1 Kɔrent 3:15 - mzwDBL

¹⁵ Kɛ dɛ nomɛl toma fuoh waa, Korowii ɛɛ lɛ naatee, kɛ wɛɛ paŋɛ komɛlbwaa. Wɛɛ ɛo kɛŋɔ kon baa keeru le nii ta ken.

1 Kɔrent 3:15 ပူးပေါင်းရင်းမြစ်များ

Job Tɔn 23:10

Kɛ o jemɛ ŋwɛnɛ maa dɛ kpɔ o ta, o daah mɛɛ na naa, mɛɛ do werii, kɛŋɔ suuɡaswɛm baa doo nii ta.

Yela 66:10

N Naa Korowii, he daah yaa na kɛŋɔ ba yon kpɔ suuɡapoŋ do nii ta, dɛ laa o doŋa bɛlbwa kpɔ o ta la ken.

Yela 66:12

He ɡelɔ ya dɔma pɔ ya nɛ, ya na wahala kɛŋɔ nii ne nee aa chɔɡ nɛra kwaa ken, kɛ taraken, he berɔ kpɔ yaa ba harɛ o taa soma ta.

Emɔs 4:11

N chɔɡ he bini bane, ɡɛ maa chɔɡ Sodom ne Gomoora tena la. Dɛ he do kɛŋɔ nindaa waa lɔ nii ta n kee heyaa le, kɛ he ta berɛ ba n be. Men Korowiirii bola.

Sekaria 3:2

Korowii nyundua torome la ŋɔ Bɔnsam be ŋɔ, “Bɔnsam, Korowiirii dɛ́ pae bolchɔɡe! Korowii waa le Jerusalam tɛ o te la, onee dɛ́ pae bolchɔɡe! Baa nɔ do kɛŋɔ nindaa baa keero le nii ta.”

We-ɛɛla 27:21

Baa lɔ ɡbera la bini biɡri baa wola kondikwaa dii la, Pɔɔl iro che dɛ ŋɔ ba be ŋɔ, “Yabala, maa ŋɔa ya bɛ Kret le la, a chɛ kɛ he fe no n kon ta. Laala aa chɔɡa ne anɔ la haa paa ta nɔ, a fe ta ɡɛ balɛ.

We-ɛɛla 27:44

asɛ ba kar la dawɛ dapɛɡre ne stiimae la puɡrere ta dɛ wa le. Kenii ya bwa ɛ dɛ le.

1 Pita 4:18

Korowii Tɔn bolɔ ŋɔ, “Nɛra baa ɛ nɛndɛɛɡa ba waa su Korowii siwi kwaraa la, dɛ a kpeɡri kɛŋɔ ba dɔ ba nyu aa, dɛ wechɔɡ-ɛɛra baa wola Korowii ɔmɛ la, ɛrɛɛ ba waa ɛɛ ba doe yɔ?”

2 Jɔn 1:8

Hɛ́ɛ nyiŋi he te kɛrɛdɛ, dɛ́ bɛ ɡel he toma ɛ pɛɛ, ásɛ he won dɔ he tɔnɔ bwa dɛ́ le a ta.

Tɔn Jud Aa Chwera 1:23

Hɛ́ɛ lɛ nɛra baa dɛ ba wechɔɡa ta joe kɛŋɔ baa dɛ to kon dɛ́ le nii ta la. Hɛ́ɛ sune bane ɡe nɛɛ dɛ́ɛ cha ba, kɛ hɛ́ɛ nyiŋi kɛrɛdɛ ásɛ ba wechɔɡa bɛ heyaa ba bu.

Wepila 3:18

Hé ɡel n ŋɔ he be. A wer kɛ hé yawɛ suuɡaswɛm maa kpɔ nii laa o doŋa bwa kpɔ o ta la, ásɛ dɛ dɔ kwa, dɛ́ yawɛ yapoŋa n be dɛ́ tɔ, ásɛ dɛ laa sihiih kpɔ he nɛɛ he mumɡbal cheɡa ta. Hé ba yawɛ tɛɛɡa ɡe n be, dɛ́ ka do he sibie ta dɛ́ won dɛɛ na.