1 Kɔrent 4:12 - mzwDBL

¹² Ya bokpeɡa taa yaa di. Nɛra hah yaa dɛɛ chɛɡre yaa, kɛ ya te soŋe andɛɛɡa dɛɛ tɛɛ ba. Ba dɛ ɛ yaa hɔhɔrɔwa, kɛ ya te sɔɔh bwara dɛɛ tɛɛ ba.

1 Kɔrent 4:12 ပူးပေါင်းရင်းမြစ်များ

Matiu 5:11

Dɛ nɛra koh teŋa haa teŋɛ n nɛɛ nɔ waa dɛɛ chɛɡre heya, dɛɛ ɛ heyaa hɔhɔrɔwa, dɛɛ teŋe nyosone, dɛ bol musu waa bɛlbwa dɛɛ dawɛ he nɛ aa, he na som.

Matiu 5:44

Kɛ taraken n dɛ ŋɔ he be, hé nyin he dɔma dɛ́ soŋe Korowii dɛɛ tɛɛ ba,

Amanesoma Luk Aa Chwera Tɔn 23:34

Yeesu ŋɔ, “N Mɛɛ, kpɔ ba wechɔɡa kɛ ba. Baa waa baa dɛ ɛ nɔ jemɛ.” Soojare la kpɔ o laala bil dɛɛ ta chacha ŋɔ naate waa di la, ó kpɔ onɔ la waa dɛ nyin.

Amanesoma Luk Aa Chwera Tɔn 6:28

Hé swee andɛɛɡa dɛɛ tɛ banɔ la baa dɛ taah heya, dɛ́ soŋe Korowii dɛɛ tɛ banɔ la baa dɛ ɛ heyaa wechɔɡa la ɡe.

Amanesoma Jɔn Aa Chwera Tɔn 15:20

Hɛ́ɛ lii ɡɛ n fa aa bol he be ŋɔ, yom ta o dɔɔ ɡwaalɛ la. Dɛ ba ɛɛ mɛ hɔhɔrɔwa aa, ɡɛɛ baa ba he ɡe ɛɛ. Dɛ ba teŋɛ n webaɡla ta naa, baa teŋɛ he ɡe kwaa ta ɡɛɛ.

We-ɛɛla 18:3

dɛ so ba be dɛ ɛ toma, dɛkalkɛŋɔ dɛ ɡbansaba toma o fa aa dɛ ɛ wubwa laanee baa ɛ.

We-ɛɛla 20:34

He ɡbabir jemɔ kɛŋɔ ɡɛ saŋ maa lɔ he be la, bɔwɔbee n kwee mɔɔ n ne nɛra baa teŋɛ n nɛɛ la ɛɛ dɔ ya komɛlbwa.

We-ɛɛla 7:60

Belaa o ɡuŋi harɛ dɛ bol waa takpeɡ ne ŋɔ, “N Dɔɔ, bɛ ɡel a ɡɛ wechɔɡa nɔ ɡure ba nɛ.” Waa ŋɔ ɡɛ tonɛ, o den sewɛ.

Tɔn Pɔɔl Aa Chwerɛ Rom Tena 12:14

Hé soŋe andɛɛɡa Korowii be dɛɛ tɛ nɛra baa cheɡɛ he nɛ. Hé soŋe andɛɛɡa dɛɛ tɛɛ ba, he bɛ wechɔɡa soŋe dɛɛ tɛɛ ba.

Tɔn Pɔɔl Aa Chwerɛ Rom Tena 12:20

He bɛ waa kem dɛɛ bɔ. Hɛ́ɛ ɛ ɡɛ Korowii Tɔn aa ŋɔa hɛ́ɛ ɛ la. “He dɔm chɔ lɔr aa, tɛo kondikwaa ó di. Nyɔɡre dɛ kpoo waa, tɛo nee ó nyɔ. He ɛ ken aa, sihiih dɛ ba o kpoe o baŋa ɡole.”

Tɔn Pɔɔl Aa Chwerɛ Rom Tena 8:35

Bɔkwaa dɛ won pere ya ne Yeesu Kristo baah waa wola ya waa nyina ba kpaɔ? Noe aa dɛ no yaa kɛɛ wahala yaa dɛ na, kɛɛ cheɡa nɛra aa cheɡɛ ya nɛ, kɛɛ lɔr, kɛɛ nyaa, kɛɛ dɛ ya cheɡɛ seo nyoa o, kɛɛ sewɔ?

1 Kɔrent 9:6

Kɛɛ n ne Banabas ɡboo chɛ kɛ ya koh mɔɔ dɛɛ di?

2 Kɔrent 11:8

Maa dɛ ɛ toma he be la, dɛ bobɛl asɔre tenaa dɛɛ bɔ mɛ kem. He nyiŋo na naa, dɛ a kaa ɛ kɛ maa ŋwɛɛ ba, dɛ kpɔ dɛɛ cha heya.

Ɛfesos 4:28

He fa dɛ ŋwɛ kɛɛ? Hé ɡel ɡɛ ɛɛ dɛ́ kpɔ he nɔɔra haa kpɔa dɛɛ ŋwɛ la dɛɛ ɛ tondɛɛɡa dɛ́ dɔ dɛɛ di, dɛ́ won dɔ ane dɛɛ tɛ nyaara ba ɡee di.

1 Tesalonika 2:9

Yabala, haa ya toma ne ya koeh la waa lii kɛɛ? Ya ɛ toma chɔɔ ne jwaana bwa, ásɛ ya bɛ he bɛlbwa koeh do ɡɛ saŋ yaa lɔ he be dɛ bol Korowii Amanesoma la dɛɛ baɡle heyaa la.

2 Tesalonika 3:8

Ya ta nomɛlbwa kondikwaa dii pɛɛpɛɛ. Ya ɛ toma chɔɔ ne jwaana dɛɛ koh kɛrɛdɛ, dɛ bɛ heyaa ha ya kondikwaa wa.

1 Timoti 4:10

Koeh yaa dɛ swɛɛ siwi dɛɛ ɛ o toma nɔ bwa, Korowii waa lole saŋ bɛlbwa la nɛɛ ya sie dawɛ. Onee dɛɛ lɛ nɛn te bɛlbwa. Nomɛlbwa waa yaradao dɛ kpɔ o te tɛo la, o dɛ lɛo.

1 Pita 2:23

Ba fa aa dɛ chɛɡro chɛɡtɔrɔ la bwa la, o ta nyoa pile chɛɡɛ nomɛlbwa. Ba fa aa dɛ ɛo hɔhɔrɔwa la bwa la, o ta nomɛlbwa aahrɛ. O kpɔ a bwa tɛ Korowii waa dɛ bol nɛra bwa waa dɛɛ pa bole kasinteŋ ne la.

1 Pita 3:14

He dɛ ɛ wedɛɛɡa a che a ta hɛɛ na waa kwara naa, dɛ he ta som nae yaa? A ba ɡɛ naa, bɛ nɛra baa dɛ hae la ɔmɛ. Bɛ ɡel a hae.

1 Pita 3:9

He bɛ wechɔɡa kpɔ dɛɛ bɔ wechɔɡa kem. He bɛ wobochɔɡa kpɔ dɛɛ bɔ wobochɔɡa kem. Nɛn ɛɛ wechɔɡa aa, soŋe andɛɛɡa tɛo. Korowii aa le heyaa la, dɛ hɛ́ɛ ɛ ɡɛ ásɛ o tɛ heyaa hɛɛra.

1 Pita 4:19

Anomanta, he nɛra aa ɛ Korowii tetoora kɛ he na wahala la, hɛ́ɛ ɛ wedɛɛɡa, dɛ kpɔ he te do Korowii waa ta heyaa la nɔn ta. O waa dɔ kasinteŋ.

Tɔn Jud Aa Chwera 1:9

Nyundua toroma bwa nomoa Maekel ɡba ta a dɔŋa ɛɛ bwa. O ne Bɔnsam aa dɛ yo dɛɛ tɔŋle dɔŋa Mosis lale waa dɛ́ jemɛ ba bini onɔ la waa dɔɔ la, Maekel kwaraa ta liire kɛ ó bol Bɔnsam wobochɔɡe. O waa waa bola bwaa kɛŋɔ, “Korowiirii dɛ́ dii kasinteŋ.”