1 Kɔrent 5:1 - mzwDBL

¹ N dɛ no kɛ he bini bane dɛ bɔ jwamane aa wola were, hale nɛra baa wola Korowii tomɛ kwara aa wola ɡɛɛ ɛ. Ba ŋɔ he bini bɛl lawɛ o mɛɛ haah kwaraa dɛɛ chɔ.

1 Kɔrent 5:1 ပူးပေါင်းရင်းမြစ်များ

Mumpar 35:22

Waa kaa so harɛ la ta la, Rubin kaa lawɛ tolo baa dɛ yerɔ Bilha baa lawa tɛ o mɛɛ o ɛ o sɛno la chɔ, asɛ Jekɔb no. Bii fi dɛ banɛɛ Jekɔb lolɛ.

Mumpar 37:2

Kenii o bii ne o naanar waa do, Jekɔb bie Josef aa di bene fi dɛ anuanɛ la, dɛ o ne o dɔɔranar dɛ nyiŋi kondɛɛra ta. O mɛɛ haahna banɛ baa dɛ yer ba Bilha ne Silpa la biirii ban. Josef yon ba taa dichɔɡa o dɔɔranar aa dɛ di o mɛɛ be.

Mumpar 49:4

He we-ɛɛla do kɛŋɔ nehɛma, he jirima tonɔ. Dɛkalkɛ he lawɛ n hanɛɛte chɔ n chɔɔbɔr, dɛ kpɔ doŋa kah mɛ.

2 Samoɛl 16:22

Anomanta, ba baŋre tɛnte dea koodem bela saldoa tɛ Absalɔm, asɛ o lawɛ o mɛɛ sɛnanar la chɔ Israel tena la bwa siwi ta.

2 Samoɛl 20:3

Kooro Devid aa bera kaa o koodem Jerusalam la, o lawɛ o sɛnanar fi baa dɛ daah koodem la do dea, baa daah ba. Dɛ o dɛ tɛɛ ba komɛlbwa kɛ dɛ o ne baa chɔ. Ba chɔ dea ka tel ba serewe wee, kɛŋɔ luhaahna ken.

1 Webena 5:1

Jekɔb binomoa sɔne Rubin, dɛ onee biloɡle, kɛ waa lawɛ o mɛɛ haah chɔ la nomanta, ba laa o nomonome lɛ o be tɛ o nime Josef. A ɡɛ nomanta, o sɔn toole ɡɛ baa lol ba teŋɛ dɔŋa nɛɛ la ta.

Jeremia 2:33

He dɔ sɛnanar nyina wejema taeh! Hale hanjwamanere ɛɛ won hweli le he be.

Ɛsekeɛl 16:47

Ba da ɡbo laa he kpɔ, asɛ dɛ hweli ba waa maa kia la ɡe dɛ ɛa. Kɛ he we-ɛɛla bwa ta la, a ta biɡre he den ɡwaa ba kwaraa.

Ɛsekeɛl 22:10

Ba bini bane ɡe lawɛ ba mɛɛnanar haahna dɛɛ chɔ. Bane ɡe ɡuɡri haahna ba bwara aa chɔɡa ba ne baa chɔ.

Lewi Dea Tena 18:8

Bɛ he mɛɛ haah lawɛ chɔ. A ba ɡɛ naa, dɛ duure bɛlbwa toole he ne he mɛɛ baah ta.

Lewi Dea Tena 20:11

Nomɛlbwa waa lawɛ o mɛɛ haah o ne o chɔ la lawɛ o mɛɛ sie teɡɛ harɛ. Baa la ne haah la bwa chɛ kpoe. Ba sewɔ ɡe aa, ba wechɔɡa ɡure ba nyu ta.

Emɔs 2:7

Ba tiɡri nyaara dɛɛ do harɛ kɛŋɔ teera ken, dɛ vɛh nɛra baa dɛ fiɡ ba waa bola dɛ tɛɛ ba aŋwɛnɛ ta. Mɛɛ ne o bie bwa pɛ hahbeŋkpoŋ, dɛ kpɔ doŋa kah men Korowii sɔn waa do ɡoroŋ la.

We-ɛɛla 15:20

kɛ yá chwerɛ ba tɔn ŋɔ ba bɛ voɡa kwaa dɛɛ di, dɛ laa ba te kpɔ jwamane waa ta, dɛ bɛ kon baa wola o baŋa teŋe o sewɛ la dɛɛ di, dɛ bɛ chal dɛɛ di,

We-ɛɛla 15:29

Anee kɛ, he bɛ voɡa kwaa dɛɛ di, he bɛ chal dɛɛ di, he bɛ ol baa wola o baŋa teŋe o sewɛ dɛɛ di, hé laa he te kpɔ jwamane waa ta. Dɛ he wono dɛɛ ki anɔ bwa naa, he wobɛlbwa ɛɛ maɡroo tɛ heya. Kórowii cha heya.”

1 Kɔrent 1:11

Yabala, nɛra bane le Kloi dem dɛ ba ŋɔ n be ŋɔ, webeɡra chole he bini bane baah ta, a waa n bol a ɡɛ waa nɔ la.

1 Kɔrent 5:11

Nɛra maa dɛ bol ba waa laanee nɛra baa ŋɔa ba ja yabala asɔre tena nɛ, kɛ dɛɛ bɔ jwamane, dɛ kpɔ suuɡa ɡwaa komɛlbwa, dɛɛ tomɛ voɡa, dɛɛ bol nɛra bwara wechɔɡa, dɛ nyɔ sen dɛɛ dɛɛ, dɛɛ ŋwɛ la. Ba ŋɔ ba ɛ asɔre tena dɛ berɛ dɛɛ ɛ waa aa do ken nɔ la, he ne ɡɛ nɛra nɔ te bɛlbwa bɛ pɛ, a ba ɛ kɛ hɛɛ pɛ nɔnee di kwa.

1 Kɔrent 6:13

Bɛl ɡee ŋɔɔ, “Tea waa kondikwaa do le, asɛ kondikwaa ɡe che dɛ tɛ tea.” Kpelaa, kɛ Korowii ɡelɔ a bwa dɔ jaɡa dɛ chɔɡ. O ta nɛn bwadabii ɛɛ tɛo ŋɔ ó kpɔ ɛ jwamanwa, kɛ o ɛo tɛo kɛŋɔ ó kpɔ tomɔ. Anomanta, nɛn bwadabii ɛ Korowii kon, wɛɛ tɛo komɛlbwa.

1 Kɔrent 6:18

Anomanta, hé laa he te dɛɛ kpɔ jwamane ta. Wechɔɡa bɛlbwa nɛn aa dɛ ɛ la, aa o bwara bini so. Kɛ nɛn waa dɛ bɔ jwamane la, o ɡbaɡba bwadabii wɛɛ do wechɔɡa ta.

1 Kɔrent 6:9

Haa jemɛ kɛŋɔ wechɔɡ-ɛɛra aa Korowii Kora la taa ja kɛɛ? He bɛ he nyu neɡre. Nɛra baa dɛ ɛ sɛnwa, ne voɡtoroma, ne nɛra baa dɛ bɔ jwamane, ne baala ba ne ba bandɔŋa aa dɛ chɔ haah ne baa,

2 Kɔrent 12:21

Maa nyin kɛ ń ba ba he be ásɛ N Naa Korowii koh he wechɔɡa waa dɛ́ ɡel n fɛɡre. N balɔ dɛ wechɔɡ-ɛɛra ta warɛ he bini, ba tea bini ta chɔɡɛ ba charɛ ba liire ba wedoŋa, ne ba jwamane, ne ba pɛlchɔɡa we-ɛɛla baa dɛɛ ɛ ta naa, n tea bini ɛɛ chɔɡoo.

2 Kɔrent 2:5

Nɛn o fa aa ba tebinichɔɡ ne la, n ɡbo tea bini laa o chɔɡ. He bwa tea binii o chɔɡ ŋwɛnɛ bɛl ta. Maa nyin kɛ n do naate siswɛm, a waa n bola ken la.

2 Kɔrent 7:12

Maa chwerɛ heyaa tɔn la la, a ta ɛɛ kɛ naate waa ɛ o dɔŋ wechɔɡa, kɛɛ naate o dɔŋ aa ɛo wechɔɡa waa n chwerɔ. Korowii ɡba nao kɛ n chwerɔ ásɛ he won jemɛ ɡɛ haa dɛ nyin yaa.

Galaasia 5:19

Nomɛlbwa jemɛ nɛwɛnyini mar wechɔɡa aa suu nɔ tetoowa. Anee kɛŋɔ jwamane, ne wedoŋa, ne pɛlchɔɡa we-ɛɛla te bwa soo siwi,

Ɛfesos 5:3

Kɛ jwamane ne wedoŋa ne sibeɡra dɔe dɔŋa kwaa ta te, he bɛ a waa dɛɛ bol á ba ɛ kɛŋɔ hɛɛ ɛa, dɛkalkɛŋɔ aa were tɛ Korowii nɛra.

Mmarare 22:30

Nomɛlbwa bɛ o mɛɛ haah ba mo dɛ́ kpɔ sihiih kpo o mɛɛ.”

Mmarare 27:20

Bá berɛ ŋɔ, ‘Nomɛlbwa waa lawɛ o mɛɛ haah chɔ la, Kórowii taahno, dɛkalkɛŋɔ a do kɛŋɔ waa wur o mɛɛ ken.’ Ásɛ Israel tena la bwa chaŋe ŋɔ, ‘Aamen!’

Kolosi 3:5

Anomanta, hé ɡel he harɛ nɔ ta dor bwa ta kwaraa. He bɛ he bwadabii kpɔ do jwamane, ne wedoŋa, ne kayɛɡlɛ, ne pɛlchɔɡa, dɛ kwaa ta sibeɡra ta. Kwaa ta sibeɡra do kɛŋɔ voɡa toma ken.

1 Tesalonika 4:7

Korowii aa le yaa ŋɔ ya ɛ o bii la, o ta ŋɔe ŋɔ yá ba ɛ wedoŋa. O ŋɔ yá ba ɛ wedɛɛɡa.

Wepila 2:21

N tɛo tɔpere ŋɔ ó ɡel ɡɛ, ásɛ dɛ charɛ o liire le o wechɔɡa ta, kɛ waa no.

Wepila 21:8

Kɛ ɔmeera ne nɛra baa wola men yarada, ne nɛra baa dɛ ɛ waa maa kia, ne nɛra baa dɛ kpoo nɛra, ne nɛra baa dɛ bɔ jwamane, ne nɛra baa dɛ ɛ bebeewa, ne voɡtoroma dɛ nyosonteŋna. Ba bwa bɔree nii ne jebɔrɔwe aa yɛɛra chɔ kɛŋɔ moo dɛɛ fuh la ta. Anee seo nɛɛtena la.”

1 Samoɛl 2:24

Akai, n bii, he bwara wechɔɡa maa dɛ no Korowii nɛra nyoo la perɛ harɛ nɔ ta bwa.