1 Kɔrent 4:15 - mzwDBL

¹⁵ Dɛ he dɔ nɛra ba warɛ pirim, dɛ won cha heyaa Yeesu Kristo ŋwɛnɛ ta naa, n ɡboo ta he mɛɛ. Menee tɔ sie bol Amanesoma la he be. A taa n che ɛ he mɛɛ Yeesu Kristo waa ta.

1 Kɔrent 4:15 ပူးပေါင်းရင်းမြစ်များ

Nɛra Kura 11:12

Menee kpoŋe ɡɛ nɛra nɔ bwa teene dɛ lol ba kɛɛ? Ɛrɛɛ he ŋɔ ń nɔɡ ba kɛ haah ne bie, dɛ́ kpɔ ba kaa harɛ haa baɡɛ ba naawa nyoa dɛ ŋwɛɛ ja a ta la ta nɔɔ?

Tɔn Pɔɔl Aa Chwerɛ Rom Tena 15:20

N ɛ n liire wubwa kɛŋɔ mɛɛ bol Yeesu Kristo Amanesoma nɔɔ. Kɛ harɛre baa bol o waa a ta la, a ta laa mɛɛ bola. A waa laa aa, dɛ nomɛl toma waa pa a mun cheɡ la taa n kpɔ dɛɛ choŋi la.

1 Kɔrent 1:30

Korowiirii ɡela he ne Yeesu Kristo pɛ, ásɛ ya che o nɛɛ dɛ dɔ Korowii wejema. O nɛɛ a che Korowii na yaa kɛ nɛndɛɛɡa dɛ berɛ kpɔ yaa ɛ o kwa. Onee kpɔ seo dɛ yawɛ yaa le ya wenaale ta.

1 Kɔrent 15:1

Yabala, hé ɡel n lii heyaa Amanesoma la n fa aa bola baɡle heyaa asɛ he no dɛ taa teŋɛ a ta,

1 Kɔrent 3:10

Korowiirii cha mɛ n won ɛ toma kɛŋɔ nɛn waa jemɛ dea mae kɛrɛdɛ la, dɛ pa dea la mun, asɛ nomɛl ɡe ba ma dɛɛ chɔŋɛ. Kɛ bɛlbwa nyiŋi kɛrɛdɛ ɡɛ waa maa dɛɛ chɔŋɛ.

1 Kɔrent 3:6

Ya fa do kɛŋɔ nɛra baa dɛ du kwaa dɛ do he bini. Menee dua, asɛ Apolos ɡe ka ba, dɛ ba do nee a ta. Korowiirii ɡela kwaa la le dɛ kpeɡ.

1 Kɔrent 3:8

Nɛn waa dɛ du kwaa ne onɔ la waa dɛ do nee a ta la te bɛlbwa ta korɛ. Korowii dɛ bɔ bɛlbwa kem ɡɛ aa chɛa.

1 Kɔrent 9:12

He dɛ tɛ bane ɡɛ. Dɛ ɡɛ nɛra la dɔ ɡɛ ŋwɛnɛ aa, amɔ dɛ ya te ta pɔeh yaa? Kɛ ya te aa ɡɛ kpeɡri la baɡle he nɛ, dɛ dɔ bambile wobɛlbwa ta dɛ bɛ Yeesu Kristo Amanesoma la ŋwɛnɛ tɔ.

1 Kɔrent 9:14

Gɛ tentenee ya Dɔɔ ɛ tɛ nɛra baa dɛ bol Amanesoma la dɛ ŋɔ báa di a ta.

1 Kɔrent 9:16

Maa won koh Amanesoma nɔ bola waa dɛɛ baɡle n te, dɛkalkɛŋɔ Korowiirii dɛɛ do mɛ asɛ mɛɛ bol. Dɛ n ta bolaa, mɛɛ dɔ waa.

1 Kɔrent 9:18

Kembɔr besoo mɛɛ dɔɔ? N kembɔree kɛŋɔ ń won bol Amanesoma la baɡle nɛra pɛɛpɛɛ dɛ bɛ kpeɡri maa dɔa la baɡle ba nɛ.

1 Kɔrent 9:23

Amanesoma nɔ waa mɛɛ teŋɛ anɔ bwa ta la, ásɛ dɛ won na som maa dɛ bol a waa la ane.

2 Kɔrent 4:5

Ya ɡbaɡba waa laa yaa baɡle nɛra nɔ. Yeesu Kristo waa yaa baɡle kɛŋɔ onee komɛlbwa Dɔɔ, dɛɛ baɡle kɛŋɔ o nomanta, he bonɔɔnaa yan.

Galaasia 3:24

Dɛ Mosis Mmara nɔɔ dɛɛ nyiŋi yaa mɔɔ Yeesu Kristo ba. Waa bala la, o yaradae taa aa ba cheɡa ásɛ ya waa su Korowii siwi, ásɛ o lɛ yaa kɛŋɔ nɛndɛɛɡa.

Galaasia 3:25

Yeesu Kristo yarada waa nɔ aa tel ya be nɔ, Mosis Mmara la laa dɔ yaa kpa.

Galaasia 4:19

N bii maa lolɛ heyaa Yeesu Kristo waa ta, he ta he da charɛ dɛ do kɛ Yeesu Kristo aa, he ɡelɔ n tea berɛ dɛɛ wee mɛ kɛ lol tea aa dɛ we haah la.

2 Timoti 4:3

Tɔpere bɛl ɛɛ bao ásɛ nɛra aa kasinteŋ waa la baɡlaa no, dɛkalkɛ baa an nyin. Baa dɛɛ nyin waa aa dɛ do ba somee dɛ́ no, dɛ́ ka nyin nɛra pirim bá baa chaɡ ba waa ba pɛla aa lɔ a ta la,

Taetos 1:4

N bie Taetos, henee n chwerɛ tɔn nɔ dɛɛ tɛ. Waa ya bwa aa dɛ yarada la taa a che he ɛ n bie tenten. Ń Naa Korowii ne ya Lɛɛ Yeesu Kristo chae dɛ́ tɛɛ bosɔɔhna.

Faelemɔn 1:19

N Pɔɔl ɡbaɡbaa chwerɛ ɡɛ waa nɔ bonɔ kɛŋɔ mɛɛ bɔe kemee la. Kɛ jemɛ kɛ he ɡba di n kem Korowii mkpa la haa cheɡɛ n nɛɛ dɛ dɔ la ta.

Jems 1:18

O ɡbaɡba tetooraa ya dɔ o waa aa ɛ kasinteŋ la dɛɛ no, dɛ che a ta ɛ o bii, ásɛ dɛ su o siwi kwaa waa taa la bwa bini.

1 Pita 1:23

dɛkalkɛ ba berɔ kwaa lolɛ heyaa nɛnfala. Nɛn waa dɛ sewɛ la dwee laa heyaa kpa, Korowii waa wola sewɛ bwa la dweee heya. Korowii Waa aa dɛ tɛ mkpa dɛ do le saŋ bɛlbwa la taa a che ba kwaa lolɛ heya.