine, asɛ o vɛoh la, o di bolchɔɡe, dɛkalkɛ o ɡelɔ haah la bɔ jwamane. Asɛ naate ɡe waa bera ka mo haah la baa vɛoh la, o ɡe bɔ jwamane.”

Amanesoma Mak Aa Chwera Tɔn 10:12

Dɛ haah ɡe vɛh o jaa dɛ ka yalɛ banfale aa, dɛ o ɡe ɛ o jaa la wechɔɡa dɛ bɔ jwamane.”

Amanesoma Mak Aa Chwera Tɔn 10:2

Farisii tena bane ba bela dɛ baa haɡro bela dɛ fe ɛɛ nyin dɛ́ lawɔ. Ba bɔɔro ŋɔ, “Mmara dɛ tɛ ŋwɛnɛ kɛŋɔ baa vɛh o haah naa?”

Amanesoma Luk Aa Chwera Tɔn 16:18

Nomɛlbwa waa vɛh o haah dɛ berɛ ka mo hanfale la, o ɛ wechɔɡa dɛ bɔ jwamane, asɛ nomɛlbwa ɡe waa mo haah o jaa aa vɛoh la, o ɡe bɔ jwamane.”

1 Kɔrent 7:10

Anɔ la maa bera dɔ dɛɛ tɛ hahmoola ne jadɔɔhnaa nɔ. N ɡbaɡba laa dɛɛ bol. Ya Dɔɔree ŋɔa ŋɔ haah bɛ o jaa vɛh.

1 Kɔrent 7:12

N ɡbaɡbaa dɛɛ bol anɔ te dɛɛ tɛ he kar la. Ya Dɔɔ laa bola. Dɛ he ɛ asɔre te dɛ mo haah waa wola asɔre te ɛɛ, a too o tea o ŋɔ wɛɛ soo waa, bɛ on vɛh.

Mmarare 22:19

dɛ́ yoɡu lɛ suuɡapoŋa lafa tɛ haah la mɛɛ, sɔnchɔɡe waa kpɔa dawɛ Israel tolo waa wola baa jemɛ bwa la wa. Ó ta moo dɛ bɛ on vɛh, nemenɛ seo.