Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Kɔrent 6:11 - mzwDBL

11 He bini bane fa kpoŋe ɡɛ da nɔ. Kɛ taraken Korowii koh ya Dɔɔ Yeesu Kristo ne Korowii Domadɛɛɡe la toma la waa dɛ sɔ he wechɔɡa bwa ta, dɛ ɡel he ɛ nɛndɛɛɡa he waa su o siwi.

အခန်းကိုကြည့်ပါ။ ကော်ပီ




1 Kɔrent 6:11
52 ပူးပေါင်းရင်းမြစ်များ  

Sɔ n wechɔɡa ta, kɛŋɔ baa kpɔ nee dɛɛ yaɡle doŋa la, ásɛ wechɔɡa bɛlbwa le n nɛ,


Fee n wechɔɡa, ásɛ doŋa bɛlbwa le n nɛ, laa doŋa kpɔ n bini, ásɛ n bambile to kɛ yabi.


Ba dɛ lii kɛŋɔ wechɔɡa toole ba nɛ, kɛ dɛ ba senɛ wechɔɡa ta.


Hé sɔ he wechɔɡa ta dɛ́ laa doŋa bɛlbwa kpɔ he nɛ. Hé laa he wechɔɡwe-ɛɛla la kpɔ le n sie! Hé ɡel a ɛɛ,


Men Korowii ɛɛ ɡeloo Jekɔb naanar bwa waa toɡre, ásɛ ba kpɛɛ mɛ.”


O soɡa bini wahala waa baa na habɔɔ la, wɛɛ berɔɔ dɔ mkpa, dɛ́ jemɛ kɛŋɔ o ta wahala nae pɛɛpɛɛ. N bonɔɔ o waa aa toɡra, o lɛ nɛndamanta wechɔɡa che nomanta, mɛɛ che o seo la taa, dɛ́ kpɔ ba wechɔɡa kɛ ba.


Jerusalam tena, hé ɡel wechɔɡa ɛɛ ásɛ Korowii lɛ heya. Saŋ besoo hɛɛ ba he nyubinikpeɡ vɔrɔwa nɔ ɡela ɔ?


Mɛɛ ɛ nedɛɛɡaa merɛ he nɛ, dɛ́ laa doŋa haa kaah la kpɔ he nɛ. Mɛɛ laa doŋa bɛlbwaa kpɔ he nɛ, dɛ́ le heyaa le voɡa toma ɡe ta.


Kɛ dɛ ba maa dem la asɛ a habɔɔ sɔfo la ba nyiŋi dɛ na kɛŋɔ konfɔɔla la ta dii jo aa, wɛɛ ŋɔɔ doŋa toole o ta, dɛkalkɛ konfɔɔla la toole o ta kpa.


Ate, Mosis lawɛ Arɔn ne o bibaala ba sie bela dɛ sɔ ba ne, dɛ laa ba doŋa bwa kpɔ ba nɛ.


Anee o ŋɔ ba be ŋɔ, ‘Hé ɡe kaa n koo la ta ka ɛ toma, ásɛ n tɛ heyaa kembɔr aa chɛ heya.’


Anee Yeesu ŋɔ, “N dɛ ŋɔ he be ŋɔ, toɔ lɛɛ la bee Korowii no dɛ kpɔ o wechɔɡa kɛo dɛ doo nɛndɛɛɡa bini, asɛ o kaa o dem. Farisii te la te, o ta o be noɛ. Nomɛlbwa waa dɛ maŋkura o te la, Korowii ɛɛ ba o ne harɛɛ, asɛ nomɛlbwa waa pwɛr o te la, Korowii ɛɛ ɛo nɛnjenii.”


Anee Yeesu ŋɔ, “Nɛn waa sɔ nee la, dɛ nakpale laa o ba sarame aa, waa berɛ sɔ nee kpa, dɛkalkɛ doŋa toole o nɛ. Anomanta, doŋa toole he bɛlbwa nɛ, nemenɛ he bini beŋkpoŋ.”


Asɛ o berɛ ŋɔ, “Akai! Maa sɛh he sarame n nakpale bwa.” Belaa Yeesu ŋɔ, “Dɛ he ta ɡelɛ n sarame he nakpale aa, amɔ n ne he toole wobɛlbwa bini kpa.”


Wubwa la, haa dɛ nyin ɡɛ haa ɛ ásɛ Korowii kpɔ he wechɔɡa kɛ heyaa la, Mmara la Korowii aa kpɔa do Mosis nɔn ta la ta wone cha heya. Kɛ taraken te, nomɛlbwa waa yarada Yeesu la, Korowii dɛ lɛo kɛ nɛndɛɛɡe o waa su o siwi.


Anomanta, bɛ berɛ so kpa. Gel ba sɔe Korowii ne, ásɛ he yerɛ Yeesu sɔn dɛ́ soŋo ó kpɔ he wechɔɡa kɛɛ.’


Hen dɛ́ ka pili ba sie, ásɛ ba le biro ta dɛ́ ba bochaah ta bela nii aa lole, dɛ́ le Bɔnsam nɔn ta dɛ́ ba Korowii be, ásɛ o kpɔ ba wechɔɡa kɛ ba, ásɛ ba ba ja nɛra baa yarada mɛ n sɔ ba doŋa bwa ta ba ɛ n bii la nɛ.’


Yeesu Kristo yawɛ yaa o chal ne. A waa ya wa ɛɛ su Korowii siwi. O nɛn sum nae kohona waa o ɛ ɡɛ tɛ yaa pɛɛpɛɛ la.


Kɛ nɛn waa wola wobɛlbwa ɛɛ dɛ kpɔ o yarada do Korowii ɡbo nɛɛ kɛŋɔ o won wechɔɡ-ɛɛra nɛndɛɛɡa ɛɛ la, a cheɡɛ o yarada la ta asɛ Korowii lɛo kɛ nɛndɛɛɡe o wa ɛɛ su o siwi.


Taraken nɔ, ya yarada aa ɡela Korowii lɛ yaa kɛ nɛndɛɛɡa ya waa su o siwi nɔ, ya Dɔɔ Yeesu Kristo nɛɛ a che asɛ ya ne Korowii pɛ.


Yeesu Kristo seo taa a che asɛ Korowii ɡel ya ɛ nɛndɛɛɡa ya waa su o siwi. Aah dɛ Korowii bwaawee baa ir nɛra nɛ aa, a te taa Yeesu Kristo aa wola won lɛ yaa aa?


Anomanta, nɛra Korowii aa tɔ sie lee ba ɡɛ la, o lee ba ŋɔ bá ɛ o toma. Waa lee ba ŋɔ bá ɛ o toma la, o lɛɛ ba kɛ nɛndɛɛɡa ba waa su o siwi, asɛ o tɛɛ ba ŋwɛnɛ kɛŋɔ ba ba so o jwɛh dɛ́ dɔ jirima.


Umee dɛ́ won na Korowii bii waa lee ba nɔ bwara wechɔɡe bɛl dɛ bolɔ? Korowii kwara waa dɛ pa bole la, o ŋɔ ba waa wer dɛɛ su o siwi.


Korowiirii le heya, dɛ koh pɛɛ he ne Yeesu Kristo aa pɛa la waa dɛ laa doŋa bɛlbwa kpɔ he nɛɛ dɛ ɡel he ɛ o nɛra. Ya dɛ chwerɛ he ne nɛra baa lɔ bobɛlbwa dɛɛ tomɛ ya ne ba bwa Dɔɔ Yeesu Kristo la.


Korowiirii ɡela he ne Yeesu Kristo pɛ, ásɛ ya che o nɛɛ dɛ dɔ Korowii wejema. O nɛɛ a che Korowii na yaa kɛ nɛndɛɛɡa dɛ berɛ kpɔ yaa ɛ o kwa. Onee kpɔ seo dɛ yawɛ yaa le ya wenaale ta.


He na kɛŋɔ ɡɛ saŋ he fa aa wola Korowii tomɛ la, dɛ he nyoɡrɔ dɛɛ tomɛ voɡa aa wola waa bol, kɛ dɛ a dɔ kpeɡri he nɛɛ hɛɛ toma.


Kɛ, ya jemɔ kɛŋɔ Mosis Mmara ta teŋa laa ɡela nɛn ɛɛ ɛ nɛndɛɛɡe o wa ɛɛ su Korowii siwi, nemenɛ kɛŋɔ haa dɛ yarada Yeesu Kristo waa la, dɛ kpɔ he te tɛo. Yeesu Kristo nɛɛ ya ɡe kpɔ ya yarada do, asɛ Korowii koh o waa dɛ lɛ yaa kɛ nɛndɛɛɡa ya waa su o siwi. Mmara ta teŋa laa dɛɛ ba yaa nɛndɛɛɡa ɛɛ Korowii be, dɛkalkɛŋɔ Mmara ta teŋa aa won ɡel nomɛlbwa waa su Korowii siwi.


Taraken nɔ, ya nao kɛŋɔ nomɛlbwa aa won che Mosis Mmara la ta dɛ́ ɛ nɛndɛɛɡe o waa su Korowii siwi, dɛkalkɛŋɔ nomɛlbwa aa won teŋɛ a bwa ta. Korowii Tɔn baɡlɔ ŋɔ, “Naate o wa aa toɡra dɛ su Korowii siwi la, wɛɛ yaradao dɛ́ dɔ o nyu.”


Dɛ Mosis Mmara nɔɔ dɛɛ nyiŋi yaa mɔɔ Yeesu Kristo ba. Waa bala la, o yaradae taa aa ba cheɡa ásɛ ya waa su Korowii siwi, ásɛ o lɛ yaa kɛŋɔ nɛndɛɛɡa.


Korowii Tɔn baɡlɔ kɛŋɔ yarada taa aa ba cheɡa ásɛ Korowii lɛ nɛra baa wola Juu tena ɛɛ la kɛ nɛndɛɛɡa ba waa su o siwi. Korowii fa bol Amanesoma la waa Abraham be dɛ ŋɔ, “He nɛɛ aa ba cheɡa Korowii swee nɛwɛnyina bwa andɛɛɡa.”


O sewɔ tɛɛ ba, dɛ́ ɡel ba won ɛ o nɛra, ásɛ ba doŋa bwa won le ba nɛ, o waa baa noa ne Korowii nee baa sɔ ba nomanta.


He waa bwa fa ɛ biro bini wa, kɛ ya Dɔɔ Yeesu nomanta, he ɛ bochaah ta nɛra. Anomanta, hé ɡel he soɡa bini wobɛlbwa do kɛŋɔ bochaah ta nɛra.


Anomanta, a chɛ kɛŋɔ yá jam Korowii saŋ bɛlbwa he wa, yabala. O dɛ nyin heyaa kɛrɛdɛ, dɛ le harɛ mumpar la bwa le heyaa kɛŋɔ wɛɛ lɛ heyaa. O Domadɛɛɡe aa ɡela he doŋa bwa le he nɛɛ la, ne ɡɛ haa no o kasinteŋ waa dɛ yaradaa la, a waa o lɛ heyaa la.


Anomanta, Korowii aa sɔ ya wechɔɡa ta waa wola ɡelɛ ya liire ɛɛ ɛ yaa kɛŋɔ ya ɛ wechɔɡa kpa, dɛ kpɔ o nedɛɛɡa sɔ ya bwadabii nɔ, hé ɡel ya kpɔ tepoŋ ne yarada ba o be, ya bɛ tɔŋle tama bɛlbwa,


Aah dɛ ɛrɛɛ a chɛ kɛ ba ɛ nɛn waa nyiŋi Korowii Bie la dɛɛ vaɔh? Dɛ nɛn nyiŋi fɔo la Korowii aa cheɡɛ o Bie seo ta dɛ fɔwɛ la, dɛ fee o wechɔɡa o nɛɛ la pɛɛ aa, kembɔr besoo chɛ kɛ bá tɛo wɔ? A ɡɛ nɛn la ɛ Korowii Domadɛɛɡe la waa sune o nɛɛ la nɛnhɛla. Korowii ŋɔ ó bɔɔ kem aa, o wenaale aa kanee do aa?


Yeesuu laa nɛwɛnyini doŋa dɛɛ kpɔ ba nɛɛ dɛ ɡel ba ɛ Korowii nɛra. O ne nɛra waa laa doŋa dɛɛ kpɔ ba nɛɛ la bwa Mɛɛ beŋkpoŋ. A waa aa wola on sihiih ɛ kɛŋɔ o yer ba o nimanar la.


Korowii waa ɛ ya Mɛɛ cheɡɛ jema waa jemɛ heyaa wubwa la ta, dɛ le heyaa kɛŋɔ o nɛra dɛ tɛ o te. O Domadɛɛɡe laanee ɡela he do ɡoroŋ, dɛ ɡel hɛɛ teŋɛ Yeesu Kristo waa ta, asɛ o chal yaɡle he doŋa he nɛ. Kórowii cha heyaa dɛ tɛ heyaa bosɔɔhna kohona.


Taraken nɔ haa sɛh kasinteŋ la ta teŋa, asɛ a che a ta he doŋa le he nɛɛ hɛɛ nyin dɔŋa kɛrɛdɛ nɔ, hé den dɛɛ nyin dɔŋa kohona bambile bwa ne,


A ɡɛ nee nɔ cheɡɔ tɛ Korowii nee baa dɛ sɔ yaa aa lɛ yaa la. Korowii nee sɔe ta bwara doŋa yaɡla ɛɛ. Korowii nee sɔe munii kɛ ya soŋe Korowii ó tɛ yaa tepoŋ. A cheɡɛ Yeesu Kristo seo ta ira ta, asɛ nee sɔe la won dɛɛ lɛ yaa.


N bidɛɛɡa, n chwerɛ waa nɔ dɛɛ tɛ heya, dɛkalkɛ Korowii koh Yeesu waa dɛ kpɔ he wechɔɡa kɛ heya.


ne Yeesu Kristo waa ɛ kasinteŋ te dɛ che tɛ Korowii, dɛ sewɛ, dɛ tɔ nɛra bwa sie ir seo ta, dɛ ɛ koranar baa lɔ harɛ nɔ ta bwa nomoa la, ó cha heya, dɛ́ tɛ heyaa bosɔɔhna. Hɛ́ɛ tɛ naate waa dɛ nyin yaa, dɛ sewɛ, dɛ kpɔ o chal lɛ yaa, a le yaa wechɔɡa ta la sɔn.


Anee n ŋɔ, “N Dɔɔ, maa jemɛ. He ken jem ba.” Asɛ o ŋɔ, “Banee fa lɔ wahala tenten la bini dɛ won le a nyoa la. Ba chɛɡɛ ba yale Pebie la chal la ta, a le dɛ to.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ