1 Kɔrent 16:6 - mzwDBL

⁶ dɛ́ ba so he be dɛ́ biɡri tama. N ken ɛɛ so he bee alalawo saŋ, ásɛ alalawo saŋ kaa mɔɔ he ta mɛ ŋwɛnɛ ń kaa bela bwa maa dɛ nyin.

1 Kɔrent 16:6 ပူးပေါင်းရင်းမြစ်များ

We-ɛɛla 15:3

Baa tom ba la, ba kaalɔ. Baa dɛ kaa la, ba kaa kpɔ harɛre ane baa dɛ yera Finiisia ne Samaria ta dɛɛ kaa, dɛɛ bol bela asɔre tena be ɡɛ nɛra baa wola Juu tena ɛɛ la aa bera dɛɛ yarada Yeesu dɛ kpɔ ba te tɛo. Ba ɡe aa no ɡɛ la, ba sie lɛo taeh.

We-ɛɛla 17:15

Nɛra la baa tɔ Pɔɔl sie dɛɛ kaa o ne la, ba la o ne ka tel Atens, dɛ berɛ kaa Bɛrea. Baa dɛ kaa la, Pɔɔl ŋɔ ba be ŋɔ bá ka ŋɔ Silas ne Timoti be ásɛ ba ba o be warane.

We-ɛɛla 20:38

Waa la aa ɡela ba loo ku kohona laanee kɛŋɔ waa ŋɔa baa on na kpa bwa la. Baa ɡwao tonɛ la, ba doo ŋwɛnɛ la stiimae la bɔr.

We-ɛɛla 21:5

Ya kaala aa tela la, ya le bela dɛ chiɡ ŋwɛnɛ ta dɛɛ kaa. Ba ne ba haahna ne bii bwaa baa do yaa ŋwɛnɛ dɛ le bwɛɛ la ta, dɛ ka tel nee nyoa, asɛ ya ɡuŋi harɛ nee nyoa bela dɛ soŋe Korowii dɛ kal dɔŋa.

We-ɛɛla 27:12

Leebɔdɛɛɡe leebɔɔ bela aa were ne stiimae la cheɡa peujena la saŋ. Ba ŋɔ stiimae leebɔdɛɛɡe lɔ Kret harɛ bwɛɛ bɛl baa dɛ yerɔ Finiks la ta, anomanta, ba kɛrɛdɛ ŋɔ bá takapɔ so stiimae la bini tama tama dɛɛ la bela dɛ́ ka so bela, ásɛ peujena la saŋ kaa mɔɔ. Dɛ Finiks leebɔɔ la chɔɔ kɛ korobifale ɡuri aa do ɡɛ la, asɛ o harɛ la nyoa bɛl sie chaɡɛ wee cholibɔr diɡ pera, asɛ bɛl ɡe chaɡɛ wee cholibɔr ɡal pera.

We-ɛɛla 28:11

Ya di korobie atoro bela mɔɔ dɛ dɔ Alɛksandrea tena stiimae bɛl baa dɛ yerɔ Voɡkpara la bini jo. Peujen saŋ la aa tela la, stiimae la tena baa so Mɔlta, ásɛ peujena la tonɛ mɔɔ ba le.

Tɔn Pɔɔl Aa Chwerɛ Rom Tena 15:24

n dɛ nyin kɛŋɔ n ba dɛ kaa Speen harɛ ta naa, ń na heya. N jemɔ kɛŋɔ n baa so he be tɔpera anɛ, dɛ le bela dɛɛ kaa Speen harɛ ta naa, hɛɛ cha mɛɛ.

1 Kɔrent 16:11

Anomanta, he bɛ o sie lawɛ teɡɛ harɛ. Hé doo ŋwɛnɛ ásɛ o kpɔ bambisɔɔhna dɛ berɛ ba n be. N dɛ nyiŋi o ne yabala la ŋwɛnɛ.

2 Kɔrent 1:16

N fa ɛo kɛ n Makidoonia harɛ kaala ta la, ń kpɔ he be, ásɛ n le bela dɛɛ ba ɡe aa, ń ba so he be tama, ásɛ he ta mɛ ŋwɛnɛ n kaa Juda harɛ.

Taetos 3:12

Dɛ n tomɛ Aatemas kɛɛ Tichikos he be naa, takapɔ dɛ́ ba n be Nikopolis warane. N ɛ n liire kɛ ń ka so bela alalawo saŋ.