1 Kɔrent 5:11 - mzwDBL

¹¹ Nɛra maa dɛ bol ba waa laanee nɛra baa ŋɔa ba ja yabala asɔre tena nɛ, kɛ dɛɛ bɔ jwamane, dɛ kpɔ suuɡa ɡwaa komɛlbwa, dɛɛ tomɛ voɡa, dɛɛ bol nɛra bwara wechɔɡa, dɛ nyɔ sen dɛɛ dɛɛ, dɛɛ ŋwɛ la. Ba ŋɔ ba ɛ asɔre tena dɛ berɛ dɛɛ ɛ waa aa do ken nɔ la, he ne ɡɛ nɛra nɔ te bɛlbwa bɛ pɛ, a ba ɛ kɛ hɛɛ pɛ nɔnee di kwa.

1 Kɔrent 5:11 ပူးပေါင်းရင်းမြစ်များ

Yela 10:3

Nyubinikpeɡ tena dɛ maŋkura ba te ba pɛlchɔɡa ta, nɛra baa dɛ nyin kafo dɛ bol Korowii bwara wechɔɡa dɛɛ vɛoh.

Yela 101:5

Nomɛlbwa waa sɔah dɛɛ chɔɡ o dɔŋ la, mɛɛ doŋu le n be. N ne nomɛlbwa waa dɛ na o nyu aa won pɛ.

Ɛsekeɛl 22:12

Ba dɛ yawɛ ba bini bane sen baa kpoo nɛra. Bane ɡe dɛ́ kemɛ ba bala Israel tena suuɡa, dɛ́ chɔŋɛ a nee dɛ́ che a ta ɛ dɔɔhna. Ba soh n waa la kwara. Men Nemenɛ Korowiirii bola.

Matiu 18:17

Dɛ he ne nɛra la laŋɔ o ŋɔ waa sɛh ja aa, kpɔ ka bil he bala bwa he ne ba aa dɛ cheme la sie. Dɛ o ŋɔ waa ba ɡe bee no aa, ɡel o waa tɛo kɛ nɛn waa wola Korowii tomɛ kɛɛ wechɔɡ-ɛɛ.

Matiu 23:25

Tɔnjerema ne Farisii tena, nɛra haa nyiŋi nɛra sie mɔɔ dɛɛ ɛ wa, hé bwɛɛlɛ! He waa haa dɛ ɛ ɡelɔ he do kɛŋɔ baa loo numol kɛɛ loɡ habɔɔ o do wer, asɛ doŋa su o bini te la. Dɛ́ ɛɡre nɛn lɛ o kondɔɔh o be, ne kafonyin ɡboo su he bwa.

Amanesoma Luk Aa Chwera Tɔn 18:11

Belaa Farisii te la ir che dɛ soŋe Korowii o nyu bini ŋɔ, ‘Korowii, n dɛ jaame kɛŋɔ maa wola doe kɛ n bala baa dɛ bɔ apoo, baa wola kasinteŋ bol, dɛɛ bɔ jwamane nɔ. N dɛ jaame kɛŋɔ maa wola doe kɛŋɔ banchɔɡe nɔ waa dɛ lɛ toɔ nɔ.

Amanesoma Luk Aa Chwera Tɔn 21:34

Hé nyiŋi he te kɛrɛdɛ! He bɛ ɡel bodia kondikwaa dii ne sen nyɔe ne he weliira ɡwaa he nɛ, ásɛ tɔpere la bɛ heyaa ba piɡri kɛŋɔ nɛn yon ɡbarɛ bel la,

We-ɛɛla 1:15

Aa baa di tɔpera anɛ la, ba bala la bwa chemo. Baa tel nɛra lafa fifraanɛɛ. Asɛ Pita ir che ba baah ta dɛ ŋɔ,

We-ɛɛla 9:17

Anomanta, Ananias kaa jo dem Sɔɔl aa lɔ o ta la ta, dɛ kpɔ o nɔɔra dawɛ o nɛɛ dɛ ŋɔ, “N dɔŋ Sɔɔl, ya Dɔɔ Yeesu ɡbaɡbaa tom mɛ he be. Onee kpɔ o te baɡle ɡɛ saŋ haa dɛ ba bonɔ la. O tom mɛ ŋɔ ń ba ásɛ he berɛ won dɛɛ na ja, ásɛ Korowii Domadɛɛɡe la ɡe so he nɛ.”

Tɔn Pɔɔl Aa Chwerɛ Rom Tena 13:13

Hé ɡel ya lawɛ ya te kɛrɛdɛ, dɛ́ do kɛ nɛra bɔr aa chaah ba nɛ. Dɛ warɛ dɛ valɛ dɛɛ do ɡbɔɡa ne sennyɔdɛɛ waa toole kpa, hanyin ne banyin ne wedoŋa toole kpa, naɡrenyin ne bɔweela toole kpa.

Tɔn Pɔɔl Aa Chwerɛ Rom Tena 16:17

Yabala, n dɛ soŋe heyaa kɛŋɔ, hɛɛ nyiŋi nɛra baa ɡela he baah ɛɛ peɡri, dɛɛ baɡle waa a ne Yeesu Kristo waa baa baɡle heyaa nɔ aa wola jo, asɛ dɛɛ vuuɡi heyaa la. Hé jem ba dɛɛ ke he te ba nɛ.

1 Kɔrent 10:14

Anomanta, n daamanar, hé laa he te kpɔ voɡa waa ta.

1 Kɔrent 11:21

He bini bane dɛ di ɡɛ kondikwaare la warane, haa cheɡɛ dɛɛ kpa he bala. Bane yon dɔ di dɛ́ nyɔ sen kohona dɛ́ berɛ dɛ́ɛ dɛɛ, dɛ bane ta komɛlbwa dɔe dɛ di.

1 Kɔrent 5:13

Nɛra baa ɛ asɔre tena la te, heyaa chɛ kɛŋɔ hé bol ba waa dɛ́ pa bole. Korowii Tɔn baɡlɔ kɛŋɔ “Hé doŋi wechɔɡ-ɛɛ le he bini.”

1 Kɔrent 6:10

ne ŋwɛɛra, ne nɛra ba sie aa dɛ beɡre ba dɔŋa kwa, ne sennyɔdɛɛra, ne nɛra baa dɛ bol dɔŋa wobochɔɡa, dɛ nɛra baa dɛ faah nɛra, nɛn waa dɛ ɛ a ɡɛ waa nɔ te bɛlbwa la, waa Korowii Kora la taa ja.

1 Kɔrent 6:6

asɛ hɛɛ samane dɔŋa dɛ ɡel nɛra baa wola asɔre tena ɛɛ kaa bol he waa nɔ naa? A ta ɡɛ chɛɛ.

1 Kɔrent 6:9

Haa jemɛ kɛŋɔ wechɔɡ-ɛɛra aa Korowii Kora la taa ja kɛɛ? He bɛ he nyu neɡre. Nɛra baa dɛ ɛ sɛnwa, ne voɡtoroma, ne nɛra baa dɛ bɔ jwamane, ne baala ba ne ba bandɔŋa aa dɛ chɔ haah ne baa,

1 Kɔrent 7:12

N ɡbaɡbaa dɛɛ bol anɔ te dɛɛ tɛ he kar la. Ya Dɔɔ laa bola. Dɛ he ɛ asɔre te dɛ mo haah waa wola asɔre te ɛɛ, a too o tea o ŋɔ wɛɛ soo waa, bɛ on vɛh.

1 Kɔrent 7:15

Dɛ onɔ la waa wola asɔre te ɛɛ ŋɔ wɛɛ vɛh o dɔŋ waa ɛ asɔre tee yaa, tɛo ŋwɛnɛ wɛɛ la. A ba ɡɛ naa, a ta wechɔɡa ɛɛ. Korowii dɛ nyin kɛŋɔ ya so deŋnesɔɔhna ta.

1 Kɔrent 8:11

He ɡelɔ he dɔŋ waa wola kiŋkiŋ cheɡɛ, Yeesu Kristo aa koh o waa sewɛ, ɛɛ ba he wejema ne daŋra dɛ́ nyoɡre aa?

Galaasia 2:12

Jems fa tomɛ nɛra bane Anteɔk. Gɛ nɛra nɔ aa wola Anteɔk balɛ mɔɔ la, dɛ Pita ne asɔre tena la bini bane baa wola Juu tena ɛɛ la pɛo dɛɛ di kwa. Kɛ Jems toroma la aa baa jo Anteɔk la, Pita chwa a ɡɛ nɛra la be kwaa dii, dɛkalkɛŋɔ dɛ o dɛ ɔmɛ kɛŋɔ, hɔɔhra la bɛ ba ŋɔ waa Juu tena nawee wa aa dɛ baɡle kɛŋɔ ba ne nɛra baa wola pena teŋni aa kwaa di la ta teŋɛ.

Ɛfesos 5:18

He bɛ sen nyɔ kohona dɛɛ dɛɛ. Gɛ dɛ chɔɡ nɛn. Kɛ hé ɡel Korowii Domadɛɛɡe la so he nɛɛ kɛrɛdɛ,

Ɛfesos 5:5

Hé jemɛ kɛrɛdɛ kɛŋɔ nɛra baa dɛ bɔ jwamane, dɛɛ ɛ wedoŋa, ba sie ɛɛ beɡre kwaa ta la aa bɔr dɔe ba Yeesu Kristo ne Korowii Kora la bini. Sie beɡra kwaa ta do kɛŋɔ voɡ toma ken.

Kolosi 3:5

Anomanta, hé ɡel he harɛ nɔ ta dor bwa ta kwaraa. He bɛ he bwadabii kpɔ do jwamane, ne wedoŋa, ne kayɛɡlɛ, ne pɛlchɔɡa, dɛ kwaa ta sibeɡra ta. Kwaa ta sibeɡra do kɛŋɔ voɡa toma ken.

2 Tesalonika 3:14

Dɛ nomɛlbwa ta sɛɛh kɛ wɛɛ teŋɛ ɡɛ yaa ŋɔa tɔn nɔ bini nɔ taa yaa, hé nyiŋu kɛrɛdɛ. He ne o bɛ pɛ dɛɛ ɛ wobɛlbwa, ásɛ sihiih kpoo.

2 Tesalonika 3:6

Yabala, ya cheɡɛ ya Dɔɔ Yeesu Kristo sɔn ta dɛɛ ŋɔ he be ŋɔ, he bini bɛlbwa dɛ ɛ bɔhwaah o ta sɛɛh dɛɛ ɛ toma ɡɛ yaa baɡla la aa, hé ɡelo, he ne o bɛ pɛ.

1 Timoti 3:3

A ta chɛ kɛŋɔ ó ɛ sennyɔdɛɛ, ó bɛ naɡrenyini ɛ. Kɛ ó ɛ nɛn waa pwɛra, waa wola o bwara ne waa nyin. A ta chɛ kɛ o siwi beɡre suuɡa.

1 Timoti 6:5

Gɛ te la ne nɛra baa wola wedɛɛɡa lii, baa wola ya kasinteŋ waa la jemɛ la, ba dɛ saɡɛ wetɔŋla aa wola mun dɔe ta, dɛ yon dɛɛ lii kɛ Korowii toma ɛ ŋwɛnɛ bɛl baa kpɔ o ta dɛɛ nyin suuɡa.

2 Jɔn 1:10

Dɛ nomɛlbwa ba he be dɛ baa baɡle heyaa anɔ la aa wola Yeesu Kristo waa la ane ɛɛ yaa, he bɛ naate lɛ so he be, he bɛ o sie kwara lɛ.

Wepila 2:14

Kɛ n dɔ he waane tama. Bane lɔ he bini dɛɛ teŋɛ Balam webaɡla ta. Onee fa ɡela Balak neɡre Israel tena ba ɛ wechɔɡa, dɛ di ola baa kpoa tɛ voɡa, dɛ kaa bɔ jwamane la.

Wepila 2:20

Kɛ n dɔ he waane dɛ́ bol. Hanchɔɡe Jɛsɛbɛl la waa dɛ yerɛ o te Korowii keame la, he ɡelɔ o do he be dɛɛ baɡle heya, dɛɛ neɡre n bonɔɔna ne n toli baa bɔ jwamane, dɛɛ di ola baa kpoora dɛɛ tɛ voɡa.

Wepila 21:8

Kɛ ɔmeera ne nɛra baa wola men yarada, ne nɛra baa dɛ ɛ waa maa kia, ne nɛra baa dɛ kpoo nɛra, ne nɛra baa dɛ bɔ jwamane, ne nɛra baa dɛ ɛ bebeewa, ne voɡtoroma dɛ nyosonteŋna. Ba bwa bɔree nii ne jebɔrɔwe aa yɛɛra chɔ kɛŋɔ moo dɛɛ fuh la ta. Anee seo nɛɛtena la.”

Wepila 22:15

Nɛndoŋa, ne nɛra baa dɛ ɛ bebeewa, ne jwamane tena, ne nɛra baa dɛ kpoo nɛra, ne voɡtoroma, ne banɔ la bwa ba sie aa dɛ lɛ nyosone teŋa, ne nɛra neɡra la te, ba ka bwɛɛ la dahare.