Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Kɔrent 3:10 - mzwDBL

10 Korowiirii cha mɛ n won ɛ toma kɛŋɔ nɛn waa jemɛ dea mae kɛrɛdɛ la, dɛ pa dea la mun, asɛ nomɛl ɡe ba ma dɛɛ chɔŋɛ. Kɛ bɛlbwa nyiŋi kɛrɛdɛ ɡɛ waa maa dɛɛ chɔŋɛ.

အခန်းကိုကြည့်ပါ။ ကော်ပီ




1 Kɔrent 3:10
37 ပူးပေါင်းရင်းမြစ်များ  

Dɛ berɛ ŋɔ, “Yá kpɛɛ Korowii Israel tena aa dɛ tomɛ, o ta nyundua ne harɛ. O tɛ Kooro Devid bibaa waa dɔ wejema, dɛ dɔ waa mun noe kohona, dɛɛ ba Dea doe tɛ Korowii dɛ́ berɛ do o koodem.


Asɛ nɛra baa dɔ toma ɛɛ wejema dɛɛ ɛ Korowii Dea toma la ɡel toma ɛɛ,


Wejeremee baa kpɛɛ, dɛɛ nyiŋi ɡɛna nyubaahna.


Wejema do kɛ haah waa ma o dem, asɛ dɛ ɛ pilare anuanɛ do o ta.


Wejereme la aa dɔ wejema nomanta, o baɡle bane ɡe ba dɔ wejema. O hweli wobosɛɡla, dɛ na a bini kasinteŋ kɛrɛdɛ ken.


Nomonome baa ɛ wejerema la ɛɛ chaahnoo kɛŋɔ nyundua, ásɛ banɔ la baa baɡle nɛra bane waa a che a ta ba waa toɡre la, baa doo kɛŋɔ weweela dɛɛ chaah saŋ bɛlbwa.”


“Sɛrobabɛl pa n Dea la mun, o tentenee dɛ́ mao tonɛ. Anee dɛ ɡel n nɛra jemɛ kɛŋɔ men Koranar Bwa Kooroo tomɛ ba be.


Bonɔɔ waa dɔ kasinteŋ dɛ dɔ liire la nɔn taa o dɔɔ kpɔ o dem tena dɛɛ do, dɛ ŋɔ bɔr dɛ maɡre aa, ó tɛɛ ba kondikwa.


Nomɛlbwa waa no n waa nɔ, dɛ ɛ ɡɛ aa dɛ baɡle la, do kɛ wejereme bɛl waa ma o dea chɔŋɛ bwe ta.


Anomanta, hé nyiŋi kɛrɛdɛ ásɛ he sie won chaah waa Korowii aa kpɔa tɛ heyaa la ta, he bɛ biro ta so.


Anee Yeesu ŋɔ ba be ŋɔ, “Hé nyiŋi kɛrɛdɛ ásɛ nomɛlbwa bɛ heyaa neɡre. Nɛra pirim ɛɛ kpɔ n sɔnee ba dɛ́ ba ŋɔ banee men, dɛ́ ŋɔ tɔpere la telo. He bɛ ba nɛɛ teŋɛ.


Belaa Apolos ŋɔ wɛɛ la Akaya harɛ taa. Anomanta, Ɛfesos asɔre tena la doo ɡbemba dɛ chwerɛ Akaya harɛ asɔre tena tɔn ŋɔ ó ba ba be naa, bá nyiŋu kɛrɛdɛ. Waa la bela la, o kaa cha nɛra Korowii aa sune ba nɛɛ dɛ ɡel ba yarada o waa la taeh.


O nɛɛ Korowii che dɛ sune n nɛ, dɛ cha mɛ, dɛ ɡel mɛɛ ɛ Yeesu toma dɛɛ baɡle nɛwɛnyina te bwa o waa ásɛ ba yaradaa dɛɛ ɛa, ásɛ o dɔ sɔn.


N cheɡɛ suna Korowii aa sune n nɛɛ dɛ kpɔ o toma do n nɔn ta nɔ ta, dɛɛ ja heyaa kɛ ɡɛ bɛlbwa haa doa la, ɡel ba nae ɡɛ. Bɛ́lbwa pwɛr o te, dɛ́ won jemɛ waa Korowii aa tɛo yarada ŋɔ ó kpɔ ɛ.


He nyiŋo na naa, n tɔn nɔ maa chwerɔ nɔ, n di heyaa kasinteŋ waane ta dɛɛ lii heya. Korowii aa sune n nɛɛ


N ɛ n liire wubwa kɛŋɔ mɛɛ bol Yeesu Kristo Amanesoma nɔɔ. Kɛ harɛre baa bol o waa a ta la, a ta laa mɛɛ bola. A waa laa aa, dɛ nomɛl toma waa pa a mun cheɡ la taa n kpɔ dɛɛ choŋi la.


Yeesu Kristo ɡboo Korowii den kpɔ cheɡ kɛ dea mumpar. Dɛ Yeesu laa aa, nomɛlbwa toole yá che o nɛɛ ó lɛ yaa.


Dɛ bane ta sɛɛh kɛŋɔ Yeesu toromee men aa, he te jemɔ kɛrɛdɛ kɛŋɔ n ɛ o torome, dɛkalkɛŋɔ pɛɛ he ne waa pɛa la dɛ baɡle kɛŋɔ n ɛ o torome kpela.


Yaa nyin kɛ ya ɡarɛ bela Korowii aa maɡa tɛ yaa. Toma yaa ɛa la, anee ya kpɔ dɛɛ maŋkura ya te. Toma nɛra bane aa ɛa la, yaa an kpɔe dɛɛ maŋkura ya te. Ya dɔ hwɛɡa kɛ he yarada ɛɛ kaa siee, ásɛ toma yaa dɛ ɛ he bini la ɛɛ ja dɛ kaa sie.


dɛ ja Yeesu toroma ne o keamere la nɛ. Jae haa ja ba nɛɛ do kɛŋɔ baa dɛ ma dea la. O ɡelɔ he do kɛŋɔ dea danjwɛ. O toroma ne o keamere laanee dea la sol-loɡle, asɛ o ɡbaɡba ɡee bwedɛɛɡe la baa kpɔa pa dea la mun la.


A waa ɡela n swɛɛ siwi dɛ takapɔ dɛɛ ɛ toma la. Yeesu Kristoo tɛ mɛ kpeɡri ɡa n won dɛɛ ɛ ɡɛ toma la.


Hé ŋɔ Akipus be ŋɔ ó do sie dɛ́ ɛ toma ya Dɔɔ Yeesu aa kpɔa tɛo la bwa kɛrɛdɛ ken.


Timoti ɛ ya dɔŋ dɛ ɛ Korowii torome dɛɛ bol Yeesu Kristo Amanesoma la wa. Ya tomɔ ó ba do heyaa ɡbemba dɛ́ ja heyaa he yarada haa dɛ yarada Korowii la bɔr,


Dɛɛ nyiŋi he te kɛrɛdɛ he soɡa bini ne he webaɡla bini. Kpoŋe a bini kiŋkiŋ, dɛɛ ɛ ɡɛ haa dɛ baɡle nɛra la. Dɛ he dɛ ɛ ɡɛ naa, hɛɛ lɛ he ɡbaɡba ne nɛra baa dɛ no he be la bwaa.


Takapɔ kpɔ he te tɛ Korowii, ásɛ he waa su o siwi kɛ nɛn waa dɛ ɛ o Korowii toma kɛrɛdɛ sihiih aa wola hen kpo, dɛ́ lawɛ kasinteŋ waa la bini kpoŋe kɛrɛdɛ.


Yabala, he bwa laa chɛ kɛ he ɡel he sie beɡre Korowii waa baɡla ta, dɛkalkɛ ɡɛ haa jema la, ya nɛra yaa dɛ baɡle Korowii waa la waa binii wɛɛ ba nyiŋa kɛrɛdɛ ɡwaa nɛra baa kaa la.


Nomɛlbwa Korowii aa chao o won dɛɛ bol o Waa la, wɛ́ɛ bola dɛ jemɛ kɛŋɔ Korowii Waa wɛɛ bol la. Nomɛlbwa Korowii aa chao o won dɛɛ tomɛ o dɔŋ la, wɛ́ɛ tomɔ bokpeɡa Korowii aa tɛo bwa ne, ásɛ wobɛlbwa ta la, Korowii che Yeesu Kristo nɛɛ dɛ́ dɔ sɔn. On chɛ kpeɡri ne jirima aa wola jaɡa dɔe bwa. Aamen.


Hé nyiŋi Korowii bambile waa lawa nɔ kɛŋɔ ŋwɛnɛɛ o tɛ heyaa kɛŋɔ he charɛ he liire, ásɛ o lɛ heya. Anee ya dɔŋ Pɔɔl yaa dɛ nyin o waa la fa kpɔ o wejema Korowii aa tɛo la dɛ chwerɛ heyaa la.


Bwea baa ma danjwɛɛ la chɔŋɛ a ta la lɔ fi dɛ anɛ, asɛ Pebie la toroma fi dɛ banɛ la ɡe sɔna dawɛ bwea la ta.


Bwea fi dɛ anɛ baa ma danjwɛɛ la chɔŋɛ a ta la ɛ bwedɛɛɡa bwa soo siwi a yoɡ aa kpeɡa. A ɡelɔ o do wer. Bweloɡle la sɔne jasepa, nɛɛte la ɡe sɔne safaya, asɛ toorote la ɡe sɔne aɡat. Onɔ la waa teŋa naarɛ la ɡe sɔne ɛmeral.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ