1 Kɔrent 2:1 - mzwDBL

¹ Yabala, a ɡɛ saŋ n fa aa ba he be dɛ ba di Korowii waa danseɛ he be la, nyotor ne nɛwɛnyini wejema laa n kpɔ bol waa baɡle heya.

1 Kɔrent 2:1 ပူးပေါင်းရင်းမြစ်များ

Kaala 4:10

Asɛ Mosis ŋɔ Korowii be ŋɔ, “N Naa Korowii, n nyoa aa kpɛlɛ ń won bol waa a do som. Dɛ le n bechale saŋ ne ɡɛ saŋ haa kpɔ he te baɡ mɛ bwaa n nyoa aa wola kpɛlɛ ne wobol.”

Aesaya 8:20

Báa teŋɛ me Mmara ne n webaɡla la ta! Dɛ ba ta ɡɛ waa la aa dɛ baɡle la bolaa, amɔ te a do kɛŋɔ baa soɡe biro ta ken.

We-ɛɛla 20:21

Juu tena ne Grik tena bwa bee n bol, dɛ ja ba ŋɔ bá charɛ ba liire dɛ́ le ba wechɔɡa ta dɛ́ ba Korowii be, dɛ́ yarada Yeesu dɛ́ kpɔ ba te tɛo.

We-ɛɛla 22:18

N na n Dɔɔ Yeesu, asɛ o ŋɔ n be ŋɔ, ‘Le Jerusalam warane. N waa nɔ haa dɛ di a danseɛ nɔ, Jerusalam tena aa a noe ba.’

Tɔn Pɔɔl Aa Chwerɛ Rom Tena 16:18

A ɡɛ nɛra nɔ, ya Dɔɔ Yeesu Kristo laa baa tomɛ. Waa ba sie aa dɛ lɛ a ta la, anee baa ɛ. Nyotor ne nyosone nee baa neɡre nɛra baa wola wobɛlbwa jemɛ la.

Tɔn Pɔɔl Aa Chwerɛ Rom Tena 16:25

Hé ɡel ya jam Korowii. Wɛɛ wonoo ɡel he che kiŋkiŋ Yeesu Kristo Amanesoma maa dɛ bol he be la ta. Korowii pili a ɡɛ waa nɔ bini. Anee fa ɛ wesɔɔhla saŋ la bwa la,

1 Kɔrent 1:17

Yeesu Kristo fe ta men tomɛ ŋɔ ń baa sɔ nɛra Korowii ne. O ŋɔ ń ba bol Amanesoma la nɛra be, kɛ n bɛ n ɡbaɡba wejema ne nyotor kpɔ dɛɛ bol waa la, ásɛ Yeesu sewa waa sewɛ daɡaɡre ta la bɛ pɛɛpɛɛ ɛ.

1 Kɔrent 1:6

Yeesu Kristo waa la ya fa aa bol he be la jo he bambile bini kɛrɛdɛ.

1 Kɔrent 2:13

Yaa dɛ bol waa nɔ, yaa nɛwɛnyini wejema ta cheɡɛ dɛɛ bola. Korowii Domadɛɛɡe laanee dɛɛ baɡle yaa waa yaa bol. Anɔ la waa bol la, anee ya ɡe kpɔ dɛɛ baɡle o wa.

1 Kɔrent 2:4

N webaɡla bini la, n ta wejema kpɔe bol waa baɡle heyaa ásɛ he sie lɛ. Kɛ Korowii Domadɛɛɡe laanee di n wobol la danseɛ dɛ ɡel a do kpeɡri.

1 Kɔrent 2:7

Korowii wejema waa yaa baɡle. A fa sɔɔh, nɛwɛnyini fa aa wola a waa jemɛ. A ɛ waa Korowii aa ɛa cheɡ yaa mɔɔ dɛ ta harɛ nɔ, ásɛ a ba cha yaa ya dɔ jirima.

2 Kɔrent 10:10

Bane ɛɛ ŋɔɔ, “Pɔɔl tɔne nyoa kpeɡri to. Kɛ he na o ɡbaɡba aa, waa kpeɡe. O wobol ɡba ta wale dɔe.”

2 Kɔrent 11:6

Bɛl lole n nyoa ken ta chaahnɛ wobol ta, kɛ wejema te, n dɔɔ. Wobɛlbwa yaa jema ɡe la, ya ɡelɔ a bini chaah he jemɛ a bwa ŋwɛnɛ bɛlbwa ta.

2 Tesalonika 1:10

Awola waa ba o tɔpejen la ta ásɛ o nɛra tɛo duure la, nɛra baa yaradao la bwa ɛɛ nao dɛ́ kpɛɛro. He ɡba jao, dɛkalkɛŋɔ ya fa aa baɡle heyaa o waa la, he noɔ dɛ teŋɛ a ta.

1 Timoti 1:11

Gɛ waa aa toɡra la bwa lɔ Amanesoma Korowii aa kpɔa do n nɔn ta ŋɔ ń chaɡle nɛra la ta. Anee dɛɛ baɡle Korowii waa dɔ jirima ne silɛɛ la wa.

2 Timoti 1:8

Bɛ ɡel a ɛɛ sihiih kɛ haa dɛ bol ya Dɔɔ Yeesu Kristo waa dɛɛ baɡle nɛra. Bɛ ɡel n ɡe waa dɔe sihiih kɛ baa koh Yeesu Kristo waa dɛ do mɛ dea la. Kɛ hé ɡe che Korowii kpeɡri waa kpɔa tɛɛ la ta, dɛɛ na waa Amanesoma la wa.

1 Jɔn 4:14

Ya na o Bie la dɛ di danseɛ kɛŋɔ Korowiirii ɡela o ba harɛ nɔ ta dɛ ba ɛ nɛwɛnyini Lɛɛ.

Wepila 1:2

Jɔn baɡle waa waa naa bwa. Korowii waa ne Yeesu Kristo webaɡla ne waa waa naa dɛ no bwaa o chwerɛ.

Wepila 1:9

Menee Jɔn maa ɛ he dɔŋ, dɛ koh pɛɛ ya bwa ne Yeesu Kristo aa pɛa la waa dɛɛ na wahala, dɛɛ tomɛ Korowii o Kora ta, dɛɛ lawɛ bambile wobɛlbwa ta la. N lɔ ekwi harɛ baa dɛ yerɔ Patmɔs la ta, bela baa koah kɛŋɔ n bol Korowii Waa dɛ ɛ Yeesu danseɛ dɛ laɡ mɛ ka ta la.

Wepila 19:10

Belaa n ɡuŋi o sie, dɛ fee ŋɔ n duuru, asɛ o ŋɔ n be ŋɔ, “Bɛ ɡɛ ɛ. N ne hen ne he bala la baa lawɛ Yeesu waa bini la bwa ɛ o bonɔɔna. Korowiirii chɛ kɛ he duu. Yeesu waa waa baɡla laanee ɛ keamere la bwa wobol.”