1 Kɔrent 6:18 - mzwDBL

¹⁸ Anomanta, hé laa he te dɛɛ kpɔ jwamane ta. Wechɔɡa bɛlbwa nɛn aa dɛ ɛ la, aa o bwara bini so. Kɛ nɛn waa dɛ bɔ jwamane la, o ɡbaɡba bwadabii wɛɛ do wechɔɡa ta.

1 Kɔrent 6:18 ပူးပေါင်းရင်းမြစ်များ

Lewi Dea Tena 15:18

Dɛ baa la ne haah chɔɔ waa, a chɛ kɛ bá bwa sɔ ne. Ba bwa kah doŋa ka tel jɔmɔra.

Tɔn Pɔɔl Aa Chwerɛ Rom Tena 1:24

Anomanta, Korowii ta ba waa tɛɛ ba, asɛ baa ɛ wedoŋa ba bambile aa lawa, dɛɛ chɔ baala ne haahna aa wola Korowii ŋwɛnɛ ta ɛɛ.

1 Kɔrent 6:9

Haa jemɛ kɛŋɔ wechɔɡ-ɛɛra aa Korowii Kora la taa ja kɛɛ? He bɛ he nyu neɡre. Nɛra baa dɛ ɛ sɛnwa, ne voɡtoroma, ne nɛra baa dɛ bɔ jwamane, ne baala ba ne ba bandɔŋa aa dɛ chɔ haah ne baa,

2 Kɔrent 12:21

Maa nyin kɛ ń ba ba he be ásɛ N Naa Korowii koh he wechɔɡa waa dɛ́ ɡel n fɛɡre. N balɔ dɛ wechɔɡ-ɛɛra ta warɛ he bini, ba tea bini ta chɔɡɛ ba charɛ ba liire ba wedoŋa, ne ba jwamane, ne ba pɛlchɔɡa we-ɛɛla baa dɛɛ ɛ ta naa, n tea bini ɛɛ chɔɡoo.

Galaasia 5:19

Nomɛlbwa jemɛ nɛwɛnyini mar wechɔɡa aa suu nɔ tetoowa. Anee kɛŋɔ jwamane, ne wedoŋa, ne pɛlchɔɡa we-ɛɛla te bwa soo siwi,

Ɛfesos 5:3

Kɛ jwamane ne wedoŋa ne sibeɡra dɔe dɔŋa kwaa ta te, he bɛ a waa dɛɛ bol á ba ɛ kɛŋɔ hɛɛ ɛa, dɛkalkɛŋɔ aa were tɛ Korowii nɛra.

Kolosi 3:5

Anomanta, hé ɡel he harɛ nɔ ta dor bwa ta kwaraa. He bɛ he bwadabii kpɔ do jwamane, ne wedoŋa, ne kayɛɡlɛ, ne pɛlchɔɡa, dɛ kwaa ta sibeɡra ta. Kwaa ta sibeɡra do kɛŋɔ voɡa toma ken.

1 Tesalonika 4:3

Korowii dɛ nyin kɛ he ɛ nɛndɛɛɡa dɛ laa he te kpɔ jwamane ta.

1 Tesalonika 4:5

He bɛ siyala ne sibeɡra ŋwɛnɛ ta kpɔ kɛ nɛra baa wola Juu tena ɛɛ baa wola Korowii tomɛ la.

2 Timoti 2:22

Laa he te kpɔ wedoŋa bonɔɔna aa dɛ pɛlɛ a ta la ta, ásɛ he ne nɛra baa dɛ soŋe Korowii tepoŋ ne la siwi swɛɛ wedɛɛɡa ɛɛ aa dɛ su Korowii siwi, ne Korowii yaradae, ne nɛnnyin, dɛ waa aa dɛ ba deŋnesɔɔhna ne la ta.

Hibru 13:4

A chɛ kɛ nomɛlbwa kpɔ duure dɛɛ tɛ hahmor, dɛ bɛ nɛmpɛɛne lawɛ dɛɛ chɔ dɛ ka ja ba haahna kɛɛ ba jaranar nɛ. Korowii ɛɛ tɛr nɛra baa dɛ ɛ wedoŋa baa ne haah chɔe be pera dɛɛ nyin ba dɔŋa haahna kɛɛ ba dɔŋa jaranar la deŋnee.

1 Pita 2:11

N dandɛɛɡa, n dɛ soŋe heyaa kɛŋɔ haa ɛ hɔɔhra bonɔ, bonɔ aa wola he bwɛɛ ɛɛ nɔ, hé laa he te kpɔ he bwadabii pɛlchɔɡa ta. Anee dɛɛ vuuɡi heyaa haa wola won ɛ waa Korowii aa kpɔa do he bambile bini la.