1 Kɔrent 3:17 - mzwDBL

¹⁷ Anomanta, nomɛlbwa waa chɔɡ Korowii Dea la, Korowii ɛɛ chɔɡ naatee, dɛkalkɛŋɔ o Dea la waa doa la ɛ dea doŋa bɛlbwa aa wola toole o ta. Heyaa o Dea la.

1 Kɔrent 3:17 ပူးပေါင်းရင်းမြစ်များ

Mumpar 28:17

Asɛ ɔmee lawɔ o ŋɔ, “Bonɔ ɔma kɛrɛdɛ! Bonɔ ɛɛ ɛ Korowii demii. Bonɔ ɛ doonyoa baa kpɔ o ta dɛɛ kaa nyundua.”

1 Webena 29:3

Anɔ bwa habɔɔ, maa dɛ nyin Korowii Dea la kɛrɛdɛ nomanta, n berɔ kpɔ n ɡbaɡba suuɡaswɛm ne suuɡapoŋa dɛɛ tɛ bá kpɔ ɛ o toma.

Yela 74:3

Ba dɛ́ ba na he Dea ya dɔma aa kuuɡu, o chɔɡ dɛ berɛ dimɡbia la.

Yela 79:1

N Naa Korowii, nɛŋhɔɔhra baa wola hen tomɛ, baa lɛ he harɛ la dɔɔh. Ba kpɔ doŋa kah he Dea waa do ɡoroŋ la, dɛ ɡel Jerusalam berɛ dimɡbia.

Yela 93:5

He mmarare cheɡɔ kiŋkiŋ saŋ bɛlbwa dɛɛ la. He Dea do ɡoroŋ kohona, saŋ bɛlbwa dɛɛ la.

Yela 99:9

Hé kpɛɛ Korowii yaa dɛ tomɔ, dɛɛ tomɔ o bwejen waa do ɡoroŋ ta. Korowii yaa dɛ tomɔ la do ɡoroŋ.

Kaala 3:5

Anee Korowii ŋɔ, “Bɛ suuh tel. Foo he naŋɡawa, dɛkalkɛ bela haa cheɡa la ɛ boɡoroŋ.

Aesaya 64:11

He Dea waa do ɡoroŋ dɛ do wer tɛ yaa ya naawa fa aa kpɛɛre o bini la, nii fuuh. Bɔra ya sie aa dɛ lɛ a ta bwa kuuɡo dɛ berɛ dimɡbeeni.

Ɛsekeɛl 43:12

Mmara waa chɔ le dɛ tɛ Korowii Dea laanee teŋa nɔ. Bwejen la doa ne bɔr waa baro bwa chɛ kɛŋɔ ó do ɡoroŋ kohona.

Ɛsekeɛl 5:11

Anomanta, Nemenɛ Korowii ŋɔ, “N ŋwɛɛrɔ kɛŋɔ, haa kpɔ voɡare ne we-ɛɛla maa kia dɛ kpɔ doŋa ba kah n Dea nɔ, n laa sie kpɔ he nɛ, maa he nɛɛ sune, maa he bwaraa kpɔ kɛ heyaa kpa.

Ɛsekeɛl 7:22

Mɛɛ laa sie kpɔ ba be, ásɛ ŋwɛɛra ba jo n Dea bela laala a yoɡ aa kpeɡa aa lole la, dɛ́ kpɔ doŋa kaoh.

Lewi Dea Tena 15:31

Anɔɔ hɛɛ ba ɛɛ dɛ́ ɡel Israel tena laa ba te dɛɛ kpɔ doŋa waa ta, dɛ bɛ doŋa kpɔ kah n Tɛnte Dea waa lɔ he bini la dɛ́ ba serewe.”

Lewi Dea Tena 20:3

N sie ɛɛ beɡre naate nɛɛ dɛ́ pero le o nɛra bini, dɛkalkɛ lawa waa lawɛ o bie tɛ Molɛk la ɡelɔ o kpɔ doŋa kah n Dea, dɛ chɔɡ n sɔndɛɛɡe waa do ɡoroŋ la.

Sefania 3:4

O keamere waa ta kasinteŋ dɔe, ba dɔ mbarafo. O sɔfore kpɔ doŋa dɛɛ kah kwaa aa do ɡoroŋ, dɛɛ ɡole Korowii Mmara ɡɛ baa dɛ nyin.

Nɛra Kura 19:20

Dɛ nomɛl kah doŋa dɛ vɛh a sɔe dɛ ta aa, a chɛ kɛŋɔ bá sɔɔ lola, dɛkalkɛŋɔ o kpɔ doŋa kah n Tɛnte Dea la. Ba ta doŋa laa kpɔ o nɛ, o ta kah doŋa.

1 Kɔrent 3:16

Haa jemɛ kɛŋɔ he cheɡɔ tɛ Korowii Dea asɛ o Domadɛɛɡe la so he bini kɛɛ?

1 Kɔrent 3:18

He bɛ he te dɛɛ neɡre. Dɛ he bini bɛl lole dɛɛ lii kɛŋɔ o dɔ harɛ nɔ ta wejema aa, ó ɛ o te ɡɛne ásɛ dɛ dɔ Korowii wejema tenten.