1 Kɔrent 3:19 - mzwDBL

¹⁹ Harɛ nɔ ta wejema ɛ wesale Korowii be. Ba chwerɛ Korowii Tɔn bini dɛ ŋɔ, “Nɛra kpɔ wejema ŋwɛnɛ ta dɛɛ ɛ wechɔɡa, kɛ Korowii dɛ laɡ ba.”

1 Kɔrent 3:19 ပူးပေါင်းရင်းမြစ်များ

2 Samoɛl 15:31

Dɛ ba ŋɔ Kooro Devid be kɛŋɔ Ahetofɛl ja Absalɔm nɛra o ne baa dɛ vɔrɔwe waa la nɛ. Anomanta, Kooro soŋɔ ŋɔ, “N Naa Korowii, ɡel Ahetofɛl liire bwa berɛ wepuu.”

2 Samoɛl 16:23

Saŋ la, dɛ Ahetofɛl bol wobɛlbwa naa, Kooro Devid ne Absalɔm dɛ yaradao kɛŋɔ a ɛ waa waa bɔɔra le Korowii be.

2 Samoɛl 17:14

Belaa Absalɔm ne Israel tena la bwa ŋɔ, “Husai waa ɛ Aaki te waa waa dɛ baɡle la ɡwaa anɔ la Ahetofɛl aa bola la.” Korowii ɡbabirii ɛa kɛŋɔ wedɛɛɡa Ahetofɛl aa bola la, ba bɛ a ta teŋɛ, ásɛ a ba wenaale ne ba ta Absalɔm nɛ.

2 Samoɛl 17:23

Ahetofɛl aa naa kɛŋɔ ba ta o waa la ta teŋɛ la, o pa laala dawɛ o keeɡo ta dɛ kpɔ sie pa o bwɛɛ dɛ kaa. O baa kwaa o dem wobɛlbwa tonɛ dɛ ka saɡɛ o te. Waa sewa la, o mɛɛwa huɡri bɔree ba ka huɡo.

Ɛsta 7:10

Gɛɛ a do ba saɡɛ Heeman daa waa paa dɛɛ ba Mɔdekae o ta saɡa la, asɛ kooro baah sɔɔh tama.

Job Tɔn 5:13

O ɡelɔ nɛra baa dɛ lii kɛŋɔ ba jemɛ waa la ɡbaɡba liire ɛɛ laɡ ba, wobɛlbwa baa ɛ la aa maɡre.

Yela 141:10

Gel ba ɡbaɡba lee bela baa hara ta, ásɛ n te valɛ ba kaa sɔnɔnɔɔ ken.

Kaala 1:10

Hé ɡel ya kpɔ liire ɡɛ yaa ɛ ásɛ ba bɛ won warɛ ya harɛ nɔ ta kohona kpa. Gɛ laa dɛ laa baa chole harɛ nɔ ta naa, baa ja ya dɔma nɛɛ dɛ́ yo yaa dɛ́ chwa le harɛ nɔ ta kaa.”

Kaala 18:11

N deno jemɛ name kɛŋɔ Korowii kpeɡri ɡwaa voɡa bwa kpeɡri, dɛ le anɔ waa kpɔa ɛ nɛra baa dɛ nyiŋi Israel tena nyubaahna la wa.”

Sɛɡla 14:8

Wejereme jemɛ waa aa wera kɛ o ɛ. Gɛnee yon dɛɛ neɡre o nyu kɛ o jemɔ.

Sɛɡla 21:30

Nɛwɛnyini wejema ne waa mun noe, dɛ wejaala ɛ pɛɛpɛɛ, dɛ Korowii ta o nɛɛ jae yaa.

Aesaya 44:25

Menee ɡela keame nyosonteŋna waa ɛ nyosone, dɛ ɡel voɡra waa ɛ ɡɛnewa, dɛ won beɡre harɛ nɔ ta wejerema wejema, a ɛ wesale.

1 Kɔrent 2:6

Ya dɛ bol wejema waa te dɛɛ baɡle nɛra ba sie aa chaah Korowii waa ta kɛrɛdɛ. Wejema yaa dɛ baɡle a waa nɔ ta harɛ nɔ ta nɛra ne ba nɛnjena wejema ɛɛ. Ba te, ɛɛ baa ɛ pɛɛpɛɛ.

1 Kɔrent 4:6

Yabala, n kpɔ toma n ne Apolos aa ɛa la dɛ che a ta dɛ baɡle waa nɔ, ásɛ he no a mun dɛ́ jemɛ waa aa wera kɛŋɔ he ɛ. Ba chwerɛ Korowii Tɔn bini ŋɔ, He bɛ ɛ ɡarɛ ɡɛ baa chwera Korowii Tɔn bini la. He bɛ bane kpɔ ɡwaa bane dɛ́ɛ maŋkura he te.

Ɛfesos 4:14

A taa aa ba cheɡa nɛra aa wola won neɡre yaa kɛŋɔ bechale. Dɛ ya ta kpeɡe kɛrɛdɛ o nɛɛ teŋa ta naa, bane ɛɛ ba baɡle yaa waa aa koraa, ya den sɛh warane dɛɛ tɛɛ ba kɛŋɔ peu yon ɡɔɔ kon ir nyundua dɛ kpɔ ka ta bobɛlbwa la. Nɛra bane won ba liire kpɔe dɛ́ teŋe nyosone á do kɛŋɔ kpelaa ken, dɛ́ won neɡre nɛra.

Jems 3:15

Gɛ wejema nɔ ta Korowii doa wejema ɛɛ, a ɛ harɛ ta kwa. Korowii Domadɛɛɡe toole a ta. Bɔnsam liiree.