1 Kɔrent 5:9 - mzwDBL

⁹ N tɔn n fa aa chwerɛ heyaa la, n baɡlɔ kɛ he ne nɛra jwamane aa lɔ ba sie ta la bɛ pɛ.

1 Kɔrent 5:9 ပူးပေါင်းရင်းမြစ်များ

Sɛɡla 9:6

Hé le he sie bɛ pila la ta, dɛ́ dɔ he nyu. Hé teŋɛ wejema ŋwɛnɛ ta.

1 Kɔrent 5:10

Banɔ la baa wola Korowii tomɛ dɛɛ bɔ jwamane, ba sie ɛɛ beɡre kwa, baa tomɛ voɡa la, ba te laa n ŋɔ hé laa he te kpɔ ba nɛɛ nɔ, dɛkalkɛ ba te lɔ bobɛlbwa. Haa lɔ harɛ nɔ ta nɔ, haa won laa he te kpɔ ba nɛ!

1 Kɔrent 5:2

A fe chɛ kɛŋɔ he ɡel he tea bini chɔɡ waa nɔ wa, asɛ hɛɛ maŋkura he te la. Aa were kɛŋɔ ɡɛ nɛn la ta ja he bini kpa!

1 Kɔrent 5:7

Anomanta, hé laa ɡɛ wechɔɡ-ɛɛ la kpɔ he bini, ásɛ o wechɔɡa aa do kɛŋɔ iisi la bɛ heyaa bu, ásɛ he do wer kɛŋɔ paanoo baa wola iisi a ta doe, dɛ di Galekaa Tɔpejen la. He do ɡɛ kpela. Yeesu Kristo koh ya waa dɛ sewɛ kɛŋɔ baa kpo peebie Galekaa tɔpere ta la.

2 Kɔrent 6:14

He bɛ ɡel he ne nɛra baa wola Korowii waa lɛɛ la pɛ dɛ ɛ beŋkpoŋ, dɛkalkɛ darame bɛlbwa toole wedɛɛɡa ne wechɔɡa baah. Ɛrɛɛ bochaah ne biro ɛɛ ba wona pɛ a maɡre ɔ?

2 Kɔrent 6:17

Anomanta, n bolɔ ŋɔ, ‘Hé le ba bini! Hé pere he te le ba nɛɛ kwara! He bɛ komɛlbwa waa kah doŋa leɡe, ásɛ n lɛ heya,

Ɛfesos 5:11

ásɛ dɛ ɡel biro bini waa ɛɛ. A ta tɔnɔ dɔe. Hé le a ne baŋ, ásɛ nɛra jemɛ ɡɛ aa doa.

2 Tesalonika 3:14

Dɛ nomɛlbwa ta sɛɛh kɛ wɛɛ teŋɛ ɡɛ yaa ŋɔa tɔn nɔ bini nɔ taa yaa, hé nyiŋu kɛrɛdɛ. He ne o bɛ pɛ dɛɛ ɛ wobɛlbwa, ásɛ sihiih kpoo.

2 Tesalonika 3:6

Yabala, ya cheɡɛ ya Dɔɔ Yeesu Kristo sɔn ta dɛɛ ŋɔ he be ŋɔ, he bini bɛlbwa dɛ ɛ bɔhwaah o ta sɛɛh dɛɛ ɛ toma ɡɛ yaa baɡla la aa, hé ɡelo, he ne o bɛ pɛ.