Baa ba Anteɔk la, ba yerɛ asɔre tena la bwa cheme, dɛ baɡ ba ɡɛ Korowii aa kpɔ ba ɛ toma bwa, ne ɡɛ waa pili ŋwɛnɛ tɛ nɛra baa wola Juu tena ɛɛ la ba ɡe jemɛ Yeesu waa dɛ yaradao la bwa.
Gɛ nɛra fa aa ɛɛ mɛ Ɛfesos la do kɛŋɔ n ne kpɔɡ bini ola aa yoa ken. Dɛ harɛ nɔ ta waa ɡbo waa n ne ba yo aa, bɔkwa tɔnɔɔ n dɔ a ta nɔ? Dɛ nɛra aa seo taa iraa, ya fe ɛɛ ŋɔɔ, “Hé ɡel ya ir dɛ́ di kwaa dɛ́ lɛ sie, dɛkalkɛŋɔ tɔpebɛl yaa sewɔɔ.”
Dɛ ya dɛ na wahala aa, he chae waa yaa naa, ásɛ dɛ won larawe he bwara, ásɛ Korowii won lɛ heya. Dɛ Korowii berɔ larawe ya bwara ɡe aa, dɛ he chae waa o ɛ ɡɛ, ásɛ ya won cha heya, he won lawɛ bambile ɡɛ saŋ haa ba na ya wahala yaa naa la dɔŋ la.
dɛkalkɛŋɔ nɛra warɔ baa wola ɡɛ ŋwɛnɛ la ta teŋɛ. N fa baɡle ba waa he be kera aŋwɛnɛ bwa, dɛ berɛ dɛɛ baɡle heyaa taraken sinii ne ŋɔ ba ɛ Yeesu Kristo seo waa sewa daɡaɡre la ta la waa dɔm.
Anomanta, a wer kɛŋɔ he bol he wechɔɡa dɛɛ baɡle he bala he ne baa teŋɛ Yeesu nɛɛ la, ásɛ ba ɡe won soŋe Korowii dɛɛ tɛ heya, ásɛ o tɛ heyaa bokpeɡa, dɛkalkɛŋɔ nɛndɛɛɡe dɛ soŋe Korowii aa, o dɛ no dɛ ɛ dɛɛ tɛo.